ربنا يعمل اللى فيه الخير ليك
عرض للطباعة
ربنا يعمل اللى فيه الخير ليك
بس مبدأيا اعمل حسابك تغير الميه, جيب الأصلى من عند أشرف الشهابى فى دمشق, و هوا هيقولك تجيب كمية اد ايه و تخففها ب اد ايه, و برده للعلم حساس نقصان المياه عبارة عن علامة زى الفنار كده لونها برتقالى و مبتطفيش غير لو فتحت القربة تكشف على المياه
برده خلى بالك الحرارة مش معيار فى العربيات ديه, انا عربيتى كانت بتنقص مياه و سخنت منى لدرجت ان العربية قفشت ووقفت لوحدها و الموتور مرداش يدور غير لما العربية بردت و كل ده و الحرارة معدتش ال 90
انا روحت امبارح لمحمد سمير
اللى حصل كالاتى
روحت شرحتله المشكلة كنت متوقع انه يحط العربية على الجهاز و يشوف هتدى ايرور ولا لأ
المهم محطهاش
عامل من العمال جه بص عليها و قالى القربة عايزة تتغير
الانطباع اللى اخدته للاسف ان الناس اللى شغالة بتعتمد على الفهلوة
كنت متوقع انه حتى لو القربة عايزة تتغير يبص برضه بصة احسن لان ممكن يكون اللى عايز يتغير الحساس اللى فى كوع المية او طرمبة مية او حاجة تانية
المفروض كان يحط العربية على الجهاز و يسبعد باقى العيوب لانى ممكن بعد مغير الاربة العيب يطلع مش منها يبقى انا كسبت ايه بقى
للاسف لم احس عنده باحترافية و لكن احسست بالفهلوة المصرية المتعارف عليها
ملحوظة انا مقبلتش محمد سمير بنفسه كل اللى اشتغل معايا هناك من العمال
تحياتى و جارى البحث عن حل للمشكلة دى
انا عارف انه بيتغير مع الاربة
وان شاء الله هشترى واحدة و اركبها انا مش محتاجة اروح لمتخصص
و لقيتها عند الشهابى ب 350 جنيه و موجودة برة ب 125 جنيه
غالبا هجيب الرخيصة
انت عارف انا ايه اللى معجبنيش عند محمد سمير
اننا كنت رايح و متوقع شغل باحترافية و اللى لقيته فهلوة
حتى لو هو صح انا نفسى الاقى صناعى محترف بعيدا عن شغل الفهلوة اللى المصريين اشتهروا بيه
كان نفسى يحط العربية على الجهاز و نستبعد باقى الاسباب الاول
طبعا معاك حق وللأسف اغلب الناس بتعتمد على الفهلوه
صديقي العزيز بعد تجربة مريرة مع محمد سمير وجدت صنايعي كان بيشتغل عنده وفتح ورشة للفولكس الشاب ده ممتاز جرب وادعيلي وده تليفونه 0140313130 اسمه احمد على
ترجو ان اكون افدتك
م.حازم