معركة الحفاظ على الهوية الاسلامية لمصر..واجبنا ان نتكاتف من اجل نصرة الاسلام
دلوقتى الموضوع خطير جدا لازم كلنا نفوق
لان فيه مخطط ومؤامرة خطيرة من (البعض) لطمس الهوية الاسلامية لمصر
ولجعل مصر دولة علمانية كافرة وايضا يريد (المتامرون ) الغاء المادة التانية من الدستور
دلوقتى ايه الحل ... يعنى نعمل ايه
طبعا كلامى مش موجه للعلمانيين الانهزاميين عملاء راس المال الطائفى عملاء رجل الاعمال (ن.س).....
كلامى موجه لكل الوطنين والمسلمين الذين يهمهم اعلاء راية الاسلام والتاكيد على الهوية الاسلامية لمصر
طبعا الحمد لله انتصرنا فى استفتاء التعديلات الدستورية...وانا بقول ان ده انتصار عظيم ... لان البعض وخصوصا ساويرس والبرادعى والعلمانيين كانو عايزين دستور كله جديد..عشان يسقطو مادة الشريعة الاسلامية
المهم ..نتكلم فى الخطوات الجاية
1- انتخابات مجلس الشعب
لازم بطريقة جدية ....كل الجماعات والاحزاب الاسلامية تنسق مع بعض وتتحد لكى لا تتفتت الاصوات
حزب العمل الاسلامى وحزب الوسط والجماعة الاسلامية والسلفيين وجماعة الاخوان المسلمين
وطبعا الناخبين المسلمين الى يهمهم ( ان الاسلام ينتصر)...زيى وزى حضرتك
الناس الى مش منتمية لاى حزب بس يهمها ان تكون راية الاسلام مرفوعة
ولن يرفع راية الاسلام الا شخص مقتنع بفكرة الدولة الاسلامية
مش هيرفعها واحد علمانى مثلا (من الناس الى بتقول خلو الدين على جنب.. وافصلو الدين عن الدولة )!!
المهم ....كل الاحزاب تتوافق على مرشح معين فى كل دائرة و يدعو مناصريهم للتصويت لهذا المرشح
اعتقد اننا بعون الله ومشيئته نقدر نحقق اغلبية برلمانية بس مش 99 % زى عباقرة الحزب الوطنى لا اغلبية مثلا بنسبة تتراوح من 51% الى 75 %
2- انتخابات الرئاسة
مع كامل احترامى وتقديرى لكل مرشحين الرئاسة (موسى والبرادعى والصباحى والبسطويسى )
الا ان عيبهم انهم كلهم وخصوصا البرادعى ذات توجه علمانى
لا..... احنا عايزين اسود قادرين على حماية الاسلام وهوية الدولة و ان لا يرضح لمطالب (الغير ) الطائفية
وان لا يقدم تنازلات
______________اذن _____________________
دلوقتى عندنا شخصين يتوافر فيهم الكفائة و العقلانية و انهم اسلاميين وسطيين ..... الخ
وايضا عليهم شبه توافق واجماع وطنى
دكتور محمد سليم العوا .................و دكتور عبد المنعم ابو الفتوح
بما ان بيقولو ان فيه مشاكل فى ترشيح ابو الفتوح ... لان الاخوان هيكونو محرجين انهم يدعموه... وهم بالفعل اعلنو انهم مش هيدعمو اى شخص يترشح من الجماعة حتى لو كان المرشد العام نفسه
وانا اقدر ذلك لانهم يهمهم المصداقية عند الناس ... عشان صرحو من قبل ان فى هذه الانتخابات لن يكون هناك مرشح اخوانى للرئاسة
يبقى الحل ايه (طبعا من وجهة نظرى المتواضعة )
مرشح اسلامى وسطى يكون عليه اجماع من المجتمع ومن الاحزاب والجماعات الاسلامية
وبرده هو لا متطرف ولا حاجة .... يعنى هيحافظ على الهوية الاسلامية ..... وهيحافظ على الحريات الفردية
لانه شخص ارى انه وسطى ومعتدل
هذا موجود فى ........(الدكتور محمد سليم العوا )
وبعدين احنا جربنا النظام الدكتاتورى العلمانى لمدة 30 سنة ..... عهد حسنى مبارك الى خلى مصر دولة فاشلة فى كل المجالات
يبقى ليه منجربش الحكم الاسلامى الرشيد العاقل المعتدل لمدة 4 سنين
حاجة تانية
اتمنى ان يترشح العوا للرئاسة بس يكون من ضمن برنامجه ان ابو الفتوح يبقى نائب رئيس
زى فى امريكا كده ... الشخص بيقول انا هترشح للرئاسة وهيساعدنى ويعاونى فلان كنائب ليا لو اصبحت رئيس
ياه نفسى الاقى يوم ان سليم العوا رئيس للجمهورية و...عبد المنعم ابو الفتوح نائبا له
لاننا اذا جئنا ب(حاكم صالح ) سينصلح احوال الشعب كله
صفحة حملة دعم دكتور عبد المنعم ابو الفتوح رئيسا للجمهورية
‫ط¯.ط¹ط¨ط¯ ط§ظ„ظ…ظ†ط¹ظ… ط£ط¨ظˆ ط§ظ„ظپطھظˆط. ط±ط¦ظٹط³ط§ ظ„ظ„ط¬ظ…ظ‡ظˆط±ظٹط© | Facebook‬
صفحة حملة دعم دكتور محمد سليم العوا رئيسا للجمهورية
http://www.facebook.com/3awa.president#!/3wa.president
طبعا لو متفق معى فى الكلام الى قلته من حقك تنشر الموضوع فى الفيسبوك او فى المنتديات حتى من غير ماتقول انه منقول
ولو عالفيس بوك ممكن تنسخ رابط الموضوع وتعمل شير
عادى.... المهم اننا كلنا متحدين على فكرة اقامة حكومة اسلامية قوية فى مصر