ع فكرة دا نصاب قراري انت مش ملاحظ ان الحجات دي مجموعها اصلا مش 325 دي 305
وبعدين مصنعية اي دي الي 400 جنيه
انا رايي انك تسال ع والد خطيبتك تاني وماتستعجلش ف الخطوبة دي
عرض للطباعة
ع فكرة دا نصاب قراري انت مش ملاحظ ان الحجات دي مجموعها اصلا مش 325 دي 305
وبعدين مصنعية اي دي الي 400 جنيه
انا رايي انك تسال ع والد خطيبتك تاني وماتستعجلش ف الخطوبة دي
المصنعية دي ياباشا كنت تروح توكيل ميتسوبيشي هتدفعلهم التمن دة لما تغير طقم الكاتينة و4 مساعدين وشوية حاجات تانية لزوم انك تتعبهم وخلاص
ولا يهمك يا جميل وعلى راى واحد من المشاركين خد حقك بعد الجواز يارب يتمملك على خير وهون على نفسك اول عربية ليا كانت شاريد كنت رايح للباشا الميكانيكى حبيب جوز اختى يصلحلى الكاربارتير كنا فى رمضان .. رجعت بعد الفطار لقيته فاكك الموتور وبيعمل نص عمرة لان الباشا جوز اختى قام بالتوصية عليا!!!!!!! وبدل ماادفعلى مثلا 20 او حتى خمسين جنيه دفعت 800 جم ومش كدة وبس العربية اللى حيلتى باظت !! كلنا بنتعلم فى الاول .. اما عن الاسعار تقريبا هى كدة والمصنعية اعتقد انها لا تزيد عن 100 جم
تصدق انا لسة شايف الموضوع دلوقتي و دمي اتحرق من الراجل الحرامي ده
و الناس اللي بتقول الاسعار كده لكن المصنعية هي اللي غالية بردو مضحوك عليهم
جوز اللمبات بـ 40 جنيه بالكتير
و الكتاوت بـ 25
لمبة الصالون هي اللي ممكن يبقي سعرها كده لو ليدات لكن لو نور اصفر تبقي بجنيه
طقم لمبات التابلوة ده انا لسة جايب اللمبات دي من باب اللوق من اسبوعين بنص جنيه اللمبة و قول هايجيب 20 لمبة مع ان رقم 20 ده مبالغ فيه جدا انت كبير التابلوة عندك هايبقي بايظ فيه اربع او خمس لمبات فقط
موتور مياه ابو 40 جنيه ده بـ 10 و 15 جنيه و القربة كاملة جديدة بـ 65 جنيه بالخرطوم بتاعها
الخرطوم اللي هو جايبة ده بيتباع بالمتر و المتر بـ 50 قرش و بالكتير هايبقي جايب 3 متر بجنية و نص
بزبوز المياه الاتنين بخمسة جنيه و اشك ان اللي عندك كانو بايظين هم و الخرطوم اصلا
و المصنعية بالكتير اوي زي ما كل الناس قالت و لما يبقي كهربائي غالي كمان هاياخد 70 جنيه و يبوس ايدة شعر و دقن و يبقي معتقد انه ضاحك عليك كمان
والله هاين عليا اقولك تروح تاخد فولسك منه علي داير مليم و ترميلة اللي هو جابة في وشة يلبسهم هو
و هاين عليا كمان اقولك اجي معاك للحرامي ده نطلع عينة
بجد دمي اتحرق عشانك والله
اقولك علي حركة حلوة بقي
بوظ اي حاجة هو عملهالك و روح قولة شايف الشغل الزبالة اللي انت عاملة و طين عيشتة
او روح اعمل شغل جديد عنده و قولة ابقي حاسب حمايا
معلش نصيحة
ماتخليش حد يتفقلك علي اي حاجة
انت اللي تتفق من قبل ما حد يشتغل في اي حاجة مش العربية بس
و دي مافيهاش احراج ... حتي لو السعر معجبكش امشي و سيبة حتي لو معاك حماك
و حضرتك باين عليك جديد تماما في موضوع العربيات
انصحك انك قبل ما تعمل حاجة في العربية تكتب اللي انت عاوز تعملة هنا و تستفسر عليه
و احنا هانقول لحضرتك علي الاسعار لقطع الغيار و للمصنعية عشان تبقي عارف التكلفة من قبل ما تروح عشان محدش يحاول ينصب عليك