ما هي افضل شركة تداول اوراق في المعادي او حلوان؟؟؟

**abdelaziz-waleed** · 17-05-2011 12:09 AM

السلام عليكم
لو سمحتم كنت عاوز اعرف ايه افضل شركة سمسرة في الاوراق المالية في البورصة وتكون في حلوان او المعادي
انا اقرب شركات لبيتي هم
حلوان لتداول الاوراق
اراب فاينانس اللي قدام اكاديمية السادات في المعادي
هل فيه حد تعامل معهم من قبل يقولي ايه رأيه فيهم؟؟
شكرا جزيلا على المساعدة

**abdelaziz-waleed** · 17-05-2011 02:59 AM

ايه يا جماعة
مافيش حد هنا بيستثمر في البورصة خالص؟؟؟

**speed demon666** · 18-05-2011 03:27 PM

في شركة مترو للتداول جنب لينك اللي في مصر حلوان الزراعي في المعادي ... انا أعرف واحد هناك

**أحمد الجندى** · 18-05-2011 03:34 PM

المفروض ان شركة حلوان من اكبر الشركات زى بايونير كده .

**abdelaziz-waleed** · 18-05-2011 04:36 PM

الف شكر يا جماعة على الردود
انا بدأت بالفعل في التعامل مع اراب فاينانس
وعرفت انها تبع نجيب ساويرس
انا كنت متعاقد معاهم على عمولة 4 في الالف بحد ادنى 5 جنيه والمفروض ان عمولة مصر المقاصة وباقي الرسوم بتوصل حوال 1 ونص في الالف
بس لاحظت ان فيه عملة تانية 5 جنيه اسمها عملة حفظ
هل دي موجودة في كل الشركات؟ ول الناس دي بتشتغلني

تاني حاجة: هم بينزلو تقرير يومي على السايت بتاعهم وبيبقى مكتوب فيه الاسهم اللي ممكن الواحد يشتري فيها
انا طبعا علشان جديد اشتريت في الاسهم اللي هم وصو بيها والحمد لله لغاية دلوقتي ولا سهم منهم طلع بالكس كلهم نزلو ما بين 2 و3 في المائة. وانا اشتريت مع نفسي كدة في طلعت مصطفى والحمد لله هو السهم الوحيد اللي طلع وطلع كتير كمان (حوالي 6%)
بس الشيء الكويس عندهم ان التداول الكتروني من على السايت. يعني مش محتاج اتصل ولا اروح الشركة ولا اي حاجة

انتو ايه رأيكم في الكلام ده؟؟

**beautiful0mind** · 18-05-2011 04:46 PM

ازاى حضرتك عمولة التداول الاكترونى اقل من التداول العادى وبتكون 2.5 .......

**abdelaziz-waleed** · 18-05-2011 04:46 PM

المشاركة الأصلية كتبت بواسطة speed demon666

في شركة مترو للتداول جنب لينك اللي في مصر حلوان الزراعي في المعادي ... انا أعرف واحد هناك

الف شكر ربنا يخليك يا باشمهندس
انا قولت اتعاقد مع اراب فاينانس لأنهم قريبين مني جدا لأني عامل حساب اني ممكن اروح مواصلات بدون العربية
انا ساكن في حدائق حلوان

المشاركة الأصلية كتبت بواسطة almohake

المفروض ان شركة حلوان من اكبر الشركات زى بايونير كده .

انا فعلا لما رحت هناك حسيت انها شركة عملاقة وفيها حركة غير عادية غير ان مقر الشركة متوضب وشيك جدا
على عكس اراب فاينانس لاقيتها شركة صغيرة وكمان المكاتب لامؤخذة في الكلمة معفنة جدا
بس انا مش هتفرق معايا المظاهر قد ما يرفرق معايا الشغل
بس واضح اني هروح لشركة حلوان
لأن اراب فاينانس عملو معايا موقف ضايقني جدا
انا مضيت معاهم العقد يوم الخميس الماضي وقالولي اني هتكود في البورصة يوم الاحد
اتصل يوم الاحد يقولولي لسة اسمي في التكويد وممكن يتكود انهاردة او بكرة
اتصل يوم الاتنين يقولولي لسة واتصل بينا كمان ساعة (على فكرة شركة حلوان قالولي هتتكود في نص ساعة وانت واقف)
هنا انفجرت بقى وزعقتلهم وقولتلهم الغو التعاقد انا هروح شركة تانية
ودخلت على السايت بتاعهم وكتبت شكوى وبعتها
مافيش 5 دقائق واتصل بيا مدير الشركة وقاللي اني اتكودت واقدر اجيب الفلوس وابدأ التداول

