الموضوع: Brilliance Galena Station

اه هي اول شركة صينية تبيع سيارت في المانيا .
لان بريليناس هي الي بتجمع سيارات BMW في الصين , بس عملو ماركة لفنسهم الي هي Brilliance.
طبعا مبيعاتها قليلة جدا بس علي الاقل وصلت المانيا .

مبيعاتها قليلة فى المانيا؟؟؟؟؟ هى لسه باعت اساسا؟؟؟؟
حضرتك متاكد من المعلومة دى؟؟
كل اللى عملوه انهم اختاروا موزعين فى المانيا , اللى حصل بالظبط العربية فشلت فشل زريع فى اختبار السلامة الالمانى (NCAP) بعدها بتلت شهور طوروا شوية فى العربية و عملوا اختبار سلامة تانى فى اسبانيا بس طبعا كان اخف بكتير من الاول(الاول على 64 و التانى على 56 و دى تفرق جامد) و خدت تلات نجوم بس فى الاختبار بس دا للاسف يدخلها الاسواق الاوروبية (بس مش معنى كده ان المستهلك الالمانى عبيط و يشترى الزبالة الصينى ب 20000 يورو) و قال ايه كانوا حطين رقم توقع للمبيعات (15000) عربية بس بعد مابانت العربية على حقيقتها قالوا عايزين يبيعوا 1500 - 2000 عربية بس ( و دا طبعا بعيد عن شنبهم) , هم رايهم لما يبيعوا اى حاجة فى المانيا دا يديهم دقعة قوية فى باقى الاسواق.
على فكرة انا مش ضد بريليانس بالذات علشان الشركة دى تعبت جامد فى العربية و صرفت كتير اوى عليها (500 مليون دولار) فى تطويرها و للعلم تقدموا بسرعة اوى بفضل bmw (بس للعلم bmw بتساعدهم فى حاجات قليلة يعنى محدش يقول دى زى و لا حتى ربع ال bmw , يعنى من الاخر مش بتديهم تكنولوجيا مجرد بتساعدهم على انتاج عربية جديدة) بس برده بريليانس عملوا تحالفات و شراكات و اتفقوا مع كذا شركة محترمة اوى و شركات كبييييرة اوى قى اوروبا يطورلهم حاجات فى العربية (زى لوتس) , دا غير المهندسين اللى خدوهم من ميتسوبيشى و انا اتوقع للشركة دى مستقبل ممتاز بس انا بعيب عليها اوى و بقول زبالة علشان باعوا عربيات و صدروا لاسواق تعبانة زى السوق المصرى بدون مايراعوا الجودة و يجربوا العربية زى مع عملوا فى اوروبا دا غير ان عربياتهم معيوبة (طبعا لسه شركة جديدة) و لا حتى يشوفوا مستوى الامان فيها (يعنى كان لازم يجربوا العربية الاول) و كمان انهم عايزيين مبالغ ضخمة فى العربية قال ايه عايزين يبيعوها بحوالى 30000 دولار و دا رقم مبالغ فيه جدا بالنسبة للسوق الاوروبية و الامريكية (دا قريب من سعر المرسيدس ال c-class) و اغلى من سعر الباسات برهو د ا طبعا علشان يعوضوا المبالغ الضخمة اللى دفعوها فى تطوير العربية
و انا لسه عند كلامى , عربيات بريليانس زبالة دلوقتى محدش يشتريها فى مصر (بره من نفسهم محدش هيشتريها) بس كام 5-10 سنين العربية دى هتبقى حاجة جامدة لو مشيوا بنفس الطريقة دى (يراعوا السعر بس) , دول من دلوقتى بيحاولوا يطوروا العربية علشان تاخد 4 نجوم و 5 كمان , بس طبعا كتير من مكونات العربية هتبقى معيوبة فى الاول و دى الغلطة اللى وقعوا فيها انهم بيبيعوا غالى فى الاول مفروض يبيعوا رخيص علشان فرق السعر يعوض فرق الجودة