موضوع مخصص للمتفائلين والاخبار الحلوة

**heshamzaky** · 18-05-2011 06:43 PM

أكدت مصادر مطلعة، أن الحقيبة الوزارية للداخلية ستشهد تغيراً خلال الأيام المقبلة، حيث سيتم إسنادها لأحد لواءات الجيش، وذلك لإعادة الانضباط للشارع المصرى، والقضاء على الانفلات الأمنى، وعودة الاستقرار للوطن.

كما أكدت المصادر، أن الحالة الأمنية غير المستقرة أثرت بشكل سلبى على الأوضاع الاقتصادية، وأشعرت المصريين بعدم الأمان، لذلك تتجه الحكومة والمجلس العسكرى بقوة نحو إجراء تغيير فى حقيبة الداخلية.

وأضافت المصادر، أنه لم يحدد حتى الآن الشخصية التى ستتولى هذا المنصب، لكنها ستكون من أبناء الجيش، كما ربطت المصادر بين هذا التغيير وبين التعجيل بتخريج دفعة جديدة من خريجى أكاديمية الشرطة، وذلك لضخ دماء جديدة فى جهاز الداخلية تتبنى مبادئ الثورة وتحافظ على مكتسباتها.

على الجانب الآخر، رفض مسئولون بمجلس الوزراء تأكيد الخبر، مؤكدين أن الوزارة لم تتخذ خطوة نحو هذا الأمر.

........ منقول من اليوم السابع ..............

**heshamzaky** · 18-05-2011 06:57 PM

الخبر دة غريب جدا جدا و لو حصل مش عارف دة مؤشر كويس و لا بداية مش حلوة

**mr_vampire** · 18-05-2011 07:05 PM

المشاركة الأصلية كتبت بواسطة heshamzaky

الخبر دة غريب جدا جدا و لو حصل مش عارف دة مؤشر كويس و لا بداية مش حلوة

-اولا حابب اشكرك بصفة خاصة ياهشام باشا عالتغطية اليومية علي اهم واحدث الاخبار. انا مبقتش اجيب جرايد بسببك

-ثانيا بخصوص الخبر. انا شايف انه هيبقي جيد جداااااااااااااا لان بصراحة انا شايف نوع من انواع المجاملات بتحصل داخل الداخلية ( امبارح في برنامج اخر كلام ) كانو بيتكلمو ان فيه قيادات من ايام العادلي لسة في مراكزها وبقوتها وهي سبب اساسي فالوضع اللي احنا فيه ومفيش اتجاه لاقالتهم غير بحلول نشرة الترقيات الجاية ( يعني ايه يعني ميطلعش قيادات فاسدة غير عالنشرة الجاية طب ماكنا نستنا بقي لما الفترة الرئاسية بتاعة حسني كانت تخلص وكنا وفرنا دماء الشهداء ) فلازم ييجي واحد من خارجهم خاااااااااااااااااااالص عشان ميجاملش حد ولو منفعش نغيره ونجيب غيره وبجملت بقي التغييرات لحد ماييجي واحد نقول الله ينور عليه.

**heshamzaky** · 18-05-2011 07:10 PM

المشاركة الأصلية كتبت بواسطة mr_vampire

-اولا حابب اشكرك بصفة خاصة ياهشام باشا عالتغطية اليومية علي اهم واحدث الاخبار. انا مبقتش اجيب جرايد بسببك

-ثانيا بخصوص الخبر. انا شايف انه هيبقي جيد جداااااااااااااا لان بصراحة انا شايف نوع من انواع المجاملات بتحصل داخل الداخلية ( امبارح في برنامج اخر كلام ) كانو بيتكلمو ان فيه قيادات من ايام العادلي لسة في مراكزها وبقوتها وهي سبب اساسي فالوضع اللي احنا فيه ومفيش اتجاه لاقالتهم غير بحلول نشرة الترقيات الجاية ( يعني ايه يعني ميطلعش قيادات فاسدة غير عالنشرة الجاية طب ماكنا نستنا بقي لما الفترة الرئاسية بتاعة حسني كانت تخلص وكنا وفرنا دماء الشهداء ) فلازم ييجي واحد من خارجهم خاااااااااااااااااااالص عشان ميجاملش حد ولو منفعش نغيره ونجيب غيره وبجملت بقي التغييرات لحد ماييجي واحد نقول الله ينور عليه.

العفو يا باشا على اية .
بس الموضوع بتاع وزير الداخلية دة عجيب جدا مش عارف مدى صحتة من عدمة بس دة غريب قوى قوى
الظباط الفاسدين طبعا يطلعو برة . بس هية الداخلية مفيهاش كادر واحد لظابط كويس ينفع يبقى وزير داخلية . و لا دة مثلا عقاب ليهم علشان بتاع الجيش حا يعرف يشغلهم صح و لا سيطرة من قبل الجيش على بعض الاماكن الى فيها فساد و لا حاجة اخرى مش عارف خبر يدعو الى التساؤلات الكثيرة

