هجيب جنط بإذن الله ومش متأكد 14 ولا 15
بسم الله الرحمن الرحيم
انا يا جماعة نويت ان شاء الله اجيب جنوط للعربية بس محتار اجيب 14 ولا 15 هقولكم انا محتار ليه
انا قلت اجيب 14 اهو معظم الناس جايباه ومفيش منه مشكلة بس اللي مش مريحني فيه انه 14 :grin54:يعني 14 من 13 يا قلبي لا تحزن التغيير مش هيبقى مجدي اوي :Ka_che1[1]:
بعد كده قلت خلاص اجيب 15 بس اللي مش مريحني ان بعض اصحابي قالولي لازم تركب علايات بعد ما تجيبوا علشان ميحكش معاك في المطبات و ان مثلاً احتمال اخرج الرفرف بره شوية علشان ميحكش فيه .
شوية ملحوظات : انا عارف ان الجنط لازم يكون خفيف علشان ميأثرش علي العفشة .
هل لو جبت الجنط الـ15 ممكن احتاج اجيب مساعدين او اغير حاجة في العفشة بعدين لأن دي هتبقى صعبة شوية كفاية عليا الجنط و الكاوتش .
انا مش هجيب الجنوط الصيني طبعاً :angry06: .
الجنوط هتيجي بالكاوتش بتاعها الاستيراد او هجبلها كاوتشات نضيفة استيراد بإذن الله من ناس معرفة .
يا ريت لو تفيدوني علشان انا مش لاقي مواضيع كتير في الحكاية دي