سؤال هام فى عفشة البرافو .....

**ahmedelnahal** · 15-05-2011 09:11 PM

انا كنت واخد خبطة فى البرافو من تحت جامدة شوية فرحت للعفشجى علشان أشوف ايه الكلام و كنت محتاج بس أستعدل القنطرة المهم و هو شغال قالى دراعين الميزان عاوزين يتغيرو فقلتلو ماشى المهم اعدنا ندور و لقينا دراعين بس كانوا أطول فى حدود 1 سم فهو قالى مش مشكلة مش هيفرقوا فى حاجة و انا مشيت على كلامه و ركبتهم و الحمدلله مفيش حاجة بقالى اسبوع اهو
بس المهم بقى هل ده فيه غلط على العفشة قدام شوية أو حاجة ؟؟؟

**Ghamrawy** · 16-05-2011 01:51 AM

لا اظن ان فيه مشكلة
المشكلة لو هما أقصر يبقى كده و لا كأن فيه ميزان اساسا

**ahmedelnahal** · 16-05-2011 02:52 AM

المشاركة الأصلية كتبت بواسطة ghamrawy

لا اظن ان فيه مشكلة
المشكلة لو هما أقصر يبقى كده و لا كأن فيه ميزان اساسا

ماهو برده قالى كده المشكلة اكيد فى اوماترا ربنا يكرمهم مفكرتش أسأل هناك أصلا بس كنت خايف ليحصل حاجة قدام

**mohamedmmm2** · 16-05-2011 11:40 AM

والله يعنى انت جايب برافو ب 140 ولا 150 الف..
ليه تخلى دماغك تتشغل بحاجات هايفه.. ياباشا بنصحك روح اشتريهم جداد وريح دماغك هايكونوا بكام يعنى؟؟
كبيرهم برا الاتنين هايكونوا ب 250 جنيه
مش مبلغ مقارنه بالعربيه وخد بالك ان العفشجى مش هو اللى بيسوق العربيه.. يعنى ممكن يديلك حل انت هاتمشى والعربيه زى الفل بس ممكن ياثر على حاجات تانيه انت فى غنى عنها

**khalid_adel** · 16-05-2011 04:45 PM

بس هو المشكله ان الدراعين حتلاقيهم غاليين في اوماترا شويه بس وان كنت احبذ تركب الاصلي احسن طبعا لان اكيد مش حتظبط معاك وخد بالك انت بتجري بالعربيه يعني كل حاجه بتتحسب بالمللي
وطب وموضوع القنطره عملت في ايه ؟؟

**ahmedelnahal** · 16-05-2011 11:36 PM

المشاركة الأصلية كتبت بواسطة mohamedmmm2

والله يعنى انت جايب برافو ب 140 ولا 150 الف..
ليه تخلى دماغك تتشغل بحاجات هايفه.. ياباشا بنصحك روح اشتريهم جداد وريح دماغك هايكونوا بكام يعنى؟؟
كبيرهم برا الاتنين هايكونوا ب 250 جنيه
مش مبلغ مقارنه بالعربيه وخد بالك ان العفشجى مش هو اللى بيسوق العربيه.. يعنى ممكن يديلك حل انت هاتمشى والعربيه زى الفل بس ممكن ياثر على حاجات تانيه انت فى غنى عنها

كلام ذى الفل بس انته شكلك كده متعرفش اوماترا ده علشان اغير جلبتين ب 300 جنيه المفروض أغير مقصين كاملين ب 1100 جنيه و استنى بقى يا معلم على مايقولك هنجيبهم من بره و حلنى زززز

المشاركة الأصلية كتبت بواسطة khalid_adel

بس هو المشكله ان الدراعين حتلاقيهم غاليين في اوماترا شويه بس وان كنت احبذ تركب الاصلي احسن طبعا لان اكيد مش حتظبط معاك وخد بالك انت بتجري بالعربيه يعني كل حاجه بتتحسب بالمللي
وطب وموضوع القنطره عملت في ايه ؟؟

الحمدلله رحت لواحد معرفة كده ظبطلى الدنيا دى كلها و غيرت جلبتين و الدراعين دول

المشاركة الأصلية كتبت بواسطة Ghamrawy

اعتقد الدراعين دول فى اوماترا ممكن يوصلوا ل مثلا 700 جنيه لان الخواجة دى طايلامانو مسكهم بايدوا و ملس عليهم و اخدوا منه البركة و الاستحسان ..

انت عارف كمان ان موضوع طول الدراعين ده ممكن نظريا يقلل ال body roll من قدام

يا باشا ده مش جديد على أوماترا بس فهمنى بقى حوار ال Body roll ؟؟؟

**Ghamrawy** · 16-05-2011 11:54 PM

body roll يعنى ميل العربية لليمين و الشمال فى الملفات
انت لما طولت دراعات الميزان كده بقى فيه ضغط ازيد على المقصات و بالتالى ميل العربية المفروض يقل فى المطبات

**ahmedelnahal** · 17-05-2011 02:00 AM

المشاركة الأصلية كتبت بواسطة ghamrawy

body roll يعنى ميل العربية لليمين و الشمال فى الملفات
انت لما طولت دراعات الميزان كده بقى فيه ضغط ازيد على المقصات و بالتالى ميل العربية المفروض يقل فى المطبات

انته كده قلقتنى عمتاً انا رايح للعفشجى تانى هروح و اشوف الموضوع ده و ربنا يستر

**ahmedelnahal** · 17-05-2011 05:01 PM

المشاركة الأصلية كتبت بواسطة ghamrawy

body roll يعنى ميل العربية لليمين و الشمال فى الملفات
انت لما طولت دراعات الميزان كده بقى فيه ضغط ازيد على المقصات و بالتالى ميل العربية المفروض يقل فى المطبات

رحت انا يا غمراوى باشا سألت على الحوار ده
هو قالى ان الدراعات مش بتأثر على المقصات انما لزمتها انها بتدى توازن للعربية بعد ال 100 و قالى ان اصلاً فى عربيات مفيهاش دراعات ميزان