غير طبعا التقرير والتوصيات اللي انا مشيت وراها واشتريت اسهم بناءا على التقرير وكلها خسرانة لغاية دلوقتي
يعني حتى مش عارفين يقرو السوق
هتعلم منهم ازاي دول انا مش عارف
دانا والله بلعب لعبة Stock riders بتاعة البورصة ومعتمد على نفسي وكساب لغاية دلوقتي 3.5%

**abdelaziz-waleed** · 18-05-2011 04:49 PM

المشاركة الأصلية كتبت بواسطة beautiful0mind

ازاى حضرتك عمولة التداول الاكترونى اقل من التداول العادى وبتكون 2.5 .........

معقولة الكلام ده
يبقو هما نصابين بقى
طب دلوقتي يا باشمهندس انا اشتريت واللي حصل حصل
هل ينفع افسخ التعاقد معاهم واتعاقد مع شركة تانية وانا محتفظ بالاسهم؟؟

**beautiful0mind** · 18-05-2011 05:00 PM

انا فالشركة عندى العمولة 2.5 ..........ممكن حضرتك عادى جدا بتروع تتعاقد مع شركة تانية لكن قبل متنقل للشركة الثانية أسأل الاول على عمولة التداول الاكترونى كام فالشركة اللى انت فيها

وممكن حضرتك تتابع معانا الجلسات على الصفحة بتحتى

http://www.facebook.com/WeLoveEgypt2011

وان شاء الله هتجد متابعه يومية للجلسات اليومية ............والحمد لله الصفحة عندى بها نخبه من ذو الخبره ...ونتمنى من حضرتك تتابع معانا الصفحة

**abdelaziz-waleed** · 18-05-2011 05:15 PM

المشاركة الأصلية كتبت بواسطة beautiful0mind

انا فالشركة عندى العمولة 2.5 ..........ممكن حضرتك عادى جدا بتروع تتعاقد مع شركة تانية لكن قبل متنقل للشركة الثانية أسأل الاول على عمولة التداول الاكترونى كام فالشركة اللى انت فيها

وممكن حضرتك تتابع معانا الجلسات على الصفحة بتحتى

â€«ط§ط³طھط«ظ…ط± 100 ط¬ظ†ظٹظ‡ ظپظٹ ط§ظ„ط¨ظˆط±طµط© ظˆط§ظ†ظ‚ط° ط§ظ‚طھطµط§ط¯ظ†ط§ | Facebookâ€¬

وان شاء الله هتجد متابعه يومية للجلسات اليومية ............والحمد لله الصفحة عندى بها نخبه من ذو الخبره ...ونتمنى من حضرتك تتابع معانا الصفحة

والله مش عارف اقول لحضرتك ايه يا باشمهندس
متشكر جدا على المساعدة.
انا فعلا عملت الموضوع ده كنوع من دعم الاقتصاد وكنت عامل موضوع مخصوص على المنتدى علشان الاعضاء يدعمو الاقتصاد
http://www.nilemotors.net/Nile/208896-a.html

بس مش عاوز اجي اساعد الاقي نفسي واقع في وسط شوية نصابين
هي شركة حضرتك موجودة فين يا باشمهندس
وهل اقدر اجي اتشرف بمعرفة حضرتك؟؟ وطالما فيه تداول الكتروني يبقى مش هيفرق مكان الشركة لأني مش هروح كتير
وايه الخطوات المطلوبة علشان انهي التعاقد مع الشركة الحالية وابدأ في التعاقد مع شركتكم

الموضوع: ما هي افضل شركة تداول اوراق في المعادي او حلوان؟؟؟

LinkBack

أدوات الموضوع

عرض

ما هي افضل شركة تداول اوراق في المعادي او حلوان؟؟؟ - انشر الموضوع فى :

-

-

-

-

-

-

-

-

-

المواضيع المتشابهه

بنزينة في المعادي او حلوان

تعديل جديد بأوتوستراد المعادي - حلوان!

آخر كلام ايه : المعادي تبع القاهرة و لا حلوان ؟؟

الكلمات الدلالية لهذا الموضوع

المفضلات

المفضلات

ضوابط المشاركة