الموضوع: استشارة كارينز ولا النترا؟

الكارينز طبعا

المشاركة الأصلية كتبت بواسطة zamalek26

السلام عليكم

انا عارف انى فى صفحه الكارينز

لكن عاوزكم تساعدونى فى اختيار والمقارنه بين الكيا كارينز والهايونداى الالنترا.

ممكن اللى معاه الكرينز يقولى انطباعه عنها ؟
ممتازة و أرشحها لك عن الألنترا و ممكن تبص علي رأي الأعضاء فيها

http://www.nilemotors.net/nile/15821...post3872773774

من ناحيه تكلفه الصيانه من الالف الى ال25 الف لو فيه جدول بالاسعار؟
أسعار الألف و العشرة و العشرين علي التوالي

http://www.nilemotors.net/nile/209992-1000.html

http://www.nilemotors.net/nile/14179...post3872557507

http://www.nilemotors.net/nile/163676-20.html
اسعار قطع الغيار؟ مع ذكر الامثله؟ ولو امكن اسعار الحاجات الاستهلاكيه ؟


موجودة هنا
http://www.nilemotors.net/nile/18205...post3873053629

العربيه الكارينز ك1600 سى سى كويسه ومناسبه لحجمها الكبير يعنى العزم بتعها حلو مع قله السى سى مقارنته بالالنترا؟

كويس بس السحب بتاعها مش جامد قوي في الأول ...يعني هيا مش عربية ترويش و جري ..أنما كعربية عائلية ...ممتازة ..ممكن تبص علي التقرير ده هيفيدك

http://www.nilemotors.net/nile/11305...post3872214138
انا عارف ان فيه ميزة 5 سينين ضمان فى الكيا عن ال 3 فى الالنترا.....

وفى نفس الوقت شكل اللانترا هيتغير ومستخسر 104 الف فى شكل هيتغير ..... بس فيها ميزة انها قكع غيارها رخصيه مقارنته بالكيا ارجو التاكيد؟؟؟؟

الكارينز فى توكيل روكسى ب 120 الف انا عارف ان فيه فرق فى السعر بس هل العربيه مقارنته بحجمها ومتورها اللى انا شايفه صغير هيستحمل عائله من 5 افراد ؟؟؟


انا دائما عراف ان الكيا ارقى من الهايوندى بس قكع غيارها اغلى ......

اتمنى الإجابه على الاستفسارات سواء كارينز ولا النترا......

كارينز فور أفر :)

وفي الأخر ديه اللينك بتاعة كارينز أونرز ممكن تطلب من أ/ خالد يضيفك فيها

http://www.nilemotors.net/nile/group...ns-owners.html
ايه موقف اعادة البيع فى الكرينز هل كويس ولا بطيىء؟
رأي أنه مع الأنتشار اللي محققاه ده أكيد هيبقي كويس و كمان محدش أشتكي منها كثيراً

بص صعب تقارن بين العربيتين لية : اولا النترا تندرج تحت بند السيدان يعنى عربية شبابية جرى و غرز وحركات وممكن تكون عائلية يعنى حسب استخدام كل واحد ------- انما الكارينز عائلية فقط هيا طبعا كويسة جدا وبتجرى بس مينفعش تكون بتاعة جرى و غرز هيا عربية مساحة رهييييييييييبة وفعلا مريحة جدا جدا لاقصى درجة

المشاركة الأصلية كتبت بواسطة mm_youssef

بص صعب تقارن بين العربيتين لية : اولا النترا تندرج تحت بند السيدان يعنى عربية شبابية جرى و غرز وحركات وممكن تكون عائلية يعنى حسب استخدام كل واحد ------- انما الكارينز عائلية فقط هيا طبعا كويسة جدا وبتجرى بس مينفعش تكون بتاعة جرى و غرز هيا عربية مساحة رهييييييييييبة وفعلا مريحة جدا جدا لاقصى درجة

انا متفق معاك بس انا خايف من الكارينز من حاجة واحدة بس وهى حجم العربيه الكبير على موتور 1600 س سى .......
تحيل بفقى انت كالع مطلع او مسافر اسكندريه مثلا على حساب اقل مسافه سفر ومشغل تكيف وعاك شنط سفر لاسرة خمس اشخاص هيبقى موقف العربيه معاك ايه ؟ وصوت الموتور هيبقى عامل ازاى؟

دة فعلا اللى انا خايف منه
عشن كدة بقارنها بانى اجيبها او اجيب اللانترا ......


انا بقارن دلوقتى بين الاتى:

كارينز -النترا- اكسنت ار بى-كيا سول.
انا عارف ان المقارنه غريبه بس انا اقدر الخص الغرض كلاتى :
عربيه عائليه -قطع غيار سهله تتحاب ومش غاليه - صيانتها غير معقدة- اعادة البيع تكون كويسه عند الحاجة-موتور كويس ما يزعجنيش (يعنى مثلا انا راكب لانسر 1600 سى سى مع التكيف بحس ان العربيه مش بتسحب حلو دة وانا كمان راكب ومعايا واحد جانبى تحيل لو 3 وارة كمان هيبقى الوضع عامل ازاى....


انا محتاج الكارينز بس لو هتدينى اللى انا عاوزة منها تستحمل مشاوير بالاسرة 5 افراد -تستحمل سفر -كل دة مع التكيف لما احتاجه..... مش عاوز اركب عربيه تقصر معايا ....او استخدامى لها يكون محدود وطبعا انا بتكلم عن الحدود او الاحتياجات الاساسيه ومش بتكلم عن الغرز والسرعه لانها مش مطلوبه ...

حضرتك المواقع كلها مش بتفتح معايا غير الموقع الرئيسى ممكن تعيد وضعه تانى عش ناعرف افتحهم صح. واشكرك