ما رايكم في الفورد اسكورت

**mostafa_golf** · 15-05-2011 11:32 PM

وايهما افضل ال 1600 والا 1300 من حيث قطع الغيار والا عطال وارجو الافادة

**mostafa_golf** · 15-05-2011 11:34 PM

انا محتار بين الاتنين

**MAHERELTAHAWY** · 16-05-2011 01:00 AM

ال1600 احسن بس تكون الانجكشن ال(زدتك)

**ahmad--ezzat** · 16-05-2011 01:08 AM

ال 1600 zetech عربيه كويسه ولكن قطع غيار مش متوافره زى ال 1300

العربيه ثبات عالى صاج قوى ولكن تفتقد النعومه والاداء...مش زى العربيات الجديده

**mostafa_golf** · 16-05-2011 02:48 AM

طب 1600 الفت باك احسن والا زيتك
من حيث قطع الغيار و الاداء

**shekossd** · 16-05-2011 12:47 PM

بص يا باشا هيا معايا بقلها من شهر 2 وبصراحه حلوه وثابته مووت على الطريق ومشكلها مش كتيير خلاص بس سحبها ضعيف شويه لكن مش مشكله

**egytamer** · 18-05-2011 10:38 AM

ال1300 قطع غيارها رخيصة ( المتور) علشان هوا بس الي مختلف باقي العربية هي هي ال كلها للاسكورت في مقابل سحبها بطيء ومن غير باور ولا تكيف.
ال1600 الزتيك سحبها احسن بكتير وقطع غيارها اغلي بس موجودة جديدة واستيراد وعمري مسئلت علي حاجة وملقتهاش.
ال1600 الكربراتير (الليفت باك) قطع غيارها هليلة ابعد عنها افضل.
وربنا يوفقك.

**aYaBooY** · 18-05-2011 04:27 PM

اولا المعلم الكبير م احمد عزت ليك وحشة كبيرة بقالك فترة مش بتكتب في القسم عندنا
ثانيا الاخ صاحب الموضوع
الاسكورت 1300 و 1600 ليفت باك و 1600 زيتيك تقدر تعتبرهم 3 عربيات بينهم تشابه مش اكتر
الـ 1300 بتكون فاضية و متركبلها تكييف محلى في التوكيل هنا في مصر و الكل اجمع ان ادائة مش كويس
و طبعا العربية كبيرة على الموتور الي ممكن تعتبرة هو موتور الفورد فيستا و ده بيخلي العربية سحبها بطئ
الكاتينة جنزير و ده بيخلي الموتور خشن شوية و لو خفيف شوية بيكون صوتة مزعج
الـ 1600 ليفت باك
ابعد عنها علشان لو حصل مشكلة في الكنترول بتاعها ملهوش وجود غير جديد
الـ 1600 زيتيك و طبعا ديه العربية السكر بتاعتهم هيا بتكون كاملة مانيوال و غالبا صناعة الماني
قطع غيارها هيا الاغلى و صيانتها هيا الاصعب و عموما يفضل متخصص فورد علشان العربية تريحك
المهم الزيتيك هو نفس الموتور بتاع المونديو 1600 و ده بيخلي الاسكورت زيتيك ادائها يعتبر كويس موضوع ان العربية خشنة ده يعتبر سمة من سمات الفورد حتى في الزيتيك و ده فعلا حاجة هاتريحك و ان سايق خصوصا لو بتجري جامد بالعربية موضوع الصوت ده بيخليك مصحصح مع العربية و الطريق غير طبعا العربيات الياباني و الكوري الي ممكن تكون هادية لدرجة تخليك تنام و انت سايق و طبعا ديه وجهة نظر خاصة
عموما لو ناوي على فورد يبقي تسال كويس على قطع غيارها و تختار عربية تكون حالتها ممتازة مش بس كويسة علشان تريحك في التعامل معاها

**mostafa_golf** · 19-05-2011 01:00 AM

انا مش عارف اقولوكو ايه بس انتو ريحتوني من حاجات كتير
وياريت اللي قدامه عربية كويسه يقولي يكسب سواب فيا

شــــــــــــــــــــــــ ـــــــــــــكراً

**hosam202** · 26-05-2011 04:54 AM

السلام عليكم و رحمة الله وبركاته

ازيييكم كلكم انا عضو جديد هنا وكنت اشتريت فورد اسكورت ليفت باك كاربيراتير و الحمدلله حالتها تحفه وفابريكه وسحبها رائع رحت البلد بيها تاني يوم ما اشتريتها جابت معايا 145 كم بس بقت تتهز شويه رجعت من البلد للعفشجي طلب مني شويه جاجات رحت جبتهم جديد الماني من نور الامير في شارع فيصل و الحمدلله العربيه بقت تجيب 170 وثابته جدا الحمدلله

بس انا لقيت اخويا اللي عايز يشتري عربيه سكورت لو عايز تشوفها انا ساكن في الهرم وفي اي وقت
لاني لقيت العربيه اللي اصلا كنت بدور عليها قبل ما اشتري الفورد

......ميتسوبيشي جالانت 1993 وانا بعشق الرائعه ده

وده تلفوني لو حبيت تشوفها و تسوقها و ترفعها والله

وانا سعيد لتعرفي على مجموعه الفورداويه الرائعين اللي في الجروب ده

سلام بقى عشان شكلي طولت .....