والحمد الله سنة ولم يتم تغير اى شئ فالعربية بسم الله ما شاء الله ربنا يحفظها ويبعد عنها المطبات بتاعة البلد والنقر والحفر حاجة بجد تجزن لما باخد نقرة ولا حاجة والتكسير والقرف هنا فالزقازيق بلد استغفر الله العظيم
يمكن القاهرة اريح حبة
والحمد الله سنة ولم يتم تغير اى شئ فالعربية بسم الله ما شاء الله ربنا يحفظها ويبعد عنها المطبات بتاعة البلد والنقر والحفر حاجة بجد تجزن لما باخد نقرة ولا حاجة والتكسير والقرف هنا فالزقازيق بلد استغفر الله العظيم
يمكن القاهرة اريح حبة
تصدق ياأستاذ اودا اودا,ايام مكنت فى جامعة الزقازيق,يعنى كده من سنة 83 ,كانت البلد جميلة مفيهاش مطبات على الأطلاق,وكنت ساكن فى منطقه إسمها القومية وكانت ايامها لسة بتتبنى ومع ذلك كانت الشوارع مرصوفه وزى الفل,وكمان سكنت فى منطقة اباظه وكانت جميلة ونظيفة,والكورنيش الصغير ,وكازينو عرابى,وشارع البوسطه والله البلد كانت نظيفه,ولكنى من أكثر من 20 سنه لم اذهب هناك,اكيد اصابها ماأصاب كل مصر من اهمال وتسيب,ولكن تحياتى لكل اهل الزقازيق,كان فى مطعم بيعمل كبده بدقيق السن وكان قريب من المحطة ياترى لسه موجود,وكمان كان فى مطعم جميل اسمه شوقى ياترى لسه موجود,سلامى لك ولكل الشراقوة..
السلام عليكم ورحمة الله وبركاته
العزيز الفاضل </B>ayman66
حقيقة أسعدتنا فعلا بحوارك الجميل والمستفيض عن تجربتك مع عالم السيارات
ولقد توصلت إلي ما نريد أن نتحقق منه فعلا هو إن أي حد فينا لما بيجي يشتري عربية وخصوصا لو زيرو وماركة جديدة عالسوق بيدقق جدا جدا ومش بياخد بالكلام اللي مالوش أي منطق او أساس
ونتمني من حضرتك المزيد من تجاربك مع سيارتك الجميلة
بارك الله لك فيها
خالص تحياتي
استاذ ايمن حضرتك سكنت فالقومية وكانت لسة بتتبنى
دلوقتى تعالى شوفها اقل عمارة فيها
لا عمارة اية
اقل برج فيها اصبح 14 و 15 دور والشقة لا تقل عن مليون جنية ولو ايجار 6 الاف وانت طالع
طبعا سلاسل التوكيلات والمحلات مؤمن والحجات دى واللبس كلة فى القومية
هى ارقى احياء الزقازيق دلوقتى
تقدر تقول حتة من القاهرة كدة
يا بختك سكنتها وهى كانت اراضى زراعية دلوقتى الوضع اختلف 1360 درجة مش 360 درجة بس بقت شوارع ومحلات ونوادى وحجات عجيبة وتوكيلات
بالنسبة لمحل الكبدة الى جنب المحطة على فكرة لسة فاتح والسندوتش ب 2 جنية ههههههههههههه
شارع فاروق زى ماهو متغيرش
بس البلد اتملت حفر ونقر مفيش شارع مرصوف على بعضة
بجد حاجة تحزن
شرفتنا فى الزقازيق من 20 سنة يا استاذى الكريم
فعلا الصينى اتظلم فى مصر فعندما فكرت فى شراء سيارة صينى منذ سنة كنت متردد جدا بسبب كثرة الكلام السيىء على الصناعة الصينية وكل من اطرح امامه فكرة شراء سيارة صينى اجد على وجهه علامات الاستهجان والتريقة واشعر انى اغبى خلق الله لانى فكرت فى شراء صينى وبالتالى اخذت فى البحث عن سيارة كورى على قد فلوسى وتكون جديدة ومنها الهيونداى فيرنا وكثير شكر فيها بس لما جربتها شعرت انها خفيفة وصغيرة وقليلة الكماليات وقلت خلاص سوف اشتريها بس القى نظرة