الموضوع: عاوز اعرف مكان بيع العدسات والسعر ومعلومات اى حاجة :)

واضح من بياناتك ان العربية فيات دوجان

أولا لازم تعرف ان العدسة دي لازم تركب على فانوس كريستال مش قزاز عادي و مليان خطوط زي الفابريكة الي فيها

ولازم تعرف ان العدسة ما بتقويش النور ولكنها بتجمعة و بتوجهه للزاوية السليمة على الأرض علشان ما يضربش في عين الي قدامك

و هيه أساسا بتركب فوق الزينون لشدة قوتة علشان يتم تركيز الضوء على المكان الصحيح بدون التشتيت الي بيحصل من الفوانيس العادية

إنت لو مستعد تصرف خلي خياراتك كالآتي :

أولا أرخص خيار انك تغير اللمبات بلمبات أفضل نوعا ما زي فيليبس رالي و تعملها على كتاوت .... النتيجة مقبولة إلى حد ما

ثانيا دي ما انصحكش بيها قد كده علشان هتصرف أكتر ما هتاخد بس هتعمل أساس لحاجة كويسة .. انك تغير الفانوس بفانوس كريستال و تركب عليه عدسات ولو هوه جاهر بالعدسات يبقى تمام .. و تركب عليه لمبات عالية شوية زي الفيليبس الرالي .. النتيجة فوق المتوسط و التكلفة عالية نسبية بس هتخليك تبقى عندك أساس انق تبقى تنقل على الزينون بسهولة و بتكلفة معقولة لما تقرر التغيير

الخيار الثالث و الأفضل ... انك تغير الفانوس بفانوس كريستال و عدسة و تركب زينون و حبذا لو 4000-4300 كيلفين علشان يبقى لونه أبيض و ووضوحه أفضل ...و النتيجة ممتـــــــــازة بس طبعا هتدفع كتييييير

احسبها و شوف الأسعار و توفر الفوانيس الكريستال و الله يوفقك ان شاء الله