السلام عليكم ورحمة الله وبركاتة
حبيت اعرف الناس بأفريكا بارك انا رحتة فى شم النسيم اللى فات وكانت فسحة عائلية راقية جميلة
بالذات لو معاك اولاد حتكون تحفة
الموقع
الكيلو 70 مصر اسكندرية الصحراوى سبعين كيلو من اسكندرية
______________________
الدخول ياجماعة 250 جنية للعربية باللى فيها اى كان عدد الافراد شاملة رحلة نهرية بس ماعملتهاش كنت استوييت يعنى
أنت بتدخل بعربيتك بتمشى فى تراك محدد للعربية ... الاتجاهات محددة بيفط وارشادات
فى مناطق فى البارك ممكن تنزل من العربية وتتمشى وسط الحيوانات ومناطق تانية ممنوع تفتح زجاج العربية من الاساس
الجميل ان الحيوانات طليقة بدون اسوار !! يعنى خلى بالك
__________________________
طبعا العربية فى نهاية الرحلة حتكون فى قمة النظافة!! انا شخصيا عربيتى استقبلت مخلفات نسناس اتزنق و فك زنقتة على كبوت العربية !!
بس فى اخر الرحلة فى شوية عمال نظافة بتغسل العربية ب 7 جنية ونص !! هى مش غسلة بالمعنى الحرفى بس اى شئ والسلام
--------------------------
طول التراك مفيش اكل و شرب وممنوع تماما القاء اى شى برة الزجاج يعنى خد بالك من العيال
طبعا ممنوع تطلع برة التراك وكدة
البارك كبيييير ويستاهل ان كنت بكروت واقعدت جوة حوالى ساعة ونصف او ساعتين
-------------------------
نصايحى بقى تاخد وقتك وشوية بسكوت وبيبسى وكيس كبير ترمى فية ... خد وقتك اوى واستمتع لأنك لو عديت منطقة مينفعش ترجع تانى
طبعا صور كتير و فيديو يعنى قضى يومك حتى لو قعدت لحد بالليل!!
---------------------------------
أنا رحت الساعة 2 ظهرا ومشيت ع 4 تقريبا الجميل ان الحيوانات صاحية وبتلعب :16: مش ذى زمان لما كنا نروح جنينة الحيوانات ومنلاقيش حاجة يقولك اصلهم نايميين من اول امبارح !
---------------
بصراحة المكان نظيف ومرتب والعمال دوة فى قمة الأدب مش بيطلبوا بقشيش ومفيش بقى ياباشا ومعاليك واى خدمة والكلام اللى يسد النفس دة
طبعا سعر التذكرة العالى بيجبر ان العدد جوة يكون محدود وهادى ومنظم
------------------------
البارك على الطريق اللى رايح القاهرة يعنى وانت جى من القاهرة حيكون على شمالك
الحيوانات جوة كتييييييييييير بجد مش 3 او 4 واقلب ... لأ تستاهل
------------
تقييمى للبارك 8 من عشرة
----------------------------------
كان فى عرض الفريسة واتلغى للاسف عشان ناس اعترضت
عرض الفريسة بيطلقوا حيوان ما و يسيبوا علية اسد يصطادة وياكلة والفريسة دايما غزال ... بس اللى فهمتة من العمال هناك ان بعض الناس اعترضت على المشهد المروع عشان الاطفال كمان يعنى 18+
R for violence
يالا منهم لله اهو اتلغى !!
كفاية بقى واسيبكم مع الصور
أعتذر ان كانت ظاهر فى بعضها ححاول اشيلها بس كنت بحاول افرجكم كل الحيوانات
---------------------------------
نبدأ العرض !!
http://img190.imageshack.us/img190/112/25042011149.jpg