ممكن حد يساعدنى بأى معلومة عن فيات بونتو

**juju** · 23-05-2011 12:06 PM

كشفت عليها فى البنزينة وقالولى الموتور كويس حالته 70% مش عارفة دى كده حاجة حلوة ولا حاجة وحشة ؟؟؟ ها ؟؟ ها؟؟

**Ahmed.Ali** · 23-05-2011 12:35 PM

مجموعه الزارير انا لقيتها عند تاجر استيراد و بيتكلم في 500 جنيه لو حضرتك عاوزها قلي عشان انا عاوز اشتري زرار الفوج بس فا ندخل فيها سوا و نقسمها علي بعض

**juju** · 23-05-2011 02:55 PM

أستاذ أحمد خلى بالك انا سألت ناس زمايلى فى الشغل كان معاهم بونتو بردو قالولى الاستيراد جابوه ب 300 جنية من الحرفين خلى بالك من اللى بيقولك 500 ده

**Ahmed.Ali** · 23-05-2011 03:09 PM

المشاركة الأصلية كتبت بواسطة juju

أستاذ أحمد خلى بالك انا سألت ناس زمايلى فى الشغل كان معاهم بونتو بردو قالولى الاستيراد جابوه ب 300 جنية من الحرفين خلى بالك من اللى بيقولك 500 ده

شكرا يا فندم هو كان سؤال فقط مفصلناش خالص لاني مكنتش مستعجل عليه
بس الحرفيين غاليين جدا في الفيات الوكاله و عزبه شلبي ارخص بكتيييييييير

**fouady** · 23-05-2011 03:22 PM

بظبط كده لحضرتكم اسعار البونتو مش غالية بس فيه ناس بتستهبل مش أكتر وزي ماقلته عزبة شلبي والوكالة وال حرفين ارخص هتلقي ارخص من الارقام اللي بتسمعها ب رقم يخض

**juju** · 23-05-2011 04:46 PM

المشكلة ان انا لا هعرف أروح الوكالة ولا هعرف أروح عزبة شلبى لأن انا لو روحت أكيييييييييييييييييييييد هيضحك عليا هناك :(

**mohmdomar** · 23-05-2011 05:21 PM

المشاركة الأصلية كتبت بواسطة juju

الله يبارك فيكو :)
هى لحد دلوقتى الحمد لله كويسة بس زرار الشباك اللى ناحية السواق مش شغال سألت عليه نعد واحد بتاع قطع غيار فيات قالى لازم نغير الوحدة كلها الزرار مش بيتصلح ...طيب بكام ياعم قالى ب 800 جنية :( من أولها كدة!!!!! يعنى هى العربية حلوة بس واضح فعلا ان قطع غيارها غالية

كان عندي نفس المشكلة في البونتو بس مع الباب اللي جمب السواق.. وكان ماتور الزجاج الكهرباء شغال من غير مشاكل والواضح ان العيب كان من الزرار

بس هو ممكن يتصلح من غير ما تغييره وانا صلحته وهقلك يتصلح ازاي ركزي معايا

روحي لكهربائي يفكلك الوش اللي بيبقي فيه الزرار بتاع الازاز

ورا الزرار دا فيه فيشة داخل فيها كابل.. المشكلة بقا ان الكابل دا مش مسمع في الفيشة كويس فحتخلي الكهربائي يزود اسلاك كهربا عريانة في كل فتحة من فتحات الكابل ..يعني حتبقي زي تطويلة كدا للكابل عشان يسمع في الفيشة والحل دا حيبقي اوفر بكتير من انك تغيريها بواحدة استيراد ويمكن يطلع فيها نفس المشكلة ومصنعية الكهربائي بالكتير 20 جنيه

**mohmdomar** · 23-05-2011 05:24 PM

المشاركة الأصلية كتبت بواسطة juju

كشفت عليها فى البنزينة وقالولى الموتور كويس حالته 70% مش عارفة دى كده حاجة حلوة ولا حاجة وحشة ؟؟؟ ها ؟؟ ها؟؟

كدا كويس وخلي بالك لو الماتور زيرو بيعمل 85% بس

**juju** · 23-05-2011 05:38 PM

شكرا شكرا يا أستاذ محمد هجرب فعلا الموضوع ده يمكن ينفع و كده أوفر بكتيييير أصل الواحد بعد ما بيجيب عربية بيبقى على الجنط زى مابيقولو مش وقت فلوس تانى خاااااااالص

**Moe86** · 23-05-2011 07:31 PM

مبروك و معلش لو فيها تكلفة بسيطة فى الأول , دة عادى فى المستعمل و ان شاء الله تريحك بعد كدة
سألت عن أخر صيانة اتعملت فيها ؟ علشان تبقى عارفة معاد الصيانة الجاية