على بعض السيارات الصينى من باب التجربة فقط وفعلا جربت كذا سيارة واكثر سيارة عجبتنى كانت البريلينس لاكن غاليه على ولا ادرى لما كان لدى رغبة فى الصينى ولهذا استمريت فى البحث حتى وجدت سيارة ليفان 620 وعجبتنى جدا وسعرها مناسب وصممت على شرائها رغم خوفى الشديد تطلع مقلب ... لاكن بعد تجربة سنة ومشيت بها 28000 كم فعلا اقول مشاء الله سيارة ممتازة واتظلمت فى مصر بشدة فتجد الموتور قوى فى السحب والتقفيل الداخلى جيد جدا والكماليات كثيرة والشكل الخارجى شبيه جدا من البى ام دبليو فئة 3 والعفشة ناعمة والتكيف جيد جدا ولا يؤثر على دفع الموتور والتوكيل الان ممتاز لانه كان هناك عيوب فى الفنيين لاكن الان هناك طاقم جديد ممتاز والمعاملة تغيرت جدا ... ومع كل هذا السعر 74000 والسيارة 1600 سى سى 105 حصان وهذا مناسب جدا .. وتلك هى تجربتى مع الصينى حتى الان ولو فكرت فى التغيير سوف اشترى صينى بس بعد كام سنة كده
والله انا اتحطيت فى الموقف دة من 3 سنييين كنت عاوز اجيب عربية زيرووو فى حدود 75 الف وكلة قالى هات الافيو و بصراحة كانت مش عاجبانى وكنت بفكر فى الاسبرانزا بس كان فى ناس كتير بتعيب فيها ( لمجرد انها صينى ) والحمد لله اشتريت هايما فاميلى لانى لقيت فيها كل الامكانيات اللى محتاجها واللى شجعنى اكتر ان الماتور والفتيس والعافشة يابانى ( مازدا) وبعد ما اشترينها ب 6 شهور واحد صاحبى اشتراها هو كمان علشان عجبة عربيتى واقتنع بيها
مجمل الكلام ان الصينى زية زى الكورى اول لما ابتدى .... وكل حاجة جديدة لازم تتهاجم
انا العربية معايا بقالها 3 سنين و5 شهور والحمد لله مظهرش فيها اى عيب ولا عمرى اشتكيت منها
ونسيت اقولكم انى اول لما جيبت العربية الناس كانت لما بتركب العربية بتقولى عليها مازدا وتقعد تشكر فيها وقد اية العربية ناعمة وشكلها شيك واول لما يعرف انها مش مازدا يقولولى صيييينى انت اية اللى خلاك تجيب صينى كنت جيبت افيو احسن
اغلب الي بيشتري صيني بيختار العربيات الرخيصه منها واعتقد تحت ال70 مش هتجيب عربيه هتجيب توك توك
ودة عن تجربة وامتلاك
فروقات في التقفيل تعدي صوابع الايد يافندم
صوت موتورها الزيرو صعب كإنه مفيهوش زيت .. موتوري الي من 2001 مبيطلعلوش ربع الصوت ده لا من جوه ولا من بره واوتوماتيك
الامان فى العربيه انعدام وخاماتها الخارجيه والداخليه بالكامل ضعيفه جدا سواء صاج او الصالون الي كله فبر ضعيف
وكمثال الجلد اللي مقفل العربيه من بره مسخره ولونه اتغير من اول مطرة بقي في منه لونه بني والباقي لسه اسود
ميزتها انها فيها شوية امكانيات زي الجنوط سبور وفرامل اي بي اس وفيها كماليات حلوة وتحسسك بتكنولوجيا متقدمة وعربيه رخيصه بس مع التحسيس برضه مش هتعيش للي قلته سابقا ً
ومش كل الصيني وحش والي قلته دة عن تجربه بسيطه لعربيه سبيرانزا 113
والعربيه لسه معملتش 200 كيلو .. التكييف فصل بقي مروحة بس واوكرتين خلفيين باظو .... كل دة من استعمال للعربيه معتقدش يوصل 10 مرات ...... ربنا يستر وربنا يسامحهم في البيت انهم جابوها