مشكلة فى باسات 99

**dr_radioooooo** · 14-05-2011 02:46 PM

السلام عليكم ورحمة الله وبركاته
الموضوع باختصار ان اللمبة التحذيرية دى بتنور عندى فى التابلوه
اول ما بدور العربية اللمض كلها بتاعة التشيك بتنور لمدة 3 او ربع ثوانى و بعدين بتطفى
الا اللمبة دى بتعد تنور وتطفى لغاية لما درجة حرارة العربية توصل 90 و بعدين تطفى
و العربية بتتدينى صفارة تلات مرات
المهم بصيت فى الكتالوج لقيته بيقول على الصفارة التلات مرات دى ان لازم تقف حالا لان فى مشكلة فى التبريد
وان اللمبة دى بتنور لو المية ناقصة او العربية سخنة او فيوز المروحة عاوز يتغير او اسباب تانية
المهم لاحظت ان العربية صيف شتا مشغل التكييف او طفيه مسافر او فى عز الزحمة درجة الحرارة 90 و مش بتزيد
العربية مبتسخنش الحمد لله و المية مش بتنقص بزودها بتاع كباية كل شهر
ملحوظة
مالك العربية اللى قبلى كان بيحطلها مية من الحنفية بس لما اخدتها منه نظفت الدورة فى البنزينة و حطيت بتاع اربع ازايز مية مركزة و خففتها , الكلام ده الصيف اللى فات و المية لحد دلوقتى لونها اخضر زى ما هى
ممكن حد يدلنى على حد يكون امين و بيفهم فى الباسات و يكون مبيفتحش شغل و خلاص عشان اكشف على العربية عندو ....... و يا ترى بكام كشف الكمبيوتر
تقبلوا تحياتى و شكرا مقدما لكل اللى هيرد على استفسارى

**dr_radioooooo** · 14-05-2011 02:48 PM

**dr_radioooooo** · 14-05-2011 02:53 PM

للاسف مش عارف انزل صورة للمبة التحذيرية دى
بس هى نفس لمبة الحرارة اللى موجودة فى معظم انواع السيارات

**HaythamMohsen** · 14-05-2011 04:20 PM

سلام عليكم انا سمعت من بره المنتدى مجربتش عن محمد سمير ومعظم الاعضاء بردوه جوه المنتدى بتشكر فيه شوف كده اراء الااعضاء فى اللينك ده
http://www.nilemotors.net/Nile/143334-a.html

وعلى فكره اللى انا عرفتوه من سيد جولف ان الالمانى بيتحطلوه ميه حمره مش خضره الخضره لليابانى

كان بيقول ان الميه الحمره بتستحمل درجات حراره اعلى مبتغليش عند 100 اكتر من كده ناسى كام بالظبط 120 باين ده معناها ان التبخير هيكون ققل يعنى مش حطحط كوبايه كل شهر وكمان بتمنع الصدا وكذا واحد سألتوه اكد على كلاموه ان الميه الحمرا للعربيات الالمانى والخضره لليابانى

ويريت تكشف على طرمبه الميه وان شاء الله تكون كويسه

انا برده العربيه اللى معايا كان بيتحطلها ميه من الحنفيه بس اخر مره كان محتتطوطلها ميه خضره وانا بغير السيور الراجل قالى بليه الطرمبه تقيله واكيد بتخلى صوت العربيه عالى معاك ولما كشف بالكمبيوتر كان مطلع عيب فعلا فى طرمبه الميه مع ان الحراره كانت مبتعلاش عن 90 برده والا كنت حاسس انها بتسخن
المهم قولتلوه غيرها لما طلعت كانت مصديه لما قالت يا بس ورشتين اتفتتوه اكنهم تراب لانها زهر مش فبر هيه تمنها 290 تقريبا والاصلى زهر مش فبر

وان شاء الله متكنش طرمبه وتتطلع حاجه بسيطه بس امن لان ديه حاجه مهمه جدا

**KHALED AYMAN** · 14-05-2011 04:30 PM

المشكله دى كانت ظهرت عندى فى اوكتافيا ..
العيب كان من قربه المياه ..غيرتها و الدنيا بقت حلوه

**dr_radioooooo** · 14-05-2011 04:55 PM

طب تنصحونى اعمل ايه
اكشف على العربية بالكمبيوتر عند محمد سمير الاول ولا ايه
ويا ترى كشفه بكام و هل بيشتغل كهربا كمان لان ممكن تطلع فيوز او حاجة زى كده

**M.Mostafa80** · 15-05-2011 07:15 PM

بص مشكلتك فى الغالب فى الحساس اللى راكب فى قربة المياه بيقرى غلط فا بيسمع عندك يفضل تروح لحد عنده كشف بالجهاز مبدئيا يكشفلك هل فى اى حساس مسمع ايرور ولا لأ
وبعد كدا تتفحص الأجزاء الميكانيكيه

**dr_radioooooo** · 15-05-2011 08:09 PM

m.mostafa80
يعنى تنصحنى اروح لمين لان الميكانيكى اللى بتعامل معاه ملوش فى موضوع الحساسات ده

**M.Mostafa80** · 15-05-2011 09:00 PM

بما انك من ساكنى مصر الجديده يبقى عليك وعلى هانى عصمت ومحمد سمير فى ش الأربعين خلف حديقه بدر جسر السويس اخر سور الحديق هتدخل يمين وتعدى المزلقان هتلاقيه على يمينك

**dr_radioooooo** · 15-05-2011 11:01 PM

الف شكر و احتمال كبير اروحلهم بكرة و ان شاء الله اقولكوا على التفاصيل

الموضوع: مشكلة فى باسات 99

LinkBack

أدوات الموضوع

عرض

مشكلة فى باسات 99 - انشر الموضوع فى :

-

-

-

-

-

-

-

-

المواضيع المتشابهه

318 ولا باسات؟

مشكلة احتار فيها كل الميكانيكية : ارتفاع في rpm فجأة ثم نتشة في باسات 2006

مشكلة فى باسات 99

باسات

باسات tsi& fsi

الكلمات الدلالية لهذا الموضوع

المفضلات

المفضلات

ضوابط المشاركة