ركبة الشداد

**gbgeorge** · 12-05-2011 10:29 AM

عاوز رأى سيادتكم ضرورى ركبة الشداد اللحام بتاعها اتفك و طبعا الزوايا مش مظبوطة رحت اظبط زوايا الصنايعى قالى الركبة عايزة تتلحم فكنت عايز اعرف اللحام يكون اكسجين عند سمكرى والا كهرباء عند حداد علشان ناس قالتلى اللحام الاكسجين ضعيف ماينفعش و ناس تانية قالتلى الكهرباء ماتنفعش فياريت حد يفيدنى ضرورى علشان مش عارف امشى كدة

**gbgeorge** · 12-05-2011 01:19 PM

فين اساتذة المنتدى

**saadelden** · 12-05-2011 09:09 PM

الفكره مش اللحام
الفكره ف الصنايعي الي بيلحم يكون شغله نضيف
لان لو عملها اي كلام كدا كدا هتفتح

**gbgeorge** · 14-05-2011 11:03 AM

طيب اية الحل اعرف شغلة ازاى لازم اجربة الاول

**eslamspirit** · 15-05-2011 12:32 PM

بص يا سيدي لو قصدك الركبة اللي بتبقي قدام تحت الفوانيس دي بتتغير بحالها و لا انصحك باللحام
بس تغيرها عند حد بيلحم شاسيهات و عندة خبرة علشان ميبوظش ابعاد العربية

**mohamed_e36** · 15-05-2011 12:35 PM

المشاركة الأصلية كتبت بواسطة eslamspirit

بص يا سيدي لو قصدك الركبة اللي بتبقي قدام تحت الفوانيس دي بتتغير بحالها و لا انصحك باللحام
بس تغيرها عند حد بيلحم شاسيهات و عندة خبرة علشان ميبوظش ابعاد العربية

بالظبط كده لانك هتلحمها وبرضه هتفك تاني فالافضل انك تغيرها تقريبا هتلاقيها في حدود 25 جنيه وبالنسبه للحام اللي اعرفه ان الكهرباء اقوى من الاكسجين

**l0new0lf** · 15-05-2011 12:43 PM

الاختيار بين لحام كهربا او لحام اكسجين بيعتمد على تخانة الصاج اللى هيتلحم
و خلى بالك سلك اللحام انواع من حيث المقاس و الصلابه مش نوع واحد

**gbgeorge** · 15-05-2011 03:07 PM

اشكركم جميعا على مشاركتكم بس انا طبعا مكنتش عارف امشى بالعربية خالص فرحت لسمكرى و لحمها اكسجين قلت اعملها كدة لحد مااشوف اعمل اية لكن فى الاول روحت لواحد قالى انا الحمهالك كويس واخليهالك احسن من الجديد وكلام كدة كتير و فى النهاية قالى هاخد 200 جنية انا طبعا حسيت انة بيشتغلنى المهم انا خلعت منة بصنعة لطافة و رحت لواحد تانى فك العجلة و الشداد ولحم الركبة واخد 40 جنية
بس انا دلوقتى عايز لو حد يدلنى على بتاع شاسيهات محترم و اجيب الركبة جديدة ويعملها