-
يا جماعة صلو على النبي كده
انا لسه خاطب في آخر شهر 4
واحدة طبيبة امراض نساء وولادة
وكانت جارتنا في البيت القديم
وآخر سنتين كنت بعتبرها اخت لي وبحكيلها عن كل حاجة
حتى كان في بنت زميلتي في الشغل أعجبت بيها والبنت دي كانت ساكنة جنب خطيبتي او في منطقتها (طبعا ده قبل الخطوبة بفترة كبيرة)
رحت بلغت خطيبتي حاليا عنها وقالتلي هسالك عليها واجيبلك اصلها وفصلها وفعلا قد كان ولاسباب لاداعي لذكرها لم استمر
المهم فاتت فترة كبيرة لحد لما لقيت والدتي بتكلمني وبتقولي ايه رايك نخطبلك فلانة اللي هي خطيبتي حاليا
طبعا اذبهليت وضربت حيص بيص
مش ممكن دي اختي دي مش عارف ايه وكلام فاضي كده
فجأة واحدة بدون مقدمات لقيت نفسي بفاتحها في الموضوع
طبعا كانت صدمة ليها
والحمد لله ربنا تمم بخير ومش عارف اوصف السعادة اللي احنا فيها حاليا بعد الخطوبة
اول مرة اصدق ان في عاطفة ممكن تتولد بعد الخطوبة او الزواج مش قبله
الجميل في الموضوع ان خطيبتي الحالية اكبر مني بحوالي سنة ونص
وانا حاليا 28 سنة
ايه المشكلة يا جماعة
والحمد لله انا متأكد اني مكنتش هلاقي احسن منها في حياتي كلها
فكر يا فارما الف مرة البنت دي واضح انها كويسة ومحترمة وحاست فيك انك شخص كويس ومبخلتش بيك على صاحبتها اللي ممكن تكون اقرب صديقة ليها
عادي جداااا
خد قرارك بنفسك محدش يلعب في دماغك مطلقا
وبعدين يا اخي الخطوبة عملوها ليه
وانت راجل كبير وفاهم وهي واعية ومثقفة
الناس لازم تقتنع ان احنا جيل مختلف عن آبائنا واولادنا مختلفين عنا برضه
لكن كله في نطاق الشرع والاصول والمبادئ الطيبة
وفكك بقى من العادات والتقاليد السخيفة اللي محدش يعرفلها سبب دي
ربنا يقدم اللي فيه الخير
-
كل الكلام اللي فات صح و جميل بس مثالي شويه و الدنيا مش مثاليه للدرجه دي و في نقطة بس لازم اوضحها
دايما البنت بتحب اللي يرتبط بيها يدلعها و يحسسها انها صغيرة و انها المفضله عندة - هل هتقدر توصل الاحساس دة بعد كدة ليها ؟ و لا هتفضل شاعر بالفرق السني اللي بينكم ؟
Content Relevant URLs by
vBSEO 3.6.0 PL2