الموضوع: لو هركب فلتر رياضي!!!!!!

المشاركة الأصلية كتبت بواسطة hellboy

الفلتر بيحسن الاداء وبالذات علي السرعات العاليه بيخلي الموتور يتنفس احسن احسن نوع السيموتا والكي اند ان



ربنا يكرمك ياحمد باشا..
انا عندي فكره تانيه ..هجيب فيبرجلاس واعمل بيه مربع ناقص ضلع واحوط بيه علبه الفلتر وافتح فيه للخرطوم واحسب ميل الكبوت في قفلته واشيله من طرف العلبه العلوي -فتحه خرطوم الفرن هوصلها بخرطوم حراري تاخد هوا بارد من تحت علبه زيت الباور وبكده ابقي عزلت الحراره عن الفلتر وزودت منافذ الهوا ,بس افضي شويه واعملها ان شاء الله ,تحياتي.

بلاش تقفل على الفلتر كل ماتسيبلة مساحة اكبر كل لما كان احسن

هقولك على فكرة احسن فك علبة الفلتر خالص وطلعها من مكانها
هتعمل حائط وليكن ستانلس بين الجزء اللى بيركب فية الفلتر وباقى حوض العربية واعزل الحائط دة
كدة انت عملت heat shield بين الفلتر وحوض الموتور
سيب الماسورة اللى من صدر العربية كانت بتوصل هوا لعلبة الفلتر
ركب الفلتر وثبتة فى مكانة وعيش

موضوع الخرطوم الجانبى اللى عايز تعملة بين علبة الفلتر وتسيبة تحت علبة زيت الباور مش هيجيبلك هوا بارد ولا حاجة بالعكس لأنة ورا الرادياتير وسربنتينة التكييف

احسن حاجة زى مابقولك وبكدة هيبقى عندك كل الجزء المحيط بالفلتر يقدر يجمع منة هوا