يجماعه يعني هتكفي ال 400 جرام ؟
وهل النوع كويس ولا لا ؟
والي يشحن اديلو كام مثلا ( عشان ميضحكش عليا ) ؟
وهل فيه نصايح معينه لما اروح للراجل ؟:b4_611::b4_611:
عرض للطباعة
يجماعه يعني هتكفي ال 400 جرام ؟
وهل النوع كويس ولا لا ؟
والي يشحن اديلو كام مثلا ( عشان ميضحكش عليا ) ؟
وهل فيه نصايح معينه لما اروح للراجل ؟:b4_611::b4_611:
انا انشأ الله هادلكم على المفيد بحكم مهنتى فى مجال التبريد والتكييف الفريون ال12 ده للعربيات موديلات قديمه ماقبل سنه 95 بعد كده الفريون بقى فريون 134 وماينفعش نشحن عربيه مكتوب عليها 134 بفريون 12 ولا العكس لان كل دائره فريون فى العربيه مصممه على الفريون اللى بتشغل عليه وكذلك الكمبريسور بتاع التكييف بيبقى جواه زيت على حسب نوع الفريون وبيتفاعل مع الفريون الغريب ولكن فريون 12 مضر بطبقه الاوزن ونزل بديل جديد لل12 اللى هو فريون 406 ويمكن شحن دائره الفريون التى تعمل بفريون 12 بفريون 406 والعكس ولايمكن شحن دائره تكييف تعمل بغاز 134 بكلا من النوعين ولا العكس ولكن فريون 406 ابطئ فى تحقيق درجات الحراره بدرجه غير ملحوظه عن فريون 12
ومن احسن الانواع الموجوده فى السوق 1-harb امريكى 2- rip انجليزى 3- sova اتحاد اوربى 4- اخوان رزق و بلاش الصينى والهندى
طب انا هاسألك سؤال انت بتحس بتبريد لما بتشغل التكييف حتى ولو بسيط لو الاجابه نعم يبقى الاسطوانه اللى انت جبتها هاتكفى ولو الاجابه لا يبقى مش هاتكفى وبيبقى مكتوب على صدر العربيه لما تفتح الكبوت نوع الفريون والكميه باجرام وبعدين لو الصانيعى اللى بيشتغل هايشحن فريون فقط يبقى من 120 ل 150 جنيه كفايه اوى بس اهم من شحن الفريون الكشف على التسريب يعنى ممكن يشحن النهارده وبكره مافيش تكييف لأ ن الفريون اللى شحنه اتسرب
و النوع اللى انت جبته اسمه تبريجاز ده نوع برده كويس مش وحش
أشكرك على ردك المحترم واهتمامك
هو فعلا لما بفتح التكييف بحس بحبة فريون يعني عارف اخر ( توت ) زي ما بيقولو
بالنسبه للسربتنينه فانا فاكر ان كان مكتوب عليها r12 لكن كام جرام مش فاكر بالظبط
بس 120 في الشحن ده كتير اوي ؟ دي الاسطوانه انا الي جايبها ؟ ده اخرو 40 جنيه يوم ما يعمل فيها شغل ويلحم خراطيم وبتاع
امال لو فيه تسريب وعاوزين نلحم مسورة او نغيرها هياخد كام ؟
انا هروح بكره ان شاء الله واقولكم حصل ايه
120 ده لو هايدور على التسريب اما لو مكشفش على التسريب يبقى كفايه عليه 70 جنيه ويبقى مش صانيعى واحتمال يفك جزء من التابلوه من تحت ويكشف وعلى فكره ديه الاسعار دلوقتى
لو هيشحن بس ياخد 20 جنيه فل قوى
طيب ياجماعه انا عندي فريون لكن العدسه الزجاجيه بشوف فيها رغاوي كتير مش ده معناه ان الفريون ناقص شويه؟
انا لو عايز اروح لحد يزودهولي لحد اما تختفي الرغاوي دي
ده يتكلف قد ايه؟
علما ان الفريون عندي 134
انا المراكبي اللي في جسر السويس قريب مني حد يعرف تكلفة تزويد الشحن؟؟
ولو اتزود 134 من نوع مختلف عن اللي في العربية هل في مشكله؟؟
تحياتي