اولا السلام عليكم
انا كنت عاوز عربية دفع رباعى و تكون مضمونة و على حد ما موفرة فكنت بفكر فى اتنين الشيفرولية فرونتيرا و السوزوكى جراند فيتارا ال6سلندر 2000 سى سى ياريت لو سمحتم تنصحونى اى واحدة فيها اقل مشاكل و اقل عيوب من خبرتكم
وجزاكم الله خيرا
عرض للطباعة
اولا السلام عليكم
انا كنت عاوز عربية دفع رباعى و تكون مضمونة و على حد ما موفرة فكنت بفكر فى اتنين الشيفرولية فرونتيرا و السوزوكى جراند فيتارا ال6سلندر 2000 سى سى ياريت لو سمحتم تنصحونى اى واحدة فيها اقل مشاكل و اقل عيوب من خبرتكم
وجزاكم الله خيرا
من واقع لفى فى المنتدى هنا ومنتدى جيب تحت الفرونترا احسن لان فى عضو فاضل هنا وهو من محبيين الجيب وخبرته فيها عاليه قوى بيقول انه ممكن يتسقطلها موتور ديزل كمان فاعتقد انها الاحسن بس انت استخدامك ليها ايه
الفكرة فى التعديلات الى زى دى ان مشاكلها كبيرة واحتمالات الخطا فيها كبيرة خصوصا ان موتور الديزل حتى ال 2700 سى سى نازل على كورونة بس مش 2 كورونة و ثانيا ايوة عارف الديزل عزمو كبير بس هل فعلا حيكون كافى عشان تقل العربية مع العلم ان الفرونتيرا تقريبا وزنها ضعف العربيات النص نقل
هو سبب انى عاوز عربية 4x4 هو الواحد حيحس جواها بامان اكتر خصوصا مع الغباء فى الزحمة دلوقت وراحة اكبر طبعا
انا جربت الفرونتيرا و كانت بصراحة حكاية بس اجربها مرة غير ما اسال حد مجربها فترات طويلة او حد جرب اكتر من عربية
السلام عليكم
العضو الفاضل الى حضرتك بتتكلم عليه هو مينا ( باشا ) , بس هو شكله مسافر اليومين دول
انا اتكلمت معاه فى الموضوع ده قبل كده , و وجهة نظره كالتالى :-
1- محركات الديزل ذات عمر طويل و صيانتها اقل من البنزين بكتير جدا
2- شاسيه الفرونتيرا هو نفس شاسيه النصف نقل الدبابة , ده مهناه ان الموتور الديزل حيركب ببساطة فى الحوض من غير مشاكل
3- اعتقد ان وزن الفرونتيرا تقريبا هو وزن الدبابة , يعنى مفيش مشكلة فى العزم و تقويم العربية , حضرتك متأكد من ان وزنها ضعف وزن الدبابة ؟؟!!
3- قطع غيار موتور الدبابة رخيصة و منتشرة جدا , اتكلمت مع سواق كان عامل عمرة لعربيته الدبابة و كلفته 5 الاف جنبه بعد ما قطع نفس العربية فى الشغل , العربية موديل 1997 و عملت عمرة السنة الى فاتت 2010 , انا عملت عمرة للشاهين كلفتنى 4 الاف جنيه
4- موتور الدبابة 2500 سى سى , و فى الغالب بينزل مع كارونة خلفية , يعنى مش دفع رباعى , حضرتك قلت انك مش محتاج الدفع الرباعى
انا متفق مهاه فى كل الى قاله
العيوب من وجهة نظرى
1- صوت موتور الديزل عالى و مزعج .. بس بعد فترة حتتعود عليه
2- السولار رخيص و بيفرق عن البنزين فعلا .. بس لو فيه ازمة زى اليومين دول يبقى حتقف فى طابور الديزل ورا التريلات الى سدا الشارع دى على الدائرى
3- حتفقد متعة الدفع الرباعى
ربنا يوفقك للخير و تلاقى حاجة كويسة
تيريوس حميله و موفره في البنزين و عن تجربه بتستحمل
انت حطيت عربيتين قريبين من بعض جدا
لكن من خبرتي في الرباعي اقولك ان الفرونتيرا بتاعة شغل اكتر
الفيتارا عافشة ناعمة (اللي بيقول ناشفة لل 2 باب ) لكن 4 باب عفشتها ناعمة
سحبها ممتاز لانها 6 سلندر و بيركبلها تيربو تشارجر بتبقى حكاية
هي تحسها ملاكي - واسعة و مريحة - لكن لما تعوز الغرز تلاقيه شديد و كفائة عالية
الفرونتيرا اغلى في السعر لكن اقوى لانها على شاسيه ربع نقل
رينو داستر ممتازه
الفرونتيرا لما بيركبها موتور ديزل مابتبقاش اربعه في اربعه و مابتبقاش اوتوماتيك, لان موتورها الدبابة مابيركبش على فتيسها الاوتوماتيك و لا فتيس الغرز بالتالي, و موتور الديزل ضعيف عليها , مش بقوة موتورها الاصلي (ال 3200 سي سي 6 سلندر بشكل حرف v و 205 هورس باور) طبعاً على فكرة ال 0-100 بتاع العربية دي 8.5 ثانية, و هو وزنها بالمناسبة 1700 كيلو
و مافيش مقارنة بينها و بين الفيتارا (دي فئة و دي فئة تانية Mini SUV & Mid SUV) لان الفرونتيرا كقوة بودي و عفشة و موتور اقوى و لكن استهلاكها في البنزين اكتر من الفيتارا و كذلك قطع غيارها اغلى و مش متوفرة قوي يعني تكاليف تشغيلها و صيانتها اعلى (بالنسبة لقطع غيار الموتور - انما البودي و الفوانيس و الشبكة و الكلام دة اسهل من السهولة لانة هو هو بتاع الدبابة) و الفرونتيرا ما تتصلحش و لا تتصين عند اي حد لازم حد عندة خبرة فيها و هما قليلين لكن معروفين و انا ادلك عليهم لو تحب
الفرونتيرا بتعمل 90 كيلو متر في الصفيحه جوة المدينة وقوف اشارات و دوارة كتير بدون مشي
انما في طريق مفتوح (سفر) بتعمل 140 كيلو في الصفيحه
يعني متوسطها في العادي 110 كيلو في الصفيحه
عفشة الفرونتيرا ناعمة جدا و تكييفها قوي جداً و عربية تستحمل الحر و الطرق غير الممهدة جداً وواسعه جدا من الداخل بالذات الكنبة الخلفية
يعيبها انها تحتاج للاهتمام و الصيانة و بالاخص فيما يخص تغيير الزيوت (بالذات زيت الفتيس و مش اي حد يغيرة) و الاهتمام بسوائل التبريد و مشاكل الردياتير لان السيارة دي عيب موتورها ان وش السلندر بتاعها حساس جدا لاي سخونة, و هي عامة مابتسخنش خالص و لا في عز الحر الا لو فية مشكلة في دورة التبريد زي خرطوم يتقطع او ردياتير مخروم او غيرة
لو محتاج اي مشورة للفرونتيرا و لصيانتها قولي انا ليا معاها خبرة طويلة جدا لسنين و لازلت راكبها و مش عاوز اغيرها (اللي بيركبها مابينزلش منها على فكرة)
مروحة تبريد المحرك ... كهرباء على ترموستات ولا بتلف على طول مع الموتور ؟؟؟؟ انا شفت عربيتين .. واحدة بمروحة تبريد كهرباء و واحدة مروحة بتدور مع الموتور