ربنا يطمن حضرتك
بس انا اعرف ازاي انها كانت حادثة بسيطه او جامده
هي كلام البنت انها بسيطه بس انا اتأكد ازاي
عرض للطباعة
خدي سمكري يبص ع اساسياات العربيه الشاسيه بتاعها و هوا هيعرف هيا كانت ف الصاج بس و لا لا
اصل انا كانت حاجه بسيطه و مسمعتش ف اي حاجه بس الصاج طلع عينه و عشان يتعدل جزء منه كان لازم يبقي ع السخن و بعدها تترش ف خير لو مش هتبيعي بسرعه و عربيه هتقعد معاكي كتير خدي سمكري يطمنك طلعت سليمه يبقي خير و استخيري ربنا برده
بصى يا استاذة .
العربية رشة بالداخل دى ليها معنين
لو العربية موديل قديم شوية بيحصل أن البارومة بتاكل فى الصاج حلو فبتودى العربية للسمكرى يقص الجزء المتأكل من الصدأ و يحط مكانة زى رقعة صاج اخرى و يلحمها و بعدين العربية تتمعجن و تترش و دة طبيعى فى العربيات الموديلات القديمة نسبيا خصوصا فى بعض موديلات الفيات مثل ال 127 مثلا
و ممكن عربية تكون حصل لها حادثة و علشان تتعدل و تترد الخبطة دى لازم السمكرى يرد العربية بس باستعدال الصاج و عمل حاجة أسمها ((( حاموات ))) يعنى يشتغل فى العربية بلمبة اللحام الى بتطلع نار دة و دة لانة مش حا يقدر يرد الانبعاج الى فى الصاج من غير تسخين يعنى مش عارف يرد الصاج على البارد
ممكن اى عربية تعمل حادثة و علشان صاحبها ما يردش الخبطة و يعمل لحام ب النار يقوم رادد الخبطة على البارد و النتيجة مش حا يبقى الصاج مظبوط تماما فبيقوم مصلح الخبطة صح و يعدل السمكرى الخبطة بحاجة اسمها زرجينة و يرد باقى الصاج المعوج بلمبة اللحام و بالتالى لازم تترش العربية مكان الحرق بتاع لمبة اللحام.
أنا شخصيا عندى وجهت نظر ممكن ما تعجبش بعض الناس و ما تفضلهاش للا و هى
مش علشان اقول أن العربية فابريكا برة و جوة كل ما تتخبط اروح اردها على البارد و يبقى التصليح مش مظبوط تماما و السبب الخوف عند عملية أعادة البيع ان اناس حا تقولك اصل العربية راشة من الداخل . طب معلش هو أنا أمشى بالعربية متلصمة علشان اقول فابريكا جوة و برة لآ طبعا
الخوف فقط من موضوع الراش الداخلى أن الخبطة تكون كانت جامدة و سمعت فى شاسية العربية جامد و دة يقلل سعر البيع شوية فعلا
الافضل سمكرى كويس يبص على العربية و يقولك الخبطة دى مسمعة فى الشاسية و لا لا لو لا يبقى مش مشكلة قوى و ممكن التغاضى عن الموضوع دة
و على فكرة الماروتى عربية صغيرة جدا شوية يعنى فى اعتقادى أى خبطة حا تسمع فى صدر العربية من الداخل بمنتهى السهولة و ساعتها حا تترش و ممكن أجيب ماروتى زيرو و تتخبط و أنا خارج من المعرض مش حا اصلحها و ارشها
الخلاصة خلى سمكرى يبص على العربية و يقولك الخبطة ماثرة فى حاجة و لا لا
دة رأيى الشخصى و يحمل الصواب أو الخطأ
جزاكم الله خيرا
هشوف موضوع السمكري ده وربنا ييسر
طيب اذا السمكري قاللي الخبطه فعلا بسيطه ومش مأثرة ع العربيه اخدها على كام ؟؟
ربنا يوفقك باذن الله . معلش حا اقولك حاجة . فى المنتدى هنا الاشراف بيمنع الكتابة ب اللون الاحمر لانة للأدارة فقط و مخالف اننا كاعضاء نكتب باللون الاحمر
يا اسلام
كونها راحت التوكيل واترشت يبقى الخبطه مخدتش الصاجه اللي فوق اللي هيا بتتباع لوحدها
لان التوكيل في العاده واسهله يغير الصاجه لو الخبطه فيها وخلاص على كده
انما المشكله في الصاجه اللي من تحت اللي تبع الشاصيه ...(بالمناسبه دي الصاجه اللي توكيل ساندن بيقصها لتركيب التكييف وعشان كده رفضنا نركب عنده وركبنا عند شريف...)
وبعدين ليه وجع القلب ده وماله العربيات الفبريكا مغرقه الدنيا...
كلامك جميل وسليم وانا بحب وجهة نظرك نوعا ما
يعني برضو مش كل حكه هروح ارشها
في حاجات فعلا بيبقى الرد عالبارد حل ممتاز جدا ومش مكلف وسريع والصاج بيستعدل لحاله ممتازه جدا جدا
وفعلا الماروتي عربية صغننه لكن مش كل الخبطات بتسمع في الصاج زي محضرتك متخيل...
عموما هرجع واقول لصاحبة الموضوع يا هتكشفي عالعربية في التوكيل يا هتاخدي معاكي سمكري او حد فاهم غير كده مينفعش تشتري عربية مستعمله مهما اتحكالك فيها من اشعار,,,,
تحياتي
ما انا معاك يا حازم ف موضوع انها مش اخر عربيه يعني و ان اللي يلف يلاقي احسن كمان و ممكن توصل لحاجه عدادها لسه بيبتدي يعد كسر زيرو يعني زي ما كلنا اشترينا و هتكون احسن
حا أقول لحضرتك حاجة لو الخبطة خفيفة و ممكن استعدالها على البارد لا مانع طبعا بالعكس يا ريت الصنايعى ((( السمكرى ))) يقدر يرد الخبطة على البارد يبقى ممتاز جدا .
بس لو الخبطة مسمعة فى الكارتيرة و لما كنت بقول أن العربية صغيرة أنا شوفت بعينى ماروتى عند السمكرى كذا /رة الفرق بيت الرفرف و الكاريرة مفيش و الصدر ضيق جدا من الامام ولما بتتخبط لو الخبطة مش تريحة بسيطة بتسمع فى فى الصدر فورا لان الحوض ضيق جدا
العربية من الامام خلف الاكصدام الامامة مفش مسافة علشان تشيل الخبطة قوى و دة بسبب حجم السيارة فقط لا غير
يبقى ساعتها لازم حا أعمل زرجينة و حموات و ارد الصاج صح و مش حا أهتم بموضوع الحوض راشش طالما من ناحية الصدر مش من أمام التابلوة لانة لو أمام التابلوة يبقى الخبطة كانت رزعة جامدة جدا
بص حضرتك الصورة دى ربنا يبعد عنا الشر جميعا و يسترها معانا اجمعين .
بس لما شوفت العربية بصراحة أتخضيت و بصيت فى العربية و قولت اية دة كلة . الخبطة من الامام كانت جامدة لو حاجة وى الى فى الصورة دى أتصلحت مش ممكن طبعا اشتريها حتى ب 1000 جنية و ابعد عنها خالص
http://imageshack.us/m/52/310/121020102349.jpg