محتاج المساعدة ضروري بخصوص كيا ريو 2011

**ahmadbayoumi** · 17-05-2011 03:14 AM

السلام عليكم رواد ومشرفى المنتدى الكرام

الحمد لله بعد بحث طويل وسؤال الكثير والكثير ربنا وفقني واشتريت الكيا ريو 2011 اوتوماتيك.

الانطباع الاول عن العربية انها عربية بسم الله ماشاء الله جميلة جدا

بس في حاجة مزعلاني شوية .. العربية لا يوجد بها انذار او ريموت

انا كنت عايز اركبلها انذار وسألت في التوكيل فقلولي انهم بيركبو عندهم ونوعه كوبرا

بس انا سمعت انو مش قد كدة وكنت عايز اركب واحد تاني سمعت انو كويس وهو سباي تو واي وخصوصا اني لما هركن العربية مش هشوفها وكمان المسافة بيني وبينها هتبقى كبيرة واكيد مش هسمع صوت الانذار.

الان انا عايز ارائكم بخصوص السباي تو واي

وشكرا لكم جميعا مقدما

**a7madramadan** · 17-05-2011 05:12 AM

من كلام ناس كتير ركبوه هوه كويس .. و المدى متوسط مش حاجة خرافية يعني .... و ما أعرفش الصراحة مقارنته بالكوبرا .. بس إتأكد ان التوكيل مش هيلغي ضمان الضفيرة او الكهرباء او يلغي الضمان كلله لو ركبته بره .... اسألهم بس حتى لو بالتليفون

ومبروووووووك العربية و ربنا يديلك خيرها و يكفيك شرها و يباركلك فيها

**ahmadbayoumi** · 17-05-2011 12:45 PM

الله يبارك فيك يا استاذ TheDieSeL وشكرا لردك

بالنسبة للمدى لو هيبقى 150 - 200 متر ده كدة تمام

بالنسبة لموضوع ضمان الضفيرة انا سألت في التوكيل وقالولي انو الضفيرة هنخرج برة الضمان

بس انا شايف انو في الظروف الي البلد فيها اليومين دول وانتشار حوادث سرقة السيارات انو اضحي بضمان الضفيرة احسن ما اضحي بالعربية كلها

الي انا عايز اعرفه دلوقتي هي خاصية الفيبرشن الي في السباي تو واي دي شغالة فعلا ولا لأ ولو شغالة كويسة ولا لأ

كمان ايه مميزات الكوبرا وعيوبه

وشكرا