محتتتتتتتتتتتتتتتتتار جدا يا جماعة مهم جداااااااا

**Ahmed_BYD_F0** · 23-05-2011 03:25 PM

المشاركة الأصلية كتبت بواسطة medododo

نيسان تيدا هاتش باك دي أحسن عربية هتشباك في مصر من وجهة نظري

انا احترم وجهة نظرك جدا يا ميدو باشا

ولكن هل ممكن تقولى معلومات عن العربية دية ومدعومة بصورة ليها

اكون شاكرلك جدا جدا جدا

**Ahmed_BYD_F0** · 23-05-2011 03:32 PM

المشاركة الأصلية كتبت بواسطة emo_elnems

أولا:حدد إمكانياتك
يعني قسط العربية اللي تقدر تدفعه
ثانيا:حدد إحتياجاتك
مواصفات العربية وامكانيتها
ثالثا:توكل على الله وأشتري وعلى فكرة في حدود معلوماتي بنك ناصر شروطه وقسطه معقولين وخصوصا لوكنت موظف حكومة

شكرا يا اخى على اهتمامك بالرد على موضوعى

اولا انا حددت امكانياتى انى اقدر ادفع مقدمة من 10 الاف الى 12 الف جنيه

ثانيا اقدر اقسط العربية من 500 الى 700 جنيه

ثالثا عايز عربية هاتش باك ثابتة وتتحمل السفر وتاخذ عائلتى اللى مكونة منى وزوجتى وطفلين

ثالثا سؤالى ليك دلوقتى ممكن اروح اى فرع لبنك ناصر وهو يقسطلى العربية وايه الاجراءات ومعلش انا تعبتك معايا
:b4_611:

**mohamednagib** · 23-05-2011 03:50 PM

اولا لازم تعرف انك لما تدفع 12000 و عاوز تقسط لحد 700 جنيه ... افتراضا على 5 سنين .. لسيارة سعرها 70000 .. و بافتراض ان نسبة الفايدة 8% ( و ده صعب تلاقيه ) ... كده يبقى القسط الشهري (1353 جنيه )

و لو افترضنا انك هتقسط على 7 سنين بنفس المعطيات السابقة .. القسط الشهري هيبقى ( 1077 جنيه )

الحل : انك تشوف عربية سعرها لا يتجاوز 50000 جنيه ... و تقسط على 7 سنين ... القسط الشهري هيكون ( 706 جنيه ) .. دا طبعا في حالة نسبة الفايدة 8 %

و نصيحتي : حاول على قد ما تقدر انك تزود المقدم .. علشان ترحم نفسك شوية من الفايدة ... و ياريت تسال على نسبة الفايدة في بنك البركة ... سمعت انها 7.5% بس ....

وكمان لازم تدور في محيط السعر بتاع 50000 ...

و بالتوفيق ان شاء الله

**M_SALLAM** · 23-05-2011 03:59 PM

انا بفضل لحضرتك رينو سانديرو دى افضل عربية هاتش باك شفتها ( موتور 1600 cc قوى , كمليات راااااااااائعة , مستوى امان عالى جداااااا , تكيف ثلاجة , توكيل محترم , شكل جذاب , عفشة فوق الممتازة , واسعة بشكل رهيب , شنطتها راااااااااائعة بالنسبة لعربية هاتش باك ( مساحة الشنطة 310 لتر ) , اسم عريق فى النهاهية الأختيار لك و ربنا يوفقك فى اختيارك ....

**mohamednagib** · 23-05-2011 05:13 PM

المشاركة الأصلية كتبت بواسطة mohamednagib

اولا لازم تعرف انك لما تدفع 12000 و عاوز تقسط لحد 700 جنيه ... افتراضا على 5 سنين .. لسيارة سعرها 70000 .. و بافتراض ان نسبة الفايدة 8% ( و ده صعب تلاقيه ) ... كده يبقى القسط الشهري (1353 جنيه )

و لو افترضنا انك هتقسط على 7 سنين بنفس المعطيات السابقة .. القسط الشهري هيبقى ( 1077 جنيه )

الحل : انك تشوف عربية سعرها لا يتجاوز 50000 جنيه ... و تقسط على 7 سنين ... القسط الشهري هيكون ( 706 جنيه ) .. دا طبعا في حالة نسبة الفايدة 8 %

و نصيحتي : حاول على قد ما تقدر انك تزود المقدم .. علشان ترحم نفسك شوية من الفايدة ... و ياريت تسال على نسبة الفايدة في بنك البركة ... سمعت انها 7.5% بس ....

وكمان لازم تدور في محيط السعر بتاع 50000 ...

و بالتوفيق ان شاء الله

وللتسهيل عليك .. حاولت اجيب لك السيارات اللي في السعر ده حتى 60000 :

اسبيرانزا - Speranza A113

جريت وول - Great Wall بيرى

رينو - Renault لوجان (Basic)

سوزوكي - Suzuki Celerio

سوزوكي - Suzuki ألتو

سوزوكي - Suzuki ماروتي

شيفروليه - Chevrolet سبارك

كيا - Kia بيكانتو

لادا - Lada 2107

لادا - Lada 2115

هيونداى - Hyundai اتوس

هيونداى - Hyundai أي 10