حد حصله كدة قبل كدة !!؟

**m_gody** · 12-05-2011 04:37 PM

امبارح كنت فى التوكيل بعمل صيانة ال 15000 لعربيتى السيمبول ( معايا بقالها سنة و شهرين بالظبط ) .. و بلغتهم ان فى صوت تكة بسمعه اما بلف الدركسيون ع الاخر وانا بركن مثلا و الصوت دة قلتلهم عليه فى صيانة ال10 و قالولى هو مجرد تربيط عفشة و خلاص و لقيت الصوت لسة برضه موجود زى ماهو

المهم انى قعدت كتير جدا فى التوكيل و العربية جوة و كل ما اقولهم فى حاجة !؟ يقولولى العربية خارجة حالا .. و بعد ما خرجت خدتها و مشيت
و بعدها ب 10 دقايق لقيت التوكيل بيكلمنى و يقولى انهم عاوزنى ابعتلهم رخصة العربية فاكس عشان فى مشكلة و عشان الضمان و كلام مش مفهوم كدة .. رحت راجعلهم عشان افهم فى اية لقيتهم قالولى ان الصوت اللى فى الدركسيون دة مشكلة ولازم علبة الدركسيون تتغير ( على حسابهم طبعا لأن العربية فى الضمان و دة مش عيب استخدام اكيد انا مالحقتش ) بس الموضوع هياخد شوية وقت عشان هيعرضوا التقرير معرفش على مين و يردوا عليا .. بس هما طمنونى ان الموضوع مافيهوش اى خوف فى المشى عادى يعنى هو مجرد الصوت بس

السؤال بقى للناس اللى بتتعامل مع التوكيل من زمان .. تفتكروا ممكن يكبروا دماغهم من الموضوع و مايغيروش حاجة !!؟ ولو عملوا كدة اعمل انا اية !!؟ .. مع العلم انى كنت بعمل الصيانة فى فرع الميكانيكيون العرب .. أفيــدونــى

**mohamed1979** · 12-05-2011 05:37 PM

من خلال معاملتى لفرع العبور
الناس معندهمش اى مشكله لو فى حاجه بايظه فى العربيه و بتكون تبع الضمان انهم يغيروها
حصل مع ناس كتير معاهم عربيات رينو
وشخصيا مغيرين ليا طلمبه مياه و سيور و البلى و ذراع النور فى الضمان
ان شاء الله يغيروها بدون اى مشكله لأنهم هما اتصلوا بيك لتغيرها

**m_gody** · 12-05-2011 05:41 PM

طيب و الموضوع والاجراءات بتطول و بتاخد وقت فعلا وكدة ولا عادى ... عموما ربنا يعمل اللى فيه الخير انا مستنى اتصالهم بقى : /

**Amr_Moh** · 15-05-2011 12:44 AM

تفتكروا ممكن يكبروا دماغهم من الموضوع و مايغيروش حاجة

الكلام دة وارد مع توكيلات أخرى .. اطمن

**chato_eg** · 15-05-2011 03:50 PM

لأ إن شاء الله هايغيروها لك من غير ما تدفع حاجة....
بس هما بيبعتوا التقرير لفرنسا علشان تغيير القطع فى الضمان زى حالتك بيكون على حساب رينو فرنسا...

حصلت معايا فى كومبريسور التكييف...بس العربية كانت عندهم..ما سابونيش آخدها و قعدت عندهم 3 أيام..