الموضوع: تجربة خطوبة فاشلة

الحمدلله الذى لا يحمد على مكروه سواه

ولا احباط ولا حاجة وهى دى نهاية الدنيا لا طبعا،،، انت عملت اللى عليك وربنا مش كاتبلك فيها نصيب يبقى تقول الحمدلله

ده خير ليك وليها أكيد ربنا هيكرمك بالاحسن وهى كمان ربنا هيكرمها بالاحسن

ممكن تقولى كان هيبقى الموقف ايه لو كنت لا قدر الله كتبت كتابك وبعد كده جات قالتلك انها مش حاسة بيك؟

أكيد ربنا هيكرمك فى بنت أحسن منها واقول ما تتجوز هتقول الحمدلله وهتنسى كل حاجة

وبعدين الايام بتنسى كل حاجة،،، اقولك على حاجة اذكر الله كثيرا والله هتلاقى كل حاجة بقت كويسة

وابتسم واضحك وعيش حايتك كأن شىء لم يكن،،، ولو شوفتها فى الشغل سلم عليها عادى متحسسهاش انك زعلان او متضايق

لانك حتى لو زعلت او اتضايقت مش هيفيد بحاجة،،، حتى لو هى رجعتلك تانى تفتكر وقتها انك هترضى ترجعلها اكيد لا وهتقول فى نفسك انك مش لعبة فى ايديها تلعب بيها وقت ما تحب وتسيبها وقت ما تحب.

انسى ومتفكرش كتير والله مافيش حاجة تستاهل

طالما والدك ووالدتك واخواتك بخير وراضين عنك يبقى خلاص كل حاجة تهون

المشاركة الأصلية كتبت بواسطة medicalist

يا جدعان هو الموضوع ده ليه بيحصل من الستات دايما ليه مثلا ما سمعناش انه الراجل الى عمل الموضوع ده
احمد ربنا و دى اكيد متعلقه بحد تانى كلهم كده دلوقتى

حرام عليك ده اسمه قذف محصنات،،، متقولش كلهم كده

موقفك دا بيفكرنى بالمقولة ألى بتقول (لو عاوز تقتل حد قولة أحبك وبعد كدة ارجع قولة كنت بجرب الحب فيك)
وحاسس بيك جدااا بس لازم متنكسرش يا ميمو أوعى تخلى واحدة تكسرك فى يوم مهما كانت ومهما كنت بتحبها أوعى تزعل على بنت والأيام هتعلمك دا كويس والحمد لله دى تجربة حلوة ليك ولصالحك تتعلم منها وصدقنى الزعل ألى أنتا فية دا طبيعى بس لازم ينتهى بسرعة علشان تبقى منتصر وزى ما واحد من الأعضاء قالك فى رد من الردود لو شوفتها ولا أكنك شايفها بس طول ما أنتا قدام عنيها تبقى فى غاية السعادة وتحسسها انة هم وأنزاح وولا أكنها موجودة
وربنا يوفقك أن شاء الله وهقابل واحدة أحسن منها 100 مرة تقدرك بجد وتعرف قيمتك ....
تحياتى ليك

ولا يهمك...البنات كتير وفيهم كويسين جدا ..وان شاء الله هتلاقي اللي تتوافق معاها...
وزي ما فيه اخ نصح لك..اظفر بذات الدين...هتفرق معاااك جدااا..ده مش كلامي..
ده كلام سيد المرسلين..صلى الله عليه وسلم

تقريبا كده والله اعلم في حد عاوز يتقدملها !

المشاركة الأصلية كتبت بواسطة dr_elsioufy

تقريبا كده والله اعلم في حد عاوز يتقدملها !

بمنطق الحياة اليومين دول ممكن جدا يا صديقي. أو ممكن يكون كان الموضوع من الأول غرضة غيظ في أحد الأشخاص.
بس ده مش ممكن يكون ديه الإنسانة إلي أخترتها... أنا مازلت أكن ليها كل إحترام وماشفتش منها خلال الفترة الماضية أي تصرف خارج
أعوذ بالله من الشيطان الرجيم وأستغفرك ربي وأتوب إليك. اللهم يسر لي الخير حيث كان وأصرفني عن السوء وأصرفة عني.

