ازاى اسخن العربية قبل ما امشى الصبح (لحد ما المؤشر يتحرك من مكانه ولا لما المروحة تشتغل)
لو فى مشوار و ركنت اسخن تانى و انا راجع ولا اكروتها !؟
عرض للطباعة
ازاى اسخن العربية قبل ما امشى الصبح (لحد ما المؤشر يتحرك من مكانه ولا لما المروحة تشتغل)
لو فى مشوار و ركنت اسخن تانى و انا راجع ولا اكروتها !؟
يبدأ المحرك بصوت عالى حيث يكون التسخين اوتوماتيك وبعد ان يهدأ الصوت شوية ممكن تبدأ المشى - ولو ركنت شوية وبعدين جيت تشغل تانى لو المحرك غير بارد ممكن تتحرك علطول مش محتاج تسخين وعلى بركة الله.
لو عربيتك من العربيات القديمة ... سبعينات و ثمانينات و أوائل التسعينات .... او تصميمها قديم من الفترة دي زي اللادا و الشاهين لحد موديل السنة ... بتحتاج تخلي العربية تسخن دقيقة تقريبا ... ولو ساقعة قوي و بتقرب تفصل تدوس بنزين .... ولو هيه اينجيكشن او فيها كونترول للتسخين بيدوس بنزين لوحدة ثواني و بعدين بيوقف ما تدوسش علشان هيه هتظبط نفسها
ولو معاك عربية حديثة و زيت الموتور تخليقي ما بتحتاجش اكتر من ثواني بسيطة من بعد التشغيل لإن الزيت بيتوزع بسرعة جدا جدا .... ممكن بعد 10-20 ثانية تبدأ تتحرك
إلا بقى مثلا لو سايب العربية في السقعة و الدنيا بتشتي و ما اشتغلتش من يومين و الدنيا بتشتي ثلج .... بعد التشغيل سيبها دقيقة ولا حاجة و لو عربيتك قديمة زود دقيقة او اتنين برضه
موديلات قبل سنة 2000 أسند بنزين بسيط بس مش متقطع يعني ثبت رجلك علي البنزين ولما تيجي تشيل رجلك شيلها تدريجيا مش مرة واحدة ...والتسخين بيكون من 3 الي 4 دقايق
انا عربيتي128 أول لما بدورها بلاقي لمبة الزيت منورة بفضل دايس بنزين بتفصل بعد 1دقيقة كدةبغرف انها سخنت
أهلا يا لاخ أحمد
أنا عربيتي فيات تمبرا مو 1998 و بتأخذ حوالي 3 أو أربعة دقائق تسخين مع ضغط البنزين شوية زيادة في الدقيقة الرابعة لحد ما صوت الموتور يهدي و يكون عداد ال rpm حوالي 600rpm لان قبلها بيقعد الموتور يكركر .
أنا حسب معلوماتي أنك بتسخن مش علشان الزيت يتوزع في الموتور فقط لان كده كده طالما لمبة الزيت طفت يبقى الزيت وصل لاعلى نقطة ممكن يوصلها لكن بتسخن علشان ترفع درجة حرارة الحديد و بالتالي تزيد ليونته لان الحديد كما تعرف بيكون قصيف عند البرودة و بالتالي تزداد أحتمال تآكله بالاحتكاك على البارد أكثر من الساخن .
لما صوت الموتور بينعم ده معناها أن الموتور سخن و الحديد ليونته أرتفعت و بالتالي ما بقاش الحديد بيخبط جامد في بعضه و علشان كده صوت الموتور بيبقى ناعم .
ميشيل سليم