طريقة سريعة لتسخين السيارة...صح ولا غلط؟؟
النهاردة كنت مستعجل وعايز امشى بالعربية بسرعة ....
لسة هاسخنها والكلام الفاضى ده....اه لازم طبعا:oops1:
طب فكر بسرعة ايه اسرع طرق التسخين؟؟...طب مانجرب نشغل التكييف يمكن العربية تسخن اسرع
ايه ده....العربية سخنت فى نص دقيقة؟؟....بقى دى عربيتى اللى كانت بتاكل بنزين فى التسخين اكتر من اللى بتاكله فى المشوار...دى اللى كانت لازم تفضل شغالة 5 دقايق وفى الاخر ماتسخنش...آااااه دى هى عربيتى
.
.
.
لا لا لا ياجماعة ماتفهموش غلط...ده مش واحد مجنون..ده العبد لله اثناء حديثه الداخلى مع نفسه الامارة بالسوء
طب نسيبنا من التهييس ونيجى للتحليل العلمى
انا ماعرفش الطريقة(الميكانيزم) اللى التكييف بيشتغل بيه واللى اعرفه ان تسخين الماتور فايدته انه يوصل درجة حرارة الزيت لدرجة عالية يكون فيها الزيت شغال بأعلى كفاءة ليه ويمنع احتكاك المعادن وكذلك عشان الاجزاء المعدنية تتمدد وتاخد راحتها
طب هل طريقة التسخين دى هتكون مضرة ...يعنى تشغيله والعربية باردة كأنى مشيت بالعربية بالظبط؟؟
عايز رد علمى للموضوع دا وياريت حد يشرح ازاى التكييف بيشتغل و بيهلك الماتور والعربية باردة ولا لأ
لان لو الطريقة دى مافيهاش ضرر هاسخن العربية بيها كل يوم