**mr_vampire** · 18-05-2011 07:24 PM

المشاركة الأصلية كتبت بواسطة heshamzaky

العفو يا باشا على اية .
بس الموضوع بتاع وزير الداخلية دة عجيب جدا مش عارف مدى صحتة من عدمة بس دة غريب قوى قوى
الظباط الفاسدين طبعا يطلعو برة . بس هية الداخلية مفيهاش كادر واحد لظابط كويس ينفع يبقى وزير داخلية . و لا دة مثلا عقاب ليهم علشان بتاع الجيش حا يعرف يشغلهم صح و لا سيطرة من قبل الجيش على بعض الاماكن الى فيها فساد و لا حاجة اخرى مش عارف خبر يدعو الى التساؤلات الكثيرة

انا عن نفسي شايف انها خطوة كويسة جدا ان حد من برا المجال اصلا يرأسهم سواء بقي كان جيش او هيئة قضائية او هيئة تنتمي لحقوق الانسان. لان اي حد من براهم مش هيتغاطي عن اي تجاوزات لانه ببساطة مكانش زيهم وهو صغير.

فياريت يطلع الخبر صحيح.

**heshamzaky** · 18-05-2011 07:27 PM

المشاركة الأصلية كتبت بواسطة mr_vampire

انا عن نفسي شايف انها خطوة كويسة جدا ان حد من برا المجال اصلا يرأسهم سواء بقي كان جيش او هيئة قضائية او هيئة تنتمي لحقوق الانسان. لان اي حد من براهم مش هيتغاطي عن اي تجاوزات لانه ببساطة مكانش زيهم وهو صغير.

فياريت يطلع الخبر صحيح.

هههههههههههههههه انت عاوزهم يعيطو ههههههههههههههههههههه
الخبر دة لو صحيح يبقى عيبة كبيرة قوى فى حقهم على فكرة ههههههههههههههههههههه

**زينة الله** · 18-05-2011 08:19 PM

بالعكس يا أستاذ هشام لو فعلا مسك الداخلية لواء من الشرطة العسكرية مثلا هيكون أحسن حل حاليا

لأن الداخلية فيها مراكز قوى كتير و تيارات و أحزاب متناحرة كتير و مهما أختارنا منهم واحد هتلاقى اللى يحاربوه من داخل الوزارة

يعنى بالحل الخارجى دا هيحصل ظبط و ربط و سيطرة على الوضع أكتر فى الداخلية و يفوقوا لحفظ الأمن بقى فى البلد

أنا شايفاه حل كويس ...

و بالنسبة لحكاية العيبة فى حقهم ما جتش من وزير عسكرى يعنى و مش هتكون أكتر من وضعهم الحالى و نظرة الناس لهم

و انعدام الثقة المتبادلة بينهم و أهى فترة وتعدى لحد ما جهاز الداخلية يتماسك و الأمن يستتب

=====================================

موضوع جميل جدا شكرا للأخ ذكرالله

**heshamzaky** · 18-05-2011 08:22 PM

المشاركة الأصلية كتبت بواسطة زينة الله

بالعكس يا أستاذ هشام لو فعلا مسك الداخلية لواء من الشرطة العسكرية مثلا هيكون أحسن حل حاليا

لأن الداخلية فيها مراكز قوى كتير و تيارات و أحزاب متناحرة كتير و مهما أختارنا منهم واحد هتلاقى اللى يحاربوه من داخل الوزارة

يعنى بالحل الخارجى دا هيحصل ظبط و ربط و سيطرة على الوضع أكتر فى الداخلية و يفوقوا لحفظ الأمن بقى فى البلد

أنا شايفاه حل كويس ...

و بالنسبة لحكاية العيبة فى حقهم ما جتش من وزير عسكرى يعنى و مش هتكون أكتر من وضعهم الحالى و نظرة الناس لهم

و انعدام الثقة المتبادلة بينهم و أهى فترة وتعدى لحد ما جهاز الداخلية يتماسك و الأمن يستتب

=====================================

هو طبعا لو لواء جيش الى مسك حا يروقهم ههههههههههههههههههههه
بس القصة مش موضوع ترويقهم و بس . مهو كدة ممكن لواء جيش طبيب يمسك وزارة الصحة مثلا و هكذا الناس حا يقولو ساعتها . لا للعسكرة دة قصدى بس لو للشرطة تحديدا انا موافق بالعشرة ههههههههههههههه

**زينة الله** · 18-05-2011 08:32 PM

الداخلية الوضع فيها صعب جدا جدا جدااااااااااا

و حتى لو أختارنا منهم أحسن واحد فى الدنيا مش هيسلك فى ظل خلفيات و رواسب النظام السابق عليهم

أحنا كدا بنرحم الكويسين فيهم و بنرحم البلد و نرجع الأمن و الأستقرار حتى لو بحل استثنائى

**human** · 18-05-2011 08:37 PM

المشاركة الأصلية كتبت بواسطة zkralla

واضح ان حالة الاحباط عامه
عموما فيه خبر كويس
اليوم السابع | المخابرات المصرية توجه ضربة جديدة للموساد الإسرائيلى..كشفت استخدامه موظفين بشركات اتصالات لتمرير مكالمات هامة ومعلومات سرية.. وعميل مخابراتى درب مصريين على تركيب محطة لاستقبال "القمر الإسرائيلى"

من 2007 شغالين و بيتصنتوا و لينا عين نقول نصر و صفعه

خلينا ساكتين بقى