قصة خيالية

**Most_H** · 12-05-2011 05:16 AM

قصة صراع مش صراع.
===========================================
س وص أتلاقوا لأول مرة فى حياتهم مع بعض

س متعود انه يعمل حاجات متعود انه يعملها، بس ص أستغرب لأنه أول مرة يشوفها

ص راح يسأل ع اللى بيثق فيه على اللى الكلام الغريب اللى س بيعمله دة، لأنه ميعرفش س

ع حس بخطر على نفوذه من س، راح قايل ل ص، دة س دة كذا وكذا وكذا، وخلى بالك منه، دة حتى هيعمل كذا وكذا وابقى خد بالك علشان تعرف انى مش بضحك عليك

ص قعد يراقب س، ولاقى س فعلا بيعمل كذا وكذا، فصدق ع وبقى يتعامل بحذر وترقب مع س

س استغرب، مش فاهم ايه اللى بيحصل، ليه ص بيتعامل معايا كدة

س راح يسأل ع بتاعه، وعين دة كان طمعان فى ص وعوزه يبقى تحت نفوذه، راح قايل لى س دة اصله كذا وكذا، وحتى خد بالك من اللى بيعمله، وانت هتعرف انى مش بضحك عليك

س قعد يراقب ص، ولاقى س فعلا بيعمل كذا وكذا، فصدق عين وبقى يتعامل بحذر وترقب مع ص

فى يوم واحد منهم كح فى وش التانى من غير قصد، التانى خدها على صدره، وراح اشتكى ل ع، وع قال له خليك معايا تكسب

حكة ورا عطسا ورا .... ورا........

لحد مجة اليوم اللى الاتنين رفعوا السلاح على بعض، س ومن وراه عين، وص ومن وراه ع
.................................................. .................................................. .........

**mrmohamedragab** · 12-05-2011 10:50 AM

متهيالى مؤلف القصه دى مدرس رياضة و حول باه مدرس عربى

**tamer_a7** · 12-05-2011 02:30 PM

تصدق انا هاسحب منك عضويه رابطه الاكسيل
علشان انا مش فاهم حاجه

**Most_H** · 12-05-2011 02:33 PM

المشاركة الأصلية كتبت بواسطة mrmohamedragab

متهيالى مؤلف القصه دى مدرس رياضة و حول باه مدرس عربى

واضح ان حضرتك بس اللى أستنتجت حاجة من الموضوع، ومش هى المقصوده

ربنا يخرجنى منها بأقل الخساير بقى.:b4_611:

ملحوظة: الهدف من الكلام دة، مش ان الواحد يقراه قبل النوم ويستمتع بيه، الهدف منه شرح وجهة نظر لما يحدث

**Most_H** · 12-05-2011 02:38 PM

المشاركة الأصلية كتبت بواسطة tamer_a7

تصدق انا هاسحب منك عضويه رابطه الاكسيل
علشان انا مش فاهم حاجه

لأ، حرام بقى كدة يا بشمهندس :b4_611::b4_611:

هو الموضوع دة كنت عاوز اشرح عن طريقة وجهة نظرى من غير ما أسبب مشاكل او حساسية لحد، ومن غير ما أفتح نقاشات لا نهائية مش أكتر يا بشمهندس، بس الظاهر ان أتفلسفت بدرجة مبهمة