الموضوع: انا تقريبا اتنصب عليه جامد اوى

انا الحمد الله اشتريت كريستالة من شهر المهم كان فيها فانوس اضائته ضعيفة جدااا و والد خطيبتى قالى انه يعرف كهربائى كويس جداااا

عديت عليه قبل ما اروح الشغل فى دماغى انه هيغير لمبة الفانوس وهاخد العربية وانا ماشى

قالى دى محتاجة كتاوت علشان لو عملتها كده هترجع تبوظ تانى وواخدة من ضفيرة خارجية وعايز شغل وشوية مصاريف ؟؟؟؟

وهجيب ليها لمبة زئبق المانى ب 80 جنيه ؟؟

لقيت والد خطيبتى قالى روح انته الشغل ودفع ليه 200 جنيه تحت الحساب
؟؟؟ وانا واقف مذبهل كتاوت ايه وزئبق ايه ولمبة ايه الى ب 80 جنيه ؟؟؟

قلت عادى متحرجش والد خطيبتك واروح الشغل ولما ترجع شوف هيكون عمل ايه

رجعت وكانت المفاجاة ؟؟؟

قالى انا جبت طلبات ب 325 ؟؟؟ ومصنعية 400 بس علشان خاطر الحاج (والد خطيبتى) يبقى 350 بس



يعنى 675 جنيه ؟؟؟
فى ايه انا معرفش

شوفت ورقة الى فيها الطلبات وكانت عبارة عن الاتى

80 جنيه 2 لمبة زئبق المانى

70 جنيه كتاوت بمحتوياته
50 جنيه طقم لمبات للتبلوه
10 جنيه لمبة صالون
40 جنيه ماتور مياه يبانى
30 جنيه وصلة ايريال
20 جنيه 2 بزبوز مياه الى هو بتاع المسحات ده
5 جنيه خرطوم مياه



المجموع 325 ؟؟؟ مش عارف كده الاسعار غالية ولا اتنصب عليا ولا كده كويس

المصنعية بتاعت الحجات دى 400 جنيه ؟؟؟ شايف انهم كتير جداا هو عمل الحجات دى وبيقولى ظبط الكهرباء كلها والضفيرة ؟؟؟


وخلصت فى الاخر على ان المصنعية 300 جنيه بس حاسس برده انهم كتير


رايكم ايه خاصة الى عنده خبرا فى الموضوع ده كده كويس ولا اتنصب عليه وعامة انا لسه مش حاسبته ؟

المشاركة الأصلية كتبت بواسطة م/مصطفى محمود

انا شايف إنك إستفدت جامد جدا جدا والله فى الموضوع ده ، كويس انها كانت فى مصنعية كهربائي عربية وحاجه بسيطة ، أحسن ما كنت تتلسع فى حاجه تبع الشقة أو الشبكة أو حاجه كبيرة ، كده انت عرفت أنه بيتساهل فى الحاجات دي فتخلي بالك بقى لما تتكلم فى الفلوس مع حد بعد كده انك أنت اللى تتكلم أو تتكلم وهو مش موجود

والف مبروووك على الإضائة وبجد أنا شايف إنك إستفدت من الموقف وحاول تطبقة بعد كده فى حياتك

1111111111111
كنت رايح اكتب نفس الكلام