محتار اجيب لوجان ولا ايه

**joo_84** · 15-05-2011 02:30 PM

السلام عليكم ورحمة الله وبركاته

انا محتار يا جماعه اصلى لسه بتعلم سواقة وكنت عايز اجيب عربيه جديده قسط فى حدود 70 الف

وكنت محتار بينها وبين اللانوس والسيرانزا

بس صليت استخارة وحسيت انى ميال للوجان

بس قلقان عشان انا لسه متعلم سواقة جديد فخايف تتخبط ولا تحصل حاجه و خصوصا انى سمعت ان قطع غيارها صعبة اوى وغالية جدا جدا

رايكم ايه يا شباب

وشكرا ليكم

**Col. Eng. Khaled** · 15-05-2011 03:16 PM

نصيحة أخوية لوجه الله ......... طالما حضرتك لسه بتتعلم أو جديد في السواقة فبلاش أي عربية زيرو أساساً .

**a7madahly** · 15-05-2011 05:01 PM

هات مستعمل اتعلم فيها السواقه وبعها بعد ماتكون اتقنت السواقه كويس اوى
عشان لو اى عربيه زيرو جبتها واتخبطت منك هتزعل عليها اوى واهو العربيه المستعمله هتعلمك ميكانيكا وتفهمك اوى فى العربيات طالما انت لسه بتتعلم

**wassim_nasser** · 15-05-2011 05:18 PM

مع كامل احترامي للجميع انا هاختلف معاكم ف حته .. انا برضه جديد ولسه متعلم السواقة طازة (خدت 5 حصص علي 124) بس جبت لوجان .. ليه؟
أولا احساس ركوب الزيرو يختلف تماما عن ركوب المستعمل .. ع الاقل الزيرو لسه بورقه لكن المستعمل ماتضمنش الخوازيق اللي جاية من وراه وماحدش يقولي هاخد معايا ميكانيكي و هاكشف عليها ف التوكيل لأن كده كده ممكن تلبس حاجه انت مش شايفها ومش معنى انها مستعمل تبقى هاتوفر .. لأ ابدا ده انت ممكن تصرف عليها اكتر م الزيرو
تانى حاجه ان العربية لو لها نصيب تتخبط (لاقدر الله طبعا) هاتتخبط حتي لو واقفه مكانها (انا باسوق وسط التوك توك والميكروباص وربنا ساترها ميت فل وعشرة)
تالت حاجه اي عربية ف الدنيا لو سقتها وحبيت تغيرها لازم هاتاخد وقت عشان تتعود على الجديده فانا بقولك قصر علي روحك و هات لوجان واتعلم عليها وصدقنى مش هاتندم بدل ماتجيب حاجه مستعمل انت مش مقتنع بيها تعقدك ف السواقه وفي الميكانيكا وف حياتك وعموما اهم حاجه تصلي استخاره وربنا يهديك لما فيه مصلحتك

**MOUSTAFA_SAAD** · 15-05-2011 09:32 PM

المشاركة الأصلية كتبت بواسطة wassim_nasser

مع كامل احترامي للجميع انا هاختلف معاكم ف حته .. انا برضه جديد ولسه متعلم السواقة طازة (خدت 5 حصص علي 124) بس جبت لوجان .. ليه؟
أولا احساس ركوب الزيرو يختلف تماما عن ركوب المستعمل .. ع الاقل الزيرو لسه بورقه لكن المستعمل ماتضمنش الخوازيق اللي جاية من وراه وماحدش يقولي هاخد معايا ميكانيكي و هاكشف عليها ف التوكيل لأن كده كده ممكن تلبس حاجه انت مش شايفها ومش معنى انها مستعمل تبقى هاتوفر .. لأ ابدا ده انت ممكن تصرف عليها اكتر م الزيرو
تانى حاجه ان العربية لو لها نصيب تتخبط (لاقدر الله طبعا) هاتتخبط حتي لو واقفه مكانها (انا باسوق وسط التوك توك والميكروباص وربنا ساترها ميت فل وعشرة)
تالت حاجه اي عربية ف الدنيا لو سقتها وحبيت تغيرها لازم هاتاخد وقت عشان تتعود على الجديده فانا بقولك قصر علي روحك و هات لوجان واتعلم عليها وصدقنى مش هاتندم بدل ماتجيب حاجه مستعمل انت مش مقتنع بيها تعقدك ف السواقه وفي الميكانيكا وف حياتك وعموما اهم حاجه تصلي استخاره وربنا يهديك لما فيه مصلحتك

