الموضوع: حصريا: بالفيديو والصور والمواصفات .. رسميا وصول نيسان قـاشـــقاى الى الاسواق المصرية

المشاركة الأصلية كتبت بواسطة د.أحمد السعيد

كما المتوقع من أسد المنتدى

الى الامام دائما

الله يخليك يا دكتور , وعقبال ما تغير الصنى بلقاشقاى كدا يارب واخدها لفة منك

المشاركة الأصلية كتبت بواسطة mahamedaraby

متالق كالعاده يا استاد احمد

والعربيه فعلا ممتازه كشكل وامكانيات وكماليات واكيد تقفل وتكنولوجيا
انت عندك تقفل انجليزى تكنولوجيا يابانى يعنى من اعلى البلد اللى بتصنع عربيات فى العالم
والسعر انا شايفه كويس ولو انى بفضل ان هو يفضل على 155 بس هو زاد ل 160 وياريت ميزدش عن كده حتى علشان الانتشار بتاع العربيه يتحقق وبعدين السعر يزيد

وبالنسبه لحكايه مانويل واتوماتيك اكيد الحكايه اسهل فى النقل ودوسه الدبرياج من العريبه التانيه كفايه انك راكب عربيه suv يابانى وبالسعر ده

ومره تانيه بشكرك على الموضوع الرائع المميز ده ومن تالق لتالق ان شاء الله بارك الله فيك

الله يفتح عليك يا محمد , معاك فى كل كلمة وحرف انت قولته وكتبته
وشاكر تقديرك الغالى

المشاركة الأصلية كتبت بواسطة M.Mosaad

من احلي تقارير العربيات اللي شوفتها في المنتدي

ربنا يباركلك

العربيه واضح انها تحفه جداااااااااا ما شاء الله عربيه ياباني متقفله في انجلترا حاجة من الاخر يعني

الله يخليك يا فندم وشاكر تقديرك ودايما فى قسم نيسان ومع الصقور فى جديد على طول وكل التقارير عندنا بنفس النوعية , بس انت نورنا وشرفنا دايما

فعلا العربية بسم الله ماشاء الله تحفة معمارية , يابانى قطع غيار تقفيل انجليزى عالى الجودة يعنى مفيش بعد كدا

المشاركة الأصلية كتبت بواسطة ali_abo_amr

تسلم ايدك يا ابوحميد والله مش عارف اشكرك ازاى ...
ادعيلك دعوة وربنا يتقبلها ... روح يارب تركب قشقاى ... وتدينى التيدا بتاعتك :)))))))))
الف شكر يا كبير ... ربنا يخليك لينا دايما ...

الله يخليك يا علوة يا حبى , يا عم ربنا يوعدنا انا وانت بانفنتى مع بعض سوا سوا

المشاركة الأصلية كتبت بواسطة mhdside

تقرير ممتاز والعربية ممتازة وسعرها حلو بس لازم ينزلو منها أوتوماتك لو عاوزين يبيعو

تسلم يا غالى و سعرها اول حاجة كان كويس بصراحة , بس حرام يزيد عن 160
وبخصوص الاتوماتيك احنا حكينا عليه فى صفحة اعتقد 3 تقريبا , وقولنا انهم سهل يركبوا ويحطوا فتيس عادى اتوماتيك , بس لو ركبوه على تقل السيارة سحبها حيكون ضعيف وكمان استهلاك البنزين حيكون عالى , وكل ده بسبب وزنها ال1400 ,, وعشان يكون صح عليها يبقا لازم ينزلوا فيها فتيس نيسان الجوك التربوا 190 حصان وفتيس اتوماتيك cvt عشان يستحمل تقل العربية ويعطى عزم
ولو كل ده حصل بتتكلموا فى تمن العربية حيوصل الى ممكن حوالى 200 الف

المشاركة الأصلية كتبت بواسطة harizy

أنا شايف إنها هتوقف سوق الإكس ترايل خالص لأنها أرخص وفيها تكنولوجيا مختلفة وكمان أوبشن أعلى وكل بالإضافة إلى أنه سعرها أقل

الاكس تريل حاجة ودى حاجة , القاشقاى 1600 والاكس تريل 2500 سى سى , وكمان الاكس تريل دفع خلفى كمان