المشاركة الأصلية كتبت بواسطة _Ahmed_casper_

يا اخى لا تحزن خاااااالص و قول الحمد لله
..‏ طب تخيل لو كنتو اتجوزتو و هى من جواها مش حاسه بأى حاجه ناحيتك و اهى جوازه و خلاص؟
انت ساعتها هتكون اتخدعت فعلا انما فى موضوعك ده ولا اتخدعت ولا حاجه انت كده ربنا بيحبك.. معظم البنات دلوقتى اول مبيوصلو لسن الخطوبه و الجواز و الكلام ده بيعملو ريستارت لحياتهم و خطوط التليفونات تتغير و الكلام ده كله و تستنا الجوازه زى ماتيجى مش مهم حاسين بأيه ولا حب و الكلام ده اهم حاجه مواصفات شاب كويس و هى طبعا مظبته نفسها انها تمااااام .. يا راجل اسكت و قول الحمد لله .. دالدنيا خربااااااانه

المشاركة الأصلية كتبت بواسطة human12

متضايق ليه بس؟
و ليه حاسس بخديعه؟؟

هيه صريحه معاك و قالتلك اللى عندها بكل ادب و كمان انقذتك و انقذت نفسها

ديه تتاقل بالدهب

ماحدش يعرف النصيب فين
لو عرفت تحاول معاها تانى حاول - ماتعرفش الخير فين و ماتعرفش ربنا عايزك تحاول كام مره عشان توصل لحاجه كويسه


و الاستاذ اللى بيقول النساء دماغهم صراصير احب افكره ان النساء دول فيهم امى و امك و اختى و اختك فبرجاء مراعاه الالفاظ خصوصا و المرأه اللى فى الموضوع محترمه

المشاركة الأصلية كتبت بواسطة mahgary

ليه مفكرتش ان ربنا بيحبك ومليكش نصيب فيه وربنا شايل لك حاجه احسن من كده كل شى قسمه ونصيب

المشاركة الأصلية كتبت بواسطة yobaaa

بص أنا كنت مريت بحاجة زى كده بالظبط فى الشغل القديم بس الفرق إن الموضوع حصل و رايح البيت أخطب و لقيتها بتكلمنى قبلها بيوم بعد أما كلمت أهلى و عملوا حسابهم و السعادة عند أمى كانت كبيرة بتقولى عاوزين نأجل الموضوع...أنا فضلت مذبهل شوية و محاولتش أرد قولتلها يويمن يعنى قالتليى أسبوع ......فى نفس اليوم بالليل كنت قايل لأهلى الموضوع فركش خلاص و بعت رسالة (كل شئ قسمة و نصيب) و مردتش على تليفونات و لا وساطة و شكرا كده ......اللى فهمته بعد كده إن العبد لله كان عامل سمعة حلوة من أخلاق و شغل فا قالت ده عريس لقطة إحنا نسبته و بعدين نشوف هنكمل و لا لأه

الحمد لله بعد كده طلعت كل الكبت و الحزن اللى كان فيا فى الشغل و الحمد لله وكرم من عند ربنا فى خلال شهرين بقيت زى التنين فى الشغل و حرفيا باكل الشغل يعنى المشروع يبقى مفروض يخلص فى شهر أخلصه فى أسبوعين و زيادة فى المرتب

نصيحتى ليك متقفش عند حد مهما كان و ركز فى شغلك و ربك دايما شايلك الخير دايما

أنا مريت تقريبآ بحاجة زي كده بس وأنا فالكلية
يجي من 6 شهور كده :)) وحصل تقريبآ نفس الموقف
وعاااااااادي جدآآ طبيعي هتزعل كام يوم "أنا صراحة زعلت يوم واحد "بس" معرفش ليه"
وبعدها خللي علاقتك بربنا كويسة وقبل كل موضوع مهم ف حياتك إستخير ربنا فيه وقرب منه أكتر من العادي بتاعك

المشاركة الأصلية كتبت بواسطة hossaam

ولا يهمك...البنات كتير وفيهم كويسين جدا ..وان شاء الله هتلاقي اللي تتوافق معاها...
وزي ما فيه اخ نصح لك..اظفر بذات الدين...هتفرق معاااك جدااا..ده مش كلامي..
ده كلام سيد المرسلين..صلى الله عليه وسلم

+1111111111111
وأنا بردو لسه بدور علي ذات الدين
وبالعكس أنا شايف إنك تفرح بإنها صارحتك وإنتا لسه ع البر معملتش حاجة
تخيل نفسك كده متجوزها وعايش حياة هادية
وبعد 3 سنين مثلآ تيجي تقولك الكلمتين دووول
"أنا مش حاسة إني بحبك"
صدقني ممكن تروح فيها
عيش حياتك ومتشيلش هم
وإديها بصة ع السايت ده مفيد جدآآآآآآآآآآ من رأيي
لكل الناس
MTM
وربنا يكرمك وفكها يا وووووحش