r12=r406a
ولا يساوى نهائى r134a
عرض للطباعة
r12=r406a
ولا يساوى نهائى r134a
صديقى العزيز :))) الفريون لا يضاف و مش بيتزود :))) يعنى بيتفضى كلة ويتسحب فاكيوم ويتحط زيت وبعدين بيتشحن تانى لحد ضغط 28 :))))
طالما المقياس قل يبقى فى مشكلة او تنفيس راجع على الانابيب و كبس الكمبريسور
مهما طال عمر السياره والتكييف الفريون مش يجراله اى حاجه وما يحصلش انتقال من الدايره الى الهواء الخارجى الا لو حصل تسريب فى دائره التكيييف ولازم التسريب يتعالج الاول وبعدين نشحن فريون من جديد ومش شرط يتزود زيت الا لو حصل تسريب للزيت وممكن الفريون يتزود عادى خالص ويتزود بأى ماركه على ماركه تانيه طالما انه من فصيله واحده اللى هيه r134
أنا شحنت يجماعه والسربنتينه اخدت 750 جرام هو فضه منها حبه لان الفريون الي جوه خلاص مبقاش في حالتو الغازيه السليمه وحب يفحص
المهم شيك على دورة التكيف والتبريد والمروحه كانت بتشتغل اتوماتك ومفيش تسريب
لكن ظهرتلي مشاكل ( هو الطبيعي ان العربيه تعلى لما اشغل التكييف يعني تبقى واحد او فوقيه بشرطه او اتنين صح ؟ ) ولما اطفيه العربيه بتوطى ( فجربت اطفيه وافتحو اكتر من مره لحد ما العربيه فضلت واطيه حتى وانا فاتحو - لدرجة انها بطلت ) فهل في نظام معين لتشغيل أفضل؟
هو انا الي اعرفو ان السربنتينه نفسها المفروض لما تشتغل بتفتح مع الكربراتير الباب اكتر بحيث تزود البنزين فالطبيعي العربيه تعلى صح كده ؟
والحراره طبعا الطبيعي فالكرسيدا ان مفيش حرارة ولو حر موت الربع او التلت بالكتير اوي طيب -لكن مع التكييف والحر بتبقى عالنص هل ده تمام ولا بلاها تكييف احسن ؟
مستني رأي حضراتكم
طبيعي ان مع تشغيل التكييف العربيت تعلي شويه علشان تعوض حمل التكييف بيكون من150 ل 200 rpm زياده عن الطبيعي بتعها من غير تكييف ده علي السلانسيه .
اما الحراره فمش عارف الحقيقه لان انا عندي حر شتا تكييف من غير ثابته علي النص تقريبا بس انا مش شايل الثرموثتات الداخلي بنتاع كوعه الميه
نستني رأي الخبراء في الموضوع ده لان المنطقي ان الحراره تزيد علشان زياده RPM العربيه لكن برده ساعات ناس بتقول الحراره بتنزل علشان مروحه التكييف بتدور فتساعد مع مروحه الرادياتير
الحرارة ثابتة وممكن تقل كمان
هي الحراره معقوله ومبتزدش دلوقتي لما زودت ميه خضراء والحركات دي الحراره ثبتت مع التكييف
لكن التبريد قل دي مبقلهاش يوم ؟؟ ده اكيد تسريب مش كده ؟؟ لان امبارح كانت برودة الهواء كويسه ساقعه يعني دلوقتي عاديه يعني ؟؟ هل ده طبيعي ؟
وكمان لما افتحو انا سعات بقول يعم نفض واروح قافلو واغير رأي وارجع افتحو ( يعني كل شويه اقفل وافتح ) والعربيه تعلى وتوطى مش ده غلط ؟ هل لما افتحو لازم اسيبو فترة معينه بعدين اقفلو ؟
انا عارف أسألتي كتير يجماعه انا اسف لكن القديم انتو عارفين ليه نظام فكل حاجه ولو حد دخل عالموضوع ممكن يلاقي معلومات ويستفيد
اعتقد ان لازم تكشف على تسريب والاهم تقيس كفاءة كبس الكمبريسور ممكن يكون ضعيف او الكمبريسور نفسة بسرب ....