الموضوع: حصريا: بالفيديو والصور والمواصفات .. رسميا وصول نيسان قـاشـــقاى الى الاسواق المصرية

ياجماعة انا شفت العربية من جوة خامات مقرفة ومنظرها زبالة من جوه تحس انها عربية نص نقل بس جديدة
الاوبشن الى فيها طبعا تحفة وبصراحة سعرها حلو جدا ومن بره حلوه الى حد ما بس من جوة شايفها وحشه اوى وتصميمها غير مريح ومتحسوش مبهر وانا كنت بقارن بينها وبين السبورتاج من ناحية الشكل السبورتاج بره وجوه احسن بكتير ووكيل احسن مليون مرة وخامات انظف وقطع غيار ارخص ويبقى الاداء الى مش عارف اقيمه لان النيسان مانيوال والسبورتاج اتوماتيك والحاجة الوحيدة الى مخليانى مش عارف اخد قرار اجيب الاسبورتاج هو الاداء الى عاوز اجربه الاول

أنا شفت النهارده قاشقاى زيرو كانت معديه من جنبا لونها احمر ما شاء الله جميله قوى بس برده السبورتج مش وحشه أبدا خاصه اللى فوق الفئه الاولى و كماليتها كتيره و اعتقد ان لو نيسان نزلت قشقاى اتوماتيك و موتور أقوى شويه وزودت شويه كماليات بسيطه ممكن تحسم المنافسه لصالحها خاصه ان ساعتها هتبقى بتقارن بين كورى و كماليات فى كفه قصاد موتور يابانى وتقفيل انجليزى و كماليات فى كفه اخرى و السعر متقارب و طبعا النتيجه معروفه و الاختيار اسهل بكتير عن الوقت الحالى

ياباشا هى ولا الكيا سبورتاج احسن ولو تعملنا مقارنة يبقى جزاك الله ير

هو حضرتك فى اكتر من موضوع فى المقارنات للعربيتين بس بصراحه الموضوع صعب فى الاختيار لأننا زى ما قلنا بنقارن مانيوال باتوماتيك فى الوضع الحالى وكمان بنزين 95 امام 92 و الأسعار متقاربه وزى ما قلت لما القشقاى الاتوماتيك تنزل هتحسم الاختيار لصالحها بس يارب ىحطوا موتور أقوى شويه والاتوماتيك حاليا بقى من الأساسيات فى ظل الزحمه الرهيبه فى البلد

العربية ديه جامدة جدا بس من وجهة نظري ناقصة شوية كماليات
1- إزاي مفيهاش كروز كنترول ..... مهم جدا على السفر
2- اللي أعرفه إن كل العربيات الاوروبي لازم يكون فيها esp اساسي ... إزاي مش موجود ؟

من وجهة نظري, كشكل خارجي جامدة جدا وحلوة قوي زي السبورتج كده ..... ومن جوه السبورتج أحلى كتير بس برده قاشقاي مش وحشة

هو صحيح مين فيهم اللي محتاج بنزين 95 بس ؟