وايهما افضل ال 1600 والا 1300 من حيث قطع الغيار والا عطال وارجو الافادة
عرض للطباعة
وايهما افضل ال 1600 والا 1300 من حيث قطع الغيار والا عطال وارجو الافادة
انا محتار بين الاتنين
ال1600 احسن بس تكون الانجكشن ال(زدتك)
ال 1600 zetech عربيه كويسه ولكن قطع غيار مش متوافره زى ال 1300
العربيه ثبات عالى صاج قوى ولكن تفتقد النعومه والاداء...مش زى العربيات الجديده
طب 1600 الفت باك احسن والا زيتك
من حيث قطع الغيار و الاداء
بص يا باشا هيا معايا بقلها من شهر 2 وبصراحه حلوه وثابته مووت على الطريق ومشكلها مش كتيير خلاص بس سحبها ضعيف شويه لكن مش مشكله
ال1300 قطع غيارها رخيصة ( المتور) علشان هوا بس الي مختلف باقي العربية هي هي ال كلها للاسكورت في مقابل سحبها بطيء ومن غير باور ولا تكيف.
ال1600 الزتيك سحبها احسن بكتير وقطع غيارها اغلي بس موجودة جديدة واستيراد وعمري مسئلت علي حاجة وملقتهاش.
ال1600 الكربراتير (الليفت باك) قطع غيارها هليلة ابعد عنها افضل.
وربنا يوفقك.
اولا المعلم الكبير م احمد عزت ليك وحشة كبيرة بقالك فترة مش بتكتب في القسم عندنا
ثانيا الاخ صاحب الموضوع
الاسكورت 1300 و 1600 ليفت باك و 1600 زيتيك تقدر تعتبرهم 3 عربيات بينهم تشابه مش اكتر
الـ 1300 بتكون فاضية و متركبلها تكييف محلى في التوكيل هنا في مصر و الكل اجمع ان ادائة مش كويس
و طبعا العربية كبيرة على الموتور الي ممكن تعتبرة هو موتور الفورد فيستا و ده بيخلي العربية سحبها بطئ
الكاتينة جنزير و ده بيخلي الموتور خشن شوية و لو خفيف شوية بيكون صوتة مزعج
الـ 1600 ليفت باك
ابعد عنها علشان لو حصل مشكلة في الكنترول بتاعها ملهوش وجود غير جديد
الـ 1600 زيتيك و طبعا ديه العربية السكر بتاعتهم هيا بتكون كاملة مانيوال و غالبا صناعة الماني
قطع غيارها هيا الاغلى و صيانتها هيا الاصعب و عموما يفضل متخصص فورد علشان العربية تريحك
المهم الزيتيك هو نفس الموتور بتاع المونديو 1600 و ده بيخلي الاسكورت زيتيك ادائها يعتبر كويس موضوع ان العربية خشنة ده يعتبر سمة من سمات الفورد حتى في الزيتيك و ده فعلا حاجة هاتريحك و ان سايق خصوصا لو بتجري جامد بالعربية موضوع الصوت ده بيخليك مصحصح مع العربية و الطريق غير طبعا العربيات الياباني و الكوري الي ممكن تكون هادية لدرجة تخليك تنام و انت سايق و طبعا ديه وجهة نظر خاصة
عموما لو ناوي على فورد يبقي تسال كويس على قطع غيارها و تختار عربية تكون حالتها ممتازة مش بس كويسة علشان تريحك في التعامل معاها
انا مش عارف اقولوكو ايه بس انتو ريحتوني من حاجات كتير
وياريت اللي قدامه عربية كويسه يقولي يكسب سواب فيا
شــــــــــــــــــــــــ ـــــــــــــكراً
:16::16::16:
السلام عليكم و رحمة الله وبركاته
ازيييكم كلكم انا عضو جديد هنا وكنت اشتريت فورد اسكورت ليفت باك كاربيراتير و الحمدلله حالتها تحفه وفابريكه وسحبها رائع رحت البلد بيها تاني يوم ما اشتريتها جابت معايا 145 كم بس بقت تتهز شويه رجعت من البلد للعفشجي طلب مني شويه جاجات رحت جبتهم جديد الماني من نور الامير في شارع فيصل و الحمدلله العربيه بقت تجيب 170 وثابته جدا الحمدلله
بس انا لقيت اخويا اللي عايز يشتري عربيه سكورت لو عايز تشوفها انا ساكن في الهرم وفي اي وقت
لاني لقيت العربيه اللي اصلا كنت بدور عليها قبل ما اشتري الفورد
......ميتسوبيشي جالانت 1993 وانا بعشق الرائعه ده
وده تلفوني لو حبيت تشوفها و تسوقها و ترفعها والله
وانا سعيد لتعرفي على مجموعه الفورداويه الرائعين اللي في الجروب ده
سلام بقى عشان شكلي طولت .....
فعلا زى ما الاخوه الافاضل قالولك
ابعد عن 1300 سحب ضعيف جدا من غير تكيف وبور
ابعد عن 1600 كاربراتير فى مشاكل كتير من كنترول وقطع غيار
خليك فى 1600 زيتك هو افضلهم تكيف وباور وقوه العربيه دى من العربيات التقيله وزن وثبات وعربيه محترمه فعلا بس حاول او لازم تجيب عربيه مش متهانه يعنى تكون متحافظ عليها علشان اغلب اللى فى السوق متبهدل ومتخدهاش متبهدله علشان متتعبش منها
كل قطع الغيار متوفره وباسعار معقوله
مركز تكنو وان فاهم فيها جدا ومن المراكز المحترمه اللى بيتعامل معاه قطع غيار و صيانه
نصحيه منى لما تيجى تشترى العربيه قبل ما تخلص روح اكشف عليها فى تكنو وان ماتور وعفشه وهما هيجبولك تقرير مفصل عنها عن تجربه وهيقولك اشتريها او لا
واى استفسار تانى انا فى الخدمه