ياوسيم باشا السواقه عندنا فى الاقاليم غير القاهره نهائيا فى القاهره دمار شامل مع العلم ان انا تقريبا اتعلمت السواقه فى القاهره ويمكن هو ده اللى خلانى قلبى جامد والحمد لله بس بالعقل طبعا

**roua2007** · 15-05-2011 11:51 PM

المشاركة الأصلية كتبت بواسطة wassim_nasser

مع كامل احترامي للجميع انا هاختلف معاكم ف حته .. انا برضه جديد ولسه متعلم السواقة طازة (خدت 5 حصص علي 124) بس جبت لوجان .. ليه؟
أولا احساس ركوب الزيرو يختلف تماما عن ركوب المستعمل .. ع الاقل الزيرو لسه بورقه لكن المستعمل ماتضمنش الخوازيق اللي جاية من وراه وماحدش يقولي هاخد معايا ميكانيكي و هاكشف عليها ف التوكيل لأن كده كده ممكن تلبس حاجه انت مش شايفها ومش معنى انها مستعمل تبقى هاتوفر .. لأ ابدا ده انت ممكن تصرف عليها اكتر م الزيرو
تانى حاجه ان العربية لو لها نصيب تتخبط (لاقدر الله طبعا) هاتتخبط حتي لو واقفه مكانها (انا باسوق وسط التوك توك والميكروباص وربنا ساترها ميت فل وعشرة)
تالت حاجه اي عربية ف الدنيا لو سقتها وحبيت تغيرها لازم هاتاخد وقت عشان تتعود على الجديده فانا بقولك قصر علي روحك و هات لوجان واتعلم عليها وصدقنى مش هاتندم بدل ماتجيب حاجه مستعمل انت مش مقتنع بيها تعقدك ف السواقه وفي الميكانيكا وف حياتك وعموما اهم حاجه تصلي استخاره وربنا يهديك لما فيه مصلحتك

انا معاك و انا عملت كده مكنتش بعرف اسوق قوي و جبت اللوجان

**wassim_nasser** · 16-05-2011 01:35 AM

انا عارف ياجماعه ان السواقه فى القاهره اصعب من هنا .. بس لاحظوا كمان ان عندنا هنا لعنة اسمها توك توك .. والسواقه هى السواقه ف أي مكان و الخبطات نصيب ولو كل واحد قال لنفسه مش هاجيب زيرو لحسن تتخبط يبقى ماحدش هايركب عربيات .. مش باقولك إشطح بس هاقولك خدلك عشر حصص قوى نفسك ف السواقه والباقي هايجي بالممارسة .. تطلعلك ساعه بالليل علي ساعه بالنهار وحبه حبه سوق في الزحمه هاتلاقيها جت معاك وعلي اقل من مهلك ماتستعجلش وربنا يوفقك

**ZOTYE** · 16-05-2011 07:07 PM

توكل على الله و هات لوجان عربية باسم الله ما شاء الله رااااااااائعة و ناعمة و مريحة و الأبشنز بتعتها رااااائعة و توكيلها محترم للغاية و معتمدة و تكيفها ثلاجة و سحبها اكثر من راااااااااائع و ثابتة بشكل رااااااائع على السرعات العالية و الدليل على انها راااااااااائعة انها انتشرت الأنتشار الرهيب و اكتسحت السوق خلال سنتين فقط و الكل اجمع على انها سيارة محترمة بفضل الله تعالى و بعدين رينو مش هتحط اسمها على عربية غير و هى متاكدة و واثقة انها هتحقق نجاح و مش هتبوظ سمعتها و بالفعل العربية محققة نجاح باااااااهر و مكتسحة السوق و الكل بيشكر فيها الحمد لله ....
توكل على الله و اشترى لوجان و تقبل تحياتى ......

-

الموضوع: محتار اجيب لوجان ولا ايه

LinkBack

أدوات الموضوع

عرض

-

-

-

-

-

المواضيع المتشابهه

محتار بين نوبيرا و لوجان

محتار بين رينو لوجان و بى واى دى ( اف 3 )

محتار اجيب ايه ب 80 الف

محتار اجيب ايه؟

محتار اجيب جين 2 ولا لأ

الكلمات الدلالية لهذا الموضوع

المفضلات

المفضلات

ضوابط المشاركة