اخيرا بقيت النتراوي جديد قديم

**muslim_nsb** · 14-05-2011 12:00 AM

الحمد لله ربنا هداني وبعد لف وفرجه وغيره استقريت على
النترا 2005 كامله اتوماتيك تكييف ديجتال حساسات وسنتر وانذار كله بتاع بلاده
راشه حزام من بره بس وجوه فبريكة المصنع
برجاء من الاخوه في المنتدى :-
1- المفروض اشيك على ايه العربيه ( انا اخذتها عند واحد مهندس ميكانيكا وكشف عليها ودخلها على الكمبيوتر وقال الحمد لله العربية كويسه وماتورها كويس )
2- بالنسبة للزيوت ايه افضل انواع زيت ( للمحرك - الفتيس الاتوماتك )
3- بالنسبة للسيور ( انواعها واسعارها )
4-ياريت كيفية العناية بالسيارة واهم حاجه الفتيس الاتوماتك
واكون شاكر لحضراتكم جداً

**muslim_nsb** · 14-05-2011 01:35 AM

بالنسبة للزيت ينفع زيت تخليقي للماتور 10 الاف وايه احسن نوع موبيل ولا شل ولا فيه احسن منهم

**HOSSAM99** · 14-05-2011 02:13 AM

السلام عليكم
ألف مبروك علي حضرتك
و الموديل ده من أفضل موديلات إلانترا
لو حضرتك حابب تراجع حاجه في العربيه... نعمل بالعربيه مشوار لمدة ساعه يعني تجربه كده و نشوف هل فيه أصوات غريبه هل سحب العربيه غير مرضي و إستهلاك البنزين و خلافه و بعدين نجمع المعلومات و نبدأ نحلها
و لكني إن شاء الله لا أظن يكون فيها حاجه طالما تم الكشف علي العربيه
و كمان حضرتك ممكن تعمل سيرفيس كامل زيت و فلاتر و سيور و كشف علي التكييف و غيار فلتر التكييف (صيانه عاديه)
أفضل أنواع الزيوت و ده اللي مكتوب في كتالوج الماتريكس (هو نفس الموتور ) هو زيوت شل و فعلا الزيوت دي بتهدي الموتور جامد و بلاش زيوت تخليقيه و خليك في الزيت ال5000 لأني بخاف أخلي الزيت أكتر من 5000
و حاول تكشف علي العجل و تشوفه محتاج تغيير و لا بحاله جيده
أما السيور و أنواعها و أسعارها مقدرش أفيد حضرتك فيها لأن التوكيل هو اللي بيغيرهم

أما العيانه بالسياره فهي إن حضرتك تهتم بنظافتها جدا من الخارج و الداخل لأنها كل ما كانت نظيفه هاتفتح نفسك أنك تركبها
و تحافظ علي الصيانه بصفه دوريه و في مواعيد محدده منأخرهاش أبدا
متخليش حد غير فاهم يشتغل في العربيه
و تستخدم قطع الغيار الأصليه
و الفتيس حضرتك تغير الزيت كل 40 ألف كيلو بالفلتر
و تحاول تنقل النقلات بسلاسه من غير عنف مع الدوس علي الفرامل جيدا لو هاتغير إتجاه السير و نقلل من أستخدام الكيك داون أو أننا نستعجل العربيه في التجميع

و ألف مبروك مره تانيه و إن شاء الله تكون بداية خير لك

**tamerosman** · 14-05-2011 02:19 PM

العربية دى فعلا حمالة اسية لانها شغالة فى السعودية تاكسيات و بتبقى عملة فوق ال 200 الف كيلو و شغالة من 2004 لغاية النهاردة هناك فى درجة حرارة جو 45

صوت متورها عالى و خشن شوية بس ده عادى و سحبها تمام و بتجيب لغاية 170

انا ركبت موديل 2005 حوالى 5 سنين و فى السنة الخمسة زيت الباور نزل و كانت مشكلة جلبة عملتها عند الميكانيكى فى 1/4 ساعة

خلى بالك مشكلة الموديل 2005 و 2006 فى الاسكترا لما بتفرمل جامد ممكن العربية تحدف شوية

روح اعمل صيانة للسكترا و اتاكد ان مافيش تسريب لزيت الباور و ضبط زوايا و بص على تيل الفرامل ( انا التيل القدمانى قعد معايا 28 الف)

و الف مبروك