فتش عن المشير
وعلى رأيك كل ثوره وانتو طيبين
عرض للطباعة
فتش عن المشير
وعلى رأيك كل ثوره وانتو طيبين
اه نسيت اقول مبروك علينا حرامى جديد رئيسا للجمهوريه
وانا كده عرفت مين الريس اللى جاى
سلام يا مصر
مين رئيس الجمهورية اللى جاى؟
عاجل اخلاء سبيل زكريا عزمي بكفاله 200 الف جنيه علي ذمة تحقيقات تضخم ثروته
زي ماقلتلكم قبل كده هيطلعوهم وهيقولنا تم التحقيق معاهم زي ماطلبتم والتحقيق اثبت برائتهم ونزاهتهم
والغلط مش عليهم الغلط علينا احنا اننا سمعنا كلام الآخرون قادة الثوره المضاده ومش عارف ايه خط احمر ووثقنا في رئيس حكومه شكله طيب بس ظهر لينا بعد كده انه من اهم قادة الثوره المضاده هو ويحي الجمل وبعض قادة المجلس الأعلي للقوات المسلحه فعلا غلطتنا اننا سبنا ميدان التحرير بس ملحوقه احنا راجعين تاني
احمد باشا حبيبى من زمان متقابلناش فى الاجتماعى
خبطت فى الحلل كده يا عم حيقولو عليك مش وطنى ومش عاوز البلد تمشى
بص يا احمد باشا انا من الاول بقى موثقتش فى حد بس قولت خلينا ورا الكداب لحد باب الدار وادى باب الدار ظهر وبانت معالمه
انا مش حكدب واقول انى كنت متوقع ان ده يحصل بس كنت واثق ان الحدايه مبتحدفش كتاكيت
فعلاً كل ثوره و احنا طيبين
كل أمل في الإصلاح و احنا طيبين
كل ثقة في العدالة و احنا طيبين
كل دم شهيد و احنا طيبين
فعلاً عيب الثورة دي الوحيد ...... انها ما حكمتش و سابت ناس تانية ما يعلم بيها إلا ربنا تحكم
في 73 كان هو إلي واقف عند الدفرسوار ....... دلوقتي هو بردو إلي واقف في وش الثورة دي
حسبي الله و نعم الوكيل
اذيك ياميسو والله كلكم ليكم وحشه
وياسيدي الفاضل خلي اللي يتكلم يتكلم كلامهم ده اللي جابنا وره وساهم في القضاء علي الثوره لأنهم معروفين هما مين والغرض من اللي كانوا بيقولوه ايه وهو بيتحقق دلوقتي
ياميسو والله العظيم انا متوقع كل ده واكتر منه كمان وياما نوهت عنه في مشاركاتي مابين السطور بس لاحياة لمن تنادي اكثر شباب الثوره اتعمله غسيل مخ ولههوهم في فقعة هواء تسمي العمل السياسي والحزبي وفي الآخر الفقعه دية هتذهب مع الريح وتتبخر علشان كده يجب علي كل شباب الثوره الأفاقه من هذا الغسيل واذا ماكنش علشان مصر يبقي علشان الشهداء اللي استشهدوا من اجل رفعة شآن هذا البلد وتحرره من الفساد والظلم والطغيان الصوره بدأت تتضح لكم فهل ستظلوا علي صمتكم وخضوعكم لهذا الغسل افيقوا يرحمنا ويرحمكم الله ويرحم شهدائنا الذين ماتوا بين ايدينا وامام اعينا ولاتسمحوا لأحد بالتأثير عليكم فالبلد من سيئ الي اسوء بفعل هؤلاء
اقتباس:
لو بصينا على اللى حصل فى ماسبيرو و اللى خصل فى السفارة الاسرائيلية , فى السفارة الجيش و الشرطة جم بسرعة و الشرطة رمت قنابل مسيلة و رصاص فى الهواء و طاردوا المتظاهرين فى الشوارع و حاصروهم.
فى ماسبيرو ناس ضربت الناس اللى معتصمة بالرصاص و تبادل مولوتوف و رصاص و حرايق و حاجات و محدش اتدخل غير فى الاخر.
أنا رايى الشخصى ان الانفلات اللى فى البلد و تضخيم الامور مقصود علشان لما يقولوا نتصالح مع الحرامية و لا نفرج عن سوزان و الناس تقرر تنزل التحرير مع الوقت الفئات الغلبانة اللى بيشتغلوا باليومية تقلب عليهم و تحس انهم السبب فى اللى بيحصل !!!
البلد مش بتفلس و محتاجة قانون مصالحة علشان نرجع 3-4 مليار من كل الحرامية و لا 24 مليون من سوزان!!!!
الاولى نحاكمهم و نسترد كل الفلوس , كل التغييرات سيئة سواء فى المحافظين او القيادات او غيره!!
كل ثورة و انتوا طيبين , احنا اتضحك علينا
هو ده بالظبط
للأسف , اللي كنا بنتفاداه من زمان حصل
فقدنا مصر يوم ما فقدنا ميدان التحرير