سؤال تاني وأسفه على تعبكم

**KINGMDAH** · 12-05-2011 07:06 AM

السلام عليكم ورحمة الله وبركاته

انا كنت بدور على النت ولقيت عربيتين مش عارفه مين فيهم افضل وسعرهم بالظبط كام لان العربيتين قابلين للتفاوض وانا مش بعرف اسعر العربيات

العربيه الاولى سوزوكي التو وصاحبتها عارضاها على 27 الف

العربية موديل 1997 وعملة 28000 كيلو وهى رشة برة بس انما من جوة فبريكة وانا والله بحبها قوى بس عشان عايزة عربية اتومتك مكنتش فرط فيها وهى 1000 سى سى موفرة جدا فى البنزين وهى حالتها كويسة جدا وانا المالك التالت للعربية ومش بعرف معلش اعمل موضوع الصورة ده وهى لونها ازرق زهرى وبالنسبة للسعر لما تشوفيها ان شاء الله نبقى نتكلم فيه

العربيه التانيه ماروتي 2006

للبيع عربية ماروتى موديل 2006
فابريكة بالكامل
عداد 35 الف
لون فضى
رخصة حتى 30 / 9 / 2011
تاريخ فحص 2012
مطلوب 26 الف قابلة للتفاوض الجاد عند المشاهدة وعند الجدية

الله يكرمكم تردوا علي بسرعه لاني ان شاء الله مقررة هشوف واحده فيهم الاسبوع الجاي لاني محتاجه عربيه بسرعه

واسفه مرة تانيه على تعبكم معايا

**maak333** · 12-05-2011 11:10 AM

السلام عليكم ورحمة الله وبركاته

اولا بالنسبه للسوال ايهما افضل فهو عموما قبل اي حاجة كل ما كان موديل العربية حديث كل ما كان احسن يعني عربية موديل سنتين فاتو احسن من عربية موديل تسعينات دي نقطه
تاني حاجة انا شايف بالنسبة للعربية الالتو هي موديل 97 وعامله 28000 كيلو يعني بقالها حوالي 14 سنه فا كدا في حاجة مش مظبوطه وبعدين كمان صاحبة الاعلان بتقول انها المالك التالت للعربية ؟؟؟؟انا عربيتي ماروتي بقالها معايا 3 سنين وعامله حوالي 21000 كيلو
فا انا في راي لو مش هايفرق معاكي التكييف وبقيت الاوبشنز اللي ممكن تكون في التو فا الماروتي موديل حديث تكون احسن وربنا يوفقك لعربيه كويسه ان شاء الله

ابو مريم ومؤمن....

**A.Saad** · 12-05-2011 11:25 AM

الماروتى طبعا سعرها لازم ينزل

الالتو ده شكل قديم واتاكدى من توافر قطع غياره

وفى الرنج ده بس ممكن يزيد شوية ممكن تفكرى فى البرايد

**DarkMagician** · 12-05-2011 01:34 PM

حاولي تبعدي عن المستعمل على قد ما تقدري دي نصيحتي ولو عاوزة مستعمل مفيش حل اتفرجي على العربية في النهار وخدي ميكانيكي كويس و يفضل كشف كميوتر شامل بحوالي 400 جنيه و ده رايي

**dr.hazem** · 12-05-2011 01:40 PM

الماروتي دي لو بجد الحاله زي مهو مكتوب خلصي فيها على 25 وتوكلي على الله وعالتوكيل تكشفي عليها بحوالي 200 جنيه

وبعدها لو في حاجه هتنزلي من السعر اكتر وان شاء الله ميكونش فيها حاجه اطلاقا

واستخيري قبلها ولو ربنا كاتبلك خير فيها هتلاقيها اتيسرت جدا

وبعد كده لو عايزة تركبي التكييف فيها ممكن نوديها لشريف وتعيشي التجربة بتاعتنا في الموضوع ده

http://www.nilemotors.net/Nile/216353-a.html

واسألي براحتك وان شاء الله نفيدك دايما

تحياتي