تنضيف الرشاشات Fuel injectors بعد كام الف ؟

عرض للطباعة

18-05-2011, 05:29 PM
JapRuleZ

تنضيف الرشاشات Fuel injectors بعد كام الف ؟

http://t1.gstatic.com/images?q=tbn:A...lkJ-yQq6v3RSuA

العربية ماشيةدلوقتى فى ال 90,000
بس مفيش كركرة ولا حاجة
فى تأخير سنة فى تدويرة العربية
صديق فى التوكيل قاللى : احنا بنستنى لما الرشاشات تتسد و بعدين بنغيرها
هل سائل التنضيف ده بيتعمل بشكل دورى ولا لو فيه مشكلة ؟
يعنى كل30 60 90

http://t2.gstatic.com/images?q=tbn:A...JGL3Yun3mUVicx

http://www.google.com/imgres?imgurl=...w=1440&bih=777
18-05-2011, 05:46 PM
amazingahmed

مكتوب على الزجاجة أنه كل خمسة الاف كيلو تحط منظف الرشاشات. لكن معتقدش أنك تستعمله غير لما تكون مشيت حبة حلوين بالعربية و بقت قديمة.
خللي بالك أن استعمال منظف الرشاشات كتير ممكن يأثر على دورة البنزين و ياكل الخراطيم.
التأخير في تدوير العربية ممكن يكون من البوجيهات.

حط منظف الرشاشات على 15 لتر بنزين و احرق على الغيارات في مشوار طويل و بعدين غير البوجيهات. و ده هيفرق في أداء العربية.
20-05-2011, 05:23 AM
BLOODY_STONE

ايوا انا كنت عايز برضه اسأل في الموضوع ده .. نحط كل 5000 فوق تفويلة (كده حيبقى متخفف اوي) مش عارف بقي حيبقى تأثيره ايه عالخراطيم
20-05-2011, 05:53 AM
dr.hazem

اقتباس:

المشاركة الأصلية كتبت بواسطة bloody_stone

ايوا انا كنت عايز برضه اسأل في الموضوع ده .. نحط كل 5000 فوق تفويلة (كده حيبقى متخفف اوي) مش عارف بقي حيبقى تأثيره ايه عالخراطيم

اطلاقا ياعزيزي
هو المفروض العلبه معموله عشان تعادل 50 لتر وبالتالي بيبقى اداءها كويس

انا عن نفسي بجيب المنظف الخاص بالكربيراتير وبستخدمه كل 5000 كيلو وبنظف الكربيراتير بالاسبراي كل 10 تقريبا...

تحياتي
20-05-2011, 07:31 AM
a_hmed

اقتباس:

المشاركة الأصلية كتبت بواسطة hm414

انا عن نفسي بجيب المنظف الخاص بالكربيراتير وبستخدمه كل 5000 كيلو وبنظف الكربيراتير بالاسبراي كل 10 تقريبا...

تحياتي

ممكن حضرتك تشرحلى بتعمل ايه فى الكاربرتير بالتفصيل علشان انا عايز انضفه بنفسى

و اسف على المقاطعة لصاحب الموضوع
20-05-2011, 12:51 PM
dr.hazem

اقتباس:

المشاركة الأصلية كتبت بواسطة a_hmed

ممكن حضرتك تشرحلى بتعمل ايه فى الكاربرتير بالتفصيل علشان انا عايز انضفه بنفسى

و اسف على المقاطعة لصاحب الموضوع

ده جزء من كلام بشمهندس سبعاوي لينا

اقتباس:

المشاركة الأصلية كتبت بواسطة sab3aawy

3-تنظيف و تزييت الكابراتبر: احد الافكار المفيدة لأداء المحرك هو تنظيف الكاربراتير من الشوائب وتزييته، استعمل لهذا الغرض منتجين ، احدهما للكاربراتير من الخارج وهو منتج wd40 الغنى عن التعريف ، اقوم بفك العمة ورش كل مفصلات واجزاء الكاربراتير من الخارج اثناء توقف المحرك، اما المنتج الآخر الذى استعمله لتنظيف الكاربراتير من الداخل فهو اضافة البنزين ماركة رابيدو(صناعة مصرية) اقوم بصب قطرات منه مركزة داخل الكاربراتير اثناء تشغيل السيارة لتنظيف وتزييت الأكس والباب
6- تنظيف غرف الاحتراق من الداخل: وده اختراع له مفعول السحر على اداء المحرك، وطريقته بسيطة جدا، باستخدام اضافة بنزين رابيدو التى تحدثنا عنها سابقا، يتم فك البوجيهات واستخدام حقنة لتعبئة كل غرف من الغرف الثلاث حوالى 20-30 مللى لتر من الاضافة المركزة من فتحة البوجيه، يترك لمدة نصف ساعة لكى يذيب الشوائب الموجودة فى غرفة الاحتراق، ثم نقوم بنفض بواقى السائل والشوائب عن طريق تدوير السيارة بالمارش لعدة ثوانى دون تركيب البوجيهات ، ثم يعاد تركيب البوجيهات وتدوير السيارة لعدة دقائق ثم ايقافها ، يفيد هذا الموضوع فى تنضيف اسطح البساتم وحيز الحريق والصبابات وقواعدها من الشوائب، وبالتجربة فان لها مفعول ايجابى غير عادى على نعومة المحرك وعزمه

وانا كنت شرحت لاحد زملائي في منتدى سوزوكي طريقة التنظيف بالاسبراي:

اقتباس:

المشاركة الأصلية كتبت بواسطة hm414

طيب يا كنج
هوا الموضوع كان شرحهولي قبل كده بشمهندس سمير عياد...

قدامك اختيارين
لو البوجيهات جديده,,, يبقى انتا عايز تحافظ عليها
وبالتالي في طريقه ممكن تعملها بس انا مجربتهاش
الاول انك تفك العمه وتفك البوجيهات
وترش زي مقال عادل وتدي مارش تلات مرات بدون بوجيهات
هتلاقي من مكان البوجيهات بيطلع زي دخان اسود ده الطبيعي وده الهباب اللي كان هيلزق عالبوجيهات

او الاختيار التاني لو البوجيهات قديمه وهتتغير فالاسهل انك تنظف وهما جوه او تركب طقم قديم من عندك وتنظف

بالنسبه للعمليه نفسها الموضوع بسيط جدا

انا عن نفسي بحب طريقة انك تكون هتغير البوجيهات....

انتا فكيت العمه
قدامك الكربيراتير له فتحتين وفيه اجزاء متحركه زي بكرة البنزين
هتجيب فوطه نظيفه وحطها جوا الفتحتين
وتجيب الwd40 ترش بيه على بكرة البنزين (يعني الدبليو دي لتنظيف الاجزاء الخارجية فقط)
ده اول خطوة

بعدين شيل الفوطه لفها حوالين الكربيراتير لمنع اي رذاذ انه يوصل للبويه لانه بيسيح اللون...
هتجيب منظف الكربيراتير (ايا كان نوعه وانا عن نفسي بفضل نوع stop وهوا امريكي ولقيته عند واحد ب 20 (لو عايز اجيبهولك..)

العربية حاليا مبطله
هترش جوا الفتحتين دول بعد رج العبوة لحد اما تشوف ان فعلا اللون رجع للون المعدني الاصلي

هتدور العربية (هتغلبك شويه في التدوير لكن استحملها شويه)
اول اما تدور زي ما قال عادل هتديها دوس بنزين من البكره اللي الكربيراتير
(انا بفضل ان العربية تكون سخنه عشان تقرص عالمكنه براحتك خالص بدون خوف)

اقرص عليها شويه لمده دقيقتين وهتلاحظ فعلا الدخان الاسود من الشكمان
والعربية دايره
شد الشفاط شويه للمستوى التاني مثلا
ايدك اليمين فيها المنظف والشمال حطها على بكرة البنزين
هترش شويه والعربية دايره وتزود بنزين من البكره (لان هتلاقي اول مبترش ان العربية هتطفي فعشان كده الشفاط وتزود بنزين)

طبعا العمليه دي هتعملها وتقرص عالماتور وهكذا
لحد امتى؟؟

المفروض حسب ما قرأت انك تخلص ربع او ثلث العبوة (دي نحسبها ازاي معرفش)
لكن الافضل انه لحد اما الدخان الاسود الخارج من الشكمان يختفي....

طيب
كده انتا خلصت تلات ارباع المهمه
فاضلك ربع مقسوم على جزئين

اقفل العمة ومتنساش تنظف فلتر الهوا او تغيره بالمره
ركب العمة عالكربيراتير والعربية كل ده دايره بالشفاط
اركب العربية
رجع الشفاط
خدلك لفتين كده واقرص شويه وحاول تفتح في الماتور سنه
لان القرص هوا اللي بينظف ...

هترجع البيت
يا تركب بوجيهات جديده
ياتطلع اللي جوه تنظفهم وبكده انتا اتممت العمليه

في ملاحظه كمان
البوجيهات ممكن تسيبهم بس اللفتين تلف كويس وتقرص كويس هيتنضفوا لوحدهم وهتطلعهم المفروض متلاقيش عليهم هباب اسود اطلاقا....

ملاحظه كمان

نفترض ان العربية طفت منك وانتا بترش وهيا دايره
ده عادي جدا
اصبر شويه وجرب تدور من غير متديها بنزين واصبر عليها يعني ممكن متدورش من اول مره كل ده طبيعي لان البوجيهات ساعتها بتكون في حاله يرثى لها فعلا,,,,

بس ياباشا كده العمليه واضحه وان شاء الله لو عملتها قريب ابقى اصورهالكم بالفيديو....

تحياتي للجميع

الخلاصه
منظف رابيدو كل 5-10 آلاف مع تفويلة البنزين تدلق الزجاجه في التنك
تعمل بالاسبراي بالطريقه المشروحه
ممكن تنظف وش البستم بطريقه من اتنين
اما حقنه وتفك كل بوجيه وتحط حوالي 20-30 مل وتستنى نص ساعه وتفتح المارش تلت مرات لطرد الاوساخ وبعدها تركب البوجيهات وتدور وتحرق عالغيارات ودي طريقه بعتبرها طويله
الطريقه التانيه بنفس منظف الكربيراتير تدي رشه لمده ثانيتين جوه وش السلندر وتركب بوجيهاتك وتعيش

تحياتي
22-05-2011, 12:49 AM
BLOODY_STONE

متابع
22-05-2011, 04:55 AM
a_hmed

@hm414

مش عارف اقولك ايه الصراحة على الشرح الجميل ده بجد شكرا جدا ليك
22-05-2011, 04:56 AM
a_hmed

طيب يا جدعان هى البوجيهات بتتفك ازاى ؟؟ قصدى يعنى ليها مفتاح معين ؟؟ و لما احطها تانى ليها عدلة معينة و اربط جامد اوى ولا ايه النظااام ؟؟
22-05-2011, 05:34 AM
dr.hazem

اقتباس:

المشاركة الأصلية كتبت بواسطة a_hmed

@hm414

مش عارف اقولك ايه الصراحة على الشرح الجميل ده بجد شكرا جدا ليك

welcome

اقتباس:

المشاركة الأصلية كتبت بواسطة a_hmed

طيب يا جدعان هى البوجيهات بتتفك ازاى ؟؟ قصدى يعنى ليها مفتاح معين ؟؟ و لما احطها تانى ليها عدلة معينة و اربط جامد اوى ولا ايه النظااام ؟؟

ليها مفتاح خاص
غالبا بيبقى 16 بس مفتاح خاص وبيتباع لوحده
ولما بتربطهم بتربطهم بايدك لحد اما تدقر وبعدها بالمفتