انت جبت كده ياباشا من الاخر و دى اهم جملة فى كلامك و من الاخر لا هو موضوع سن و لا غيره انت لو بتحبها كنت بلعتلها الزلط لكن اعتقد مافيش عاطفة كافية تخليك تكمل حتى لو اصغر منك بخمس سنين
عرض للطباعة
مممم ..... هو الموضوع محير علشان انا شايف ان فيه احراج تكلم البنت فى الموضوع ده .... وكمان انا شايف ان فرق السن فى المرحلة ده (اللى قبل التلاتينات) ملحوظ شوية .... عموما انا لو مكانك وحاسس ان البنت مش اللى هيا لقطة اوى وتستاهل انك تتغاضى عن الموضوع ده .... انا مش هكمل .... انا شايف فى رأيى انك علشان تكمل بوجود فرق السن ده يبقى لازم البنت اللى قدامك اول ما تشوفها ده هيا ده ..... غير كده يبقى بلاش
معلش أنا عاوز اعرف وجهت نظرك يعنى لو البنت 30 سنة أية المشكلة مهى لسة صغيرة برضو ما فيش مشكلة و لو بنت عندها 35 سنة برضو ماشى مهى لازم يجيلها فرصة و تتجوز لانها مش عجوزة و لا حاجة أنا شايف ان لغاية 35 سنة عادى برضو أية المشكلة يعنى لو مثلا هو 33 و هى 35 مفيش مشكلة فرفت اية عن انة يبقى 27 سنة و البنت 29 سنة مثلا .
عاوزك توضحلى النقطة دى لانى مش فاهمها بصراحة
انا اقصد ان لو هو مثلا 21 و هى 23 قدامهم حوالى 12 او 13 سنه على ما يوصلوا لسن 35 او 36 و دى احلى فتره فى عمر الانسان و بعد سن 35 فى حاجات بتتغير فى الست بالتحديد و بتبدا تحس انها بدات تكبر
لو هو 27 و هى 30 مش هيلحقوا يعيشوا الفتره الحلوه دى غير 5 او 6 سنين ده اللى اقصده
احمد فارما ..
عوداَ حميداَ .. بالنسبة لموضوعك .. هيكون لي رد مختلف تماما لان من حظى النحس مريت بهذة التجربة مرتين او تلاتة
وكل مرة تطلع اكبر منى !! .. المرة الاولي كانت زميلتى ف الكلية وبعد التخرج بدءت الاجراءات .. واتفاجأت بأنها اكبر منى بما يعادل
3 سنين .. زى 3 دولار كدة :) وكان الرد من اهلها هي بالرفض !! بعد مكان فية كيك وقهوة وحاجات حلوة كدة .. دة كلة انقطع بعد الخبر دة .. حصل انتقادات كتيرة سواء من الاهل او الاصدقاء بخصوص نقطة السن بشكل فظيع
مش هقولك تفاصيل المرة اللى بعدها ولا دي حتى .. بس اقولك اولا : روح شوف هي عايزة تقولك اية " علما انى متوقع اللى هيتقالك "
لكن روح او اسألها ف التليفون .. .. ثانيا : احنا ف مجتمع للاسف لا يقبل الزواج بسن الفتاة اكبر من الراجل .. ودة للاسباب كتيرة بعضها غريب !! لكن المجتمع يرفض .. يرفض .. يرفض .. كفاية كفاية ..
ثانيا : هل فكرت لو حصل ودة " لو " وربنا اكرمكم بأطفال لو اولادك سألوا لية ماما اكبر منك هيكون ردك اية ؟؟
اكيد انت صورت بطاقة والدك ووالدتك لاي اجراءات كانت .. هل فكرت اولادك لما يصوروا البطاقات هيكون رد فعلهم اية ؟
ثالثا : لاحظت انك مش مقتنع بيها .. وعارف دماغك كويس وعارف تفكيرك وحاضرك :) لذا رأيي بلاش :)
دى نفس مشكلتى يا احمد 99.9 % من اللى عرفتهم اكبر منى ف السن والسبب بسيط انى بختار بعقل قبل القلب .. وبختار العقل الكبير
وعمري ما فكرت ف بنت اصغر منى تخيل ؟؟؟ وعلشان اطلع من الموقف ولانى مش لاقى العقلية اللى انا عيزها دورت بالخارج علما انة مازال ليا زملاء وصديقات فى الله "اكبر منى ولو بيوم ..فـيـس بقة " على غرار موبيلات بقا "
.
كفارة يابو حميد
:)
اولا الف حمدلله علي سلامتك يا دكتور وانصحك
تصلي استخاره متعرفش الخير فين وبعدين شوف بعد المقابله هيكون ايه طبيعه الحوار
وربنا ييسرك امورك باذن الله
لو البنت فعلا كانت عجباك و حسيت ان هي دي اللي ممكن تكمل حياتك معاها و تسيب الدنيا علشانها ماكونتش فكرت في مبدأ السن دا خالص
لكن نصيحتي لك لا تقابلها و لا تكلمها اصلا تاني لو هي طلبت منك انها تكلمك او تقابلك
بالنسبة لموضوع ذكر الاولاد وسؤالهم عن سبب ذكر فرق السن وكدة ... انا على ما اتذكر جدتى كانت أكبر من جدى للاب بحوالى 4 سنوات والله أعلم .
ومعرفشى تفاصيل الموضوع ده حتى الآن ... ومعرفتش المعلومة دى الا بعد وفاتهم بسنين كمان وعمرى ما أخدت بالى ولا لاحظت حاجة خالص .
يمكن علشان توفاهم الله من زمان ... المهم يعنى عمره ما هيكون السن هو المقياس الأساسى لاختيار شريك الحياة .
بس ده فى حالة التوافق الفكرى والعاطفى للشخصين معأً ... وبدون تدخل اراء خارجية أوعائلية .
أولا حمدا لله على السلامة .. و فرصة سعيدة انى شفتك فى الزقازيق.
ثانيا: موضوع السن ده أنا شايفه عادى .. بس أنا مش مستريح لحاجتين:
- ان اختها قالت سن غير سنها و على هذا الأساس انت دخلت البيت.
- انها هى اللى تتصل بيك .. بصراحة جريئة انها تكلمك بعد مقابلة واحدة.
و ربنا يوفقك لما فيه الخير.