انا بقى زهقت وبطلت ادخل الاجتماعى
مدخلتهوش غير لما سمعت اخبار الافراج عن سوزان وسرور وقريبا مبارك
كنت واثق ان حبسهم مجرد تهدئه للشعب لحد ميلهوه بحاجه وبعد كده يطلعوهم وكل ثوره واحنا طيبين فعلا
عرض للطباعة
مش قادر افهم ليه بس نظره التخوين دى للجيش
موضوع المصالحه او القانون المزمع انشاؤه ياباشا هذا القانون لا يعفى موظف الدوله الذى ساهم بفساده فى ضياع اموال الدوله ولكن هذا القانون يتعامل مع رجل الاعمال الى اضطر انه يدفع من تحت لتحت عشان يمشى اموره عشان النظام كان فارض كده كله فساد فى فساد فطبيعى اليوم انت امام دوله قادمه على الافلاس و ثوره جياع طبعا هتقلولى ده الكلام الى الجيش بيخوف الشعب منه اعتقد فعلا من وجهه نظرى ان حجم الدين العام سواء الداخلى او الخارجى بلغ مستويات قياسيه و كذلك الاحتياطى الخاص بالبنك المركزى لن يصمد طويلا اضافه الى الاضرابات الفئويه و خشيه رجال الاعمال على الاستثمار فى ظل مناخ انتقامى و تصفيه حسابات و كمان البلد مفيش فيها امن ولا امان يبقى مفيش لا استثمارات اجنبيه ولا داخليه يبقى فعلا تدهور اقتصادى ايه المطلوب من الجيش فى المرحله دى شحاته و بيلفوا على دول العالم و المنظمات الدوليه و الخليج عشان يلموا كام مليار يسند البلد شغل محدش فى البلد عايز يشتغل الناس اتعودت على الاعتصامات و الاضرابات سجن لرجال الاعمال ده الى حاصل ومفيش رجل اعمال عايز يشتغل و الكل خايف يجى فى الرجلين يبقى الحل اننا ننزل التحرير و نعمل ثوره جديده و نجيب البلد على الجلده و نبقى خلصنا من مصر و خليها بقا اى دوله فقرانه مهى طول عمرها كده او ممكن نخش فى مطاحانات وفتنه طائفيه و الناس تترحم على المخلوع و على ايامه
ما يقوم به الجيش اليوم هو حصيله جهد ملموس لرجال اتت بهم الثوره و يتحملون مسئوليه البلد المفروض نعطيهم الفرصه كامله ومش كل واحد هيحكم البلد بمزاجه
سوزان مبارك اخلى سبيلها ايه المشكله فى كده ومن امتى كان القانون المفروض انه بينتقم من المتهم ياسيدى الفاضل القانون قاعده عامه مجرده بتطبيق على جميع الناس ولا تفرق بين متهم عادى و متهم سوبر ستار وبعدين سوزان اخلى سبيلها بعدما قامت بعمل توكيلات خاصه تبيح لجهاز الكسب غير المشروع نقل جميع ممتلكاتها الى الدوله كما انها لها محل اقامه معلوم ولا يخشى عليها من الهرب اضافه الى كبر سنها كل تلك الحالات تتيح للقاضى ان يخلى سبيلها على ذمه القضيه اى انها لم تتحصل على براءه بعد بل كل ما فى الامر انها غير مقبوض عليها و غير محبوسه لحين صدور حكم ضدها
اتفق معاك فى جزئيه سوء اختيار المحافظين و خاصه لوءات الشرطه من جهاز امن الدوله السابق و مساعدين العادلى سوء اختيار و تخبط غير طبيعى و معاك فى انه يتعين اقالتهم
الى حصل امام ماسبيرو و الغوغاء الى قاطعين الطريق عشان فى دماغهم ان البلد دى فرده وانهم يقدروا يعملوا الى هم عايزينه و البابا شنوده قلهم فضوا الاعتصام ونفضوا لكلامه لا اعتقد ان الجيش متورط فى ذلك
ما حصل من محاوله اقتحام سفاره اليهود فى مصر لا اعتقج ايضا ان الجيش وراء ذلك بل تلك فوضى الثوره ومنطق كل واحد يعمل الى هوا عايزه من وجهه نظره و احترام لهيبه الدوله التى فقدت و لن تعود الا بعدما يشعر الجميع بقرب النهايه
تعامل قوات الشرطه مع المتظاهرين تعامل طبيعى ماذا تنتظر من غواغائين يرغبون فى حرق شفاره و احراج مصر و اظاهرها بانها دوله ضعيفه ونخش فى مشكله دبلوماسيه وقرف وبالرغم من ذلك لن تحل مشكله فلسطين حتى ولو حرقنا السفاره نفسها
انا احترمت المشير امبارح لما اتكلم بمنتهى الصراحه و مزوقش الكلام ولم يطالب بشى مستحيل كل الى طلبه الناس تشتغل و عجله الاقتصاد تدور و الناس تحط مصر فى عنيهم مش تحت الجزمه
الجيش المصرى جيش وطنى وحرام علينا نظلمه
مهندس على جمال شكرا لرد حضرتك المحترم , انا معترض على حاجات كتير اوى اولها مفيش راجل اعمال اتضطر يدفع من تحت التربيزة هيتمسك , هما مش بيمسكوا فى جرايم الرشوة دول بيمسكوا فى قضايا تخصيص أراضى باسعار اقل كثير من اسعار بيعها لناس تانية فى نفس المنطقة , يعنى التجمع معظمه و 6 اكتوبر و حتت كتير الاراضى فيها كانت بالتخصيص بسعر محدد لكل الناس اللى خد باسعار اقل من كدا هما اللى هيتمسكوا و يتحاسوا انما اللى خد الارض بالسعر الموحد دا مش هيتمسك اساسا , زى اراضى الحاذق و جرانة اللى فى البحر الاحمر , هما سعروا الارض ب 3$ لكل الناس بس الوزير اكرم ناس و باعهلهم ب 1$ هنا المشكلة و العقوبة كانت سحب الارض و غرامة 300 مليون جنيه يعنى خدوا فلوس اضعاف اللى كانوا هيخدوها من المصالحة و المخطىء بيتعاقب .
المشكلة مش فى التخصيص نفسه على قد ما المشكلة فى السعر , لو السعر موحد على الكل مفيش قضية اساسا.
مفيش حدا كان بيوزع اراضى باسعر بخش هدية و هنا لازم العقوبة من الطرفين , الطرف الاول الفاسد اللى افسد الوزير و عرض عليه رشوة و الطرف التانى الوزير الفاسد اللى خد رشوة و الاتنين نفس الخطا و نفس الفساد و شركاء فى الجريمة بالنص.
حالة مصر دلوقتى هى هى الحالة فى اخر سنة 2008 و محصلش حاجة , فى اخر 2008 مع الازمة المالية توقف الصادرات , السياحة ضعفت جدداااا , ايرادات قناة السويس قلت جدااا , ركود فى كل شىء فى مصر و خصوصا العقارات يبقى ازاى بقى الكلام الفارغ بتاع الفزاعات مصر بتفلس , انقذوا مصر و تانى يوم يطلعوا سوزان و سرور و عزمى؟؟؟
سوزان مبارك عندها فى حسابها فلوس مسروقة مش عارفة تثبت هى جايباها منين , انها ترجعها او تتبرع بيها للدولة مفروض ميعفيهاش من العقوبة و الجريمة ثابتة عليها يبقى ليه يطلعوها؟
بعدين احنا كلنا كنا عايزين محاكمة ثورة للفساد السياسى قالوا لا احنا مش عايزين قوانين خاصة هنحاسبهم على فساد المالى قولنا ماشى على مضض يقوموا يضحكوا علينا و يتصالحوا؟؟؟
مفيش حاجة اسمها مستثمر خايف , حتى لو اتصالحت مع الناس محدش هيستثمر منغير ما يكون فى امان فى البلد , عايز السياحة ترجع و يبقى الاشغال 100%؟؟؟ رجع الامن بس مش تصالخ , التصالح مش هيرجع السياح , اللى هيرجعهم رجوع الامن , معظم المستثمرين اللى جم مصر فى الفترة الاخيرة شوية حرامية جايين يحطوا 10 ياخدوهم 100 و لا 1000 بيشتروا شركات و مصانع و يبيعوا الاراضى و حاجات كدا , كان فى استثمار حقيقى؟؟؟ طيب رجال الاعمال اللى بياخدوا الاراضى ببلاش و يبنوها بفلوس الناس يعنى دفعة حجز و تعاقد 25% و بيهم يبنوا و بالاقساط و يكسبوا مليارات و يبيعوا الشقق و الفيلات باضعاف تمنها و الفلوس كلها تخش جيبهم دا مش استثمار.
ثانى حاجة المصريين ليهم 1200 مليار جنيه فى البنوك , البنك المركزى لو خلى الفايدة 0% الناس هتشيل فلوسها من البنوك و تحطها فى مشروعات , دا اللى يحرك العجلة انما احنا بنفلس و مفيش فلوس و الكلام الفارغ دا ضخك على الدقون.
على رايى الدكتور اللى لسه كان بيتكلم فى برنامج يسرى فودة , انا اروح اسرق 50 مليون و لو اتمسكت اقولهم فلوسكوا اهى!!!
انا ضد اقتحام سفارة اسرائيل طبعا و ضد اللى بيحصل فى ماسبيرو , بس الفكرة سرعة التدخل هنا و هنا و دا بيثبت ان الشرطة لما بتحب تتحرك بتتحرك بسرعة شديدة و لما يحبوا يعملوا ان فى انفلات بيسيبوا الدنيا تولع!!
و فتحى و عيشة و الجبلى و سوزان و مفيد شهاب و فاروق حسنى و الناس اللى طلعت من الكسب غير مشروع دى
وعندما يفرج عن زكريا عزمى الان ماذا يعنى هذا ينهار اسود
مفيش حد صدر له حكم يالبراءه حتى الان وانما اخلى سبيله من الحبس الاحتياطى يعنى عى ذمه القضاء حنى الان
قولنين المصالحه تلزم برد الاموال و تعفى فقط من العقوبه وحضرتك هذا النظام معمول به اساسا فى القانون الجنائى العادى وحضرتك لو حررت شيك بدون رصيد وتحرك عنه جنحه تقدر تتصالح وتتدفع قيمه الشيك و يصدر لك حكم بانقضاء العقوبه الجنائيه بالتصالح
يبقى الدوله لا تشذ عما هو متبع لان الغايه فى هذه المرحله ليست الانتقام بقدر عوده الحياه مره اخرى الى طبيعتها اضافه الى ذلك ان القائمين على الدوله فى تلك المرحله هم من تسببوا فى ذلك وليس المستثمرين فكما هو معلوم المال السايب يعلم السرقه فحضرتك المفروض نحاسب مسئول الدوله الى محافظش على المال بل و عرض هذا المال الى السرقه اما المستثمر فيلزم برد ما تحصل عليه من الدوله ويكتفى بذلك دون حاجه لحبسه
والمرحله الحاليه محتاجه عمل وليس انتقام وارجو من حضرتك مراجعه الثوره الفرنسيه و كيف انها اعدمت الملك و حاشيته وكتب عنها التاريخ انها كانت عنصريه
انا لست ضد كل من اخطا فى حق هذه الامه ان يعاقب ولكن ارجو ان ناخذ فى الاعتبار ان الفساد كان ثمه الدوله السابقه وان من كان قائم على تلك الدوله هو من ساعد على هذا الافساد وبالتالى لا ينبغى ان نساوى بين من ساعد على الفساد و من استفاد من هذا الفساد لانه لو لم يكن هناك من اتاح فرصه الفساد لما وجدنا من استفاد من الفساد
وعلى فكره نظام المصالحه قائم فى دول اوربيه عديده جدا و له اصوله و قواعده و ايضا المجتمع الدولى طبقه فى قضيه لوكربى و الزم ليبيا بدفع تعويضات مقابل رفع العقوبات
وفى النهايه موضوعك موضوع محترم جدا وجهه نظر محترمه وخلافنا فى الراى لا يفسد للود قضيه
خالص شكرى و تقديرى لشخصكم الكريم
يا باشا فيه فرق بين شيك بدون رصيد , و سرقة اموال الدولة بالرشوة من ناحية , و الارتشاء و التربح و التفريط في المال العام من الناحية التانية
إحالة وقائع فساد جديدة ضد سوزان مبارك إلى "الكسب غير المشروع"
الأربعاء، 18 مايو 2011 - 15:33
http://www.youm7.com/images/NewsPics...1114124353.jpg سوزان مبارك
كتب محمود المملوك وإبراهيم قاسم
http://www.youm7.com/images/graphics/lg-addthis-en.gif http://www.youm7.com/images/graphics/igoogle.gif
أحال النائب العام المستشار الدكتور عبد المجيد محمود ، اليوم الأربعاء، البلاغ المقدم من مصطفى بكرى عضو مجلس الشعب السابق ضد سوزان مبارك حرم الرئيس السابق حسنى مبارك، إلى جهاز الكسب غير المشروع، الذى يتهم فيه سوزان مبارك بإهدار المال العام وتسهيل الاستيلاء عليه من خلال جمعها للتبرعات الخيرية القادمة من المنظمات الإنسانية إلى الجمعية الخيرية التى تترأسها ووضعها فى حساباتها الشخصية.
واستشهد بكرى فى بلاغه بقيام سوزان مبارك بالاستيلاء على المال العام من خلال اعترافها أمام جهاز الكسب غير المشروع، بامتلاكها أرصدة قدرها 20 مليون جنيه حصلت عليها من الجمعيات الخيرية والمنظمات الإنسانية، كونها زوجة الرئيس السابق، وقيامها بالنشاط الاجتماعى والإنسانى، وأضافت أنها سوف تقوم بإعادة تلك الأموال إلى الدولة مرة أخرى، وهو ما تم بالفعل ويثبت جريمة الاستيلاء على المال العام، وطلب فى بلاغه بإحالتها إلى نيابة الأموال العامة حتى تتم محاسبتها على جريمة الاستيلاء على المال العام وأرفق بكرى فى بلاغه عدة حوافظ مستندات.
الجيش لو كان عاوز يهرب مبارك و عيلته و فلوسه كلها ....كان عمل كده بعد التنحى أما كان الشعب كله كان عاوزه يمشى من شرم يروح بلد تانية و الشعب كان هيقول جيشنا العظيم طرد الحرامية
بلاش نظرة التخوين العجيبة ديه و خليكم واقعيين الشغل دلوقتى شغل محاماة و محاسبين قانونيين مش شوية هتيفة تمشى بيفط