سؤال بخصوص سحب اللانسر سوبر أكشن 1600 cc

**kareembelal** · 16-05-2011 01:53 AM

السلام عليكم ورحمة الله وبركاته

ازيكوا يا رجاله يا منورين

انا اشتريت من شهر لانسر 2007 سوبر أكشن 1600 cc اتوماتيك

العربيه كلبه بمعني الكلمة بتجيب السرعه اللي فوق ال 100 بعد مشوار
وبتاكل بنزين بشراهه

اللي عملته هو تغيير فلتر البنزين

وتغييي فلتر الهواء

وركبتلها بوجيهات ngk اتنين شمعه

يعني السحب زاد شويه بس داخل المدينه حسيت باستجابه في المسافات القصيره داخل البلد بتحس ان اي عربيه طلقه لكن لما بتطلع علي الطرق السريع بتبان علي حقيقتها

واحد متخصص فتيس اوتوماتيك قاللي الفتيس ده بيفوت لفات ؟؟

فهل الكلام ده مظبوط واللا ايه السبب لأنها عقدتني في عيشتي

كنت في زفه من يومين وكل العربيات طلعت مني وراحت قولت والله اللانوس كانت احسن

فهل هناك سبب معروف واللا اتخلص منها بدري بدري ؟؟

**M.Al-Hefnawy** · 16-05-2011 06:40 AM

طيب ما تكشف على زيت الفتيس وتنضف البوابة وبالنسبة للفتيس الاوتوماتيك فيه واحد متخصص اسمه الحاج مجدي رجب في العباسية ورقمه 0123281979 وان شاء الله تكون حاجة بسيطة.

**kareembelal** · 16-05-2011 10:43 PM

زيت الفتيس مظبوط

بس هل تغييره يؤثر علي السحب او مسئول عنه ؟؟

وشكرا علي ردك لكن انا من البحيره وعندي متخصص للفتيس الاتوماتيك في اسكندرية لكن كنت أود المعرفة هل كلامه مظبوط؟

وهل الفتيس ممكن يفوت لفات او يكون مسئول عن السحب زي المانيوال بخصوص الدسك والاسطوانه

**kareembelal** · 17-05-2011 01:39 AM

كل التحية لقسم الدايو الحقيقه كله نشاط

وقسم اللانسر مهجور كده ليه يا رجاله

**Samooh_2003** · 17-05-2011 01:56 AM

بص المشكلة كلها ان اللانسر فعلا من العربيات الحساسة جدا لعوامل كتير ممكن تاثر على السحب من تنظيف فلاتر وتغيرها وزيوت فاحسن حل من وجهة نظري ان انت تخسر مشوار واحد للتوكيل في القاهرة وياريت المصرية في القاهرة على طريق مصر اسكندرية الزراعي وهما هايقوللك على كل حاجة فيها وده راي شخصي واكيد فيه اعضاء هايفيدو اكتر بردو بس ده عشان تريح نفسك في مشوار واحد ومرة واحد انشالله