تقرير جديد بعد تسقيط الموتور

**tarekomar66** · 14-05-2011 01:04 AM

السلام عليكم جميعا
انا طارق عندى هوندا 92 وسقط فيها موتور zc 1600
كان عندى مشكله فى سحب العربيه فى المطالع وبعد الكشف عليها امس فى زياره الهونداويهوتقديم مقترحاتهم الهامه جدا وطبعا اخدت بنصيحتهم لانهم خبره كبيييييييييييييييره جدا
ونمشى بالترتيب
اولا سألت عصام الميكانيكى على التغير اللى عمله فى البلوكه وقال ان لما الكهربائى دور العربيه الفيبره اللى تحت اتكسر منها حته ولفت على سير الكاتيه وعوجت الصبابات وهوه فعلا غيرها بالكامل وبيقول ان الحاج مجدى ما اتأخرش عليه وجابله واحده تانيه من موتور اخوه وان الموتور كويس والحمد لله وعموما انا ها اقيس كبسه تانى ,

ثانيا جبت بوجيهات BKR6E-N11 من NGK وسير كاتينه وفلتر بنزين وطلمبه بنزين وراح عصام مغير كل الحاجات دى وظبط التاكيهات والتقسيمه

دورنا العربيه وتمام وطلعنا نجرب ماشاء الله كويسه بس لسه برضه حاسس انا مش بتسحب كويس فى المطالع خصوصا ان العربيه مش محمله بشر المهم رجعت لعصام تانى ظبت الكهربا بتاعت العربيه وكان الار بى ام عند واحد ولما حب يخليه عن 0,9 نزل المؤشر وبعدين طلع تانى واقترح عليا اروح عند رفعت السودانى علشان نظبط الكهرباء والهوا على الجهاز ما كدبتش خبر طبعا وروحت له ماشاء الله دكتور مش بس مهندس اول ماشاف الموتور قالى ايه دا انته موتورك كامه واحده ؟؟ \ا مش بيظبط على الجهاز علشان انت عندك سينسور واحد بس !!!!
طبعا مشيت على الظبطه اللى عاملها عصام ورجعت اجرب العربيه والحمد لله سحبها كويس بس مش هوه اللى كنت متوقعه
تفتكروا ايه اللى ناقص علشان اعمله ؟؟

**khaledfox** · 14-05-2011 12:47 PM

سوال كده
لما بتكون طالع مطلع اقفل الازاز كله
هل فيه سخونه (هبو كده) تحس انه جاى من ناحيه التابلوه؟
مش متعود عليه وانت ماشى عادى مش على مطلع

**sanhory** · 14-05-2011 01:22 PM

بص بقى يا استاذ طارق , انا جت في دماغي حاجة و انا بفكر في موضوعك

ما تيجي نجرب نركب كنترول الموتور القديم بما انك معندكش vtec كل اللي حيفرق بس حساس الاكسجين اللي في الشكمان

بس المفروض يشتغل عادى و مفيش check engine تنور , و شوف كدا حتفرق ولا لأ , انا اعتقد حتفرق , و ادينا مع بعض واحده واحده لحاد ما نظبطها انشاء الله

**M_Nabil** · 14-05-2011 08:59 PM

المشاركة الأصلية كتبت بواسطة sanhory

بص بقى يا استاذ طارق , انا جت في دماغي حاجة و انا بفكر في موضوعك

ما تيجي نجرب نركب كنترول الموتور القديم بما انك معندكش vtec كل اللي حيفرق بس حساس الاكسجين اللي في الشكمان

بس المفروض يشتغل عادى و مفيش check engine تنور , و شوف كدا حتفرق ولا لأ , انا اعتقد حتفرق , و ادينا مع بعض واحده واحده لحاد ما نظبطها ان شاء الله

سنهورى باشا علامة القانون المدنى :) أخبارك اية؟

أنت اية اللى مخليك تشك في الكنترول؟

أنا رأى يكشف على الفتيس الأول

**tarekomar66** · 15-05-2011 10:30 AM

المشاركة الأصلية كتبت بواسطة khaledfox

سوال كده
لما بتكون طالع مطلع اقفل الازاز كله
هل فيه سخونه (هبو كده) تحس انه جاى من ناحيه التابلوه؟
مش متعود عليه وانت ماشى عادى مش على مطلع

ايوه يا خالد فيه سخونه جايه من التابلوه وانا كنت بفكر لما اروح للسروجى يشوف فى ايه
هل دا ليه علاقه بأى حاجه ؟؟

**tarekomar66** · 15-05-2011 10:32 AM

المشاركة الأصلية كتبت بواسطة sanhory

بص بقى يا استاذ طارق , انا جت في دماغي حاجة و انا بفكر في موضوعك

ما تيجي نجرب نركب كنترول الموتور القديم بما انك معندكش vtec كل اللي حيفرق بس حساس الاكسجين اللي في الشكمان

بس المفروض يشتغل عادى و مفيش check engine تنور , و شوف كدا حتفرق ولا لأ , انا اعتقد حتفرق , و ادينا مع بعض واحده واحده لحاد ما نظبطها ان شاء الله

سنهورى باشا انا جه فى دماغى كده فعلا انى اغير الكنترول واجرب بس الحساس دا لما كان مش شغال العربيه كانت متبرجله عموما ان شاء الله النهارده لما ارجع من الشغل اجرب واديكوا التقرير

**tarekomar66** · 15-05-2011 10:35 AM

المشاركة الأصلية كتبت بواسطة m_nabil

سنهورى باشا علامة القانون المدنى :) أخبارك اية؟

أنت اية اللى مخليك تشك في الكنترول؟

أنا رأى يكشف على الفتيس الأول

محمد باشا ممكن نكشف على الفتيس ازاى وعند مين؟

**sanhory** · 15-05-2011 11:01 AM

المشاركة الأصلية كتبت بواسطة M_Nabil

سنهورى باشا علامة القانون المدنى :) أخبارك اية؟

أنت اية اللى مخليك تشك في الكنترول؟

أنا رأى يكشف على الفتيس الأول

نبيل باشا والله افتقدناك في المقابلة , ماشي ياعم الناس اللي بتخلع

خميس بقى ..ههههه
بص انا مش عارف بس مش عارف ليه انا مش مرتاح للكنترول دا , انا كنت كاتب فعلا جرب الكنتول مفرقش , جرب تحط فتيس ال SI لو سليم حيبقى حامي عن اللي راكب بس قولت بلاش اتوهه , خلينا و حده وحده و الكنترول مش قصه ادينا بنجرب .

**sanhory** · 15-05-2011 11:03 AM

المشاركة الأصلية كتبت بواسطة tarekomar66

ايوه يا خالد فيه سخونه جايه من التابلوه وانا كنت بفكر لما اروح للسروجى يشوف فى ايه
هل دا ليه علاقه بأى حاجه ؟؟

ممكن يكون حساس ال map هوا اللي بيعمل كدا و بيكتم العربية

**sanhory** · 15-05-2011 11:08 AM

المشاركة الأصلية كتبت بواسطة tarekomar66

سنهورى باشا انا جه فى دماغى كده فعلا انى اغير الكنترول واجرب بس الحساس دا لما كان مش شغال العربيه كانت متبرجله عموما ان شاء الله النهارده لما ارجع من الشغل اجرب واديكوا التقرير

الحساس ده لو شيلته من على الكنترول الجديد حتبرجل فعلا عشان الكنترول الجديد شايفه , لو حطيت كنترول ال si مش حيقراه ولا كأنه موجود عشان مفهوش الحساس ده , فالمفروض كنترول ال si يشغلها مظبوط و الحساس واصل و كل حاجة بس منظر كدا , و جرب كدا مش حتخسر حاجة