عايز رأيكم ضروري في مشكلة مكلفة حصلت لي النهارده

**engaass** · 21-05-2011 10:17 AM

المشاركة الأصلية كتبت بواسطة م/محمد

الراجل ده بيقول كلام زي الفل
وان كنت اضيف حاجه ممكن تخلي المخرومه دي استبن باطار داخلي
هتقولي خطر هقولك انا قعدت من غير استبن في ال128-اللي المفروض كل يوم عجله بتاخد تعسيله كده- حوالي 5 شهور لانه اتسرق ومكنتش لاقي وقت اشتري واحد لحد ما بعتها
وعمرها مكسفتني
مشي حالك

اخطر حاجة ان الواحد يمشى من غير استبن لان العربية لو عطلت ممكن تزقها تقطرها انما لو فردة نامت ايه الحل وبيبقى عطل بسيط لكن تاتيره كبير جدا وهو ان العربية مينفعش تتحرك باى شكل من الاشكال

**exact** · 22-05-2011 12:54 PM

فيه حاجة مش واخدين بالكم منها
الاخ الفاضل اللي بيتكلم عن عدم وجود الاستبن لفترة طويلة

في العربيات اللي الاستبن بتاعها بيبقى تحت الشنطة خطر جدا انك تمشي من غيره... ليه؟؟
أنا في السويفت اتعرضت لحادثة...الطريق وقف فجاة في منزل كوبري قليوب وراح واحد بفيرنا لبس فيا من ورا وهو ماشي بسرعة جدا وانا واقف تماما...لدرجة اني من الاندفاع حسيت ان راسي هتطير ولولا ستر ربنا اني كنت رابط الحزام
المهم...اللي حصل ان الخبطة دي خلت الفيرنا دخلت تحت الشنطة عندي ووش الفيرنا بالردياتير والتطييف والكبوت والفوانيس والاكصدام اتشقوا نصين بسبب حلقة الجر اللي بتبقي ملحومة في الشاسية
عندي انا الخساير جت في الاكصدام الخلفى والاستبن اكل الخبطة كلها وكان شبه محشور في مكانه والصاج قافل عليه...فأنا عاوزكم تتخيلوا لو مكانش موجود كان هيبقى ايه الوضع

حذار من رفع الاستبن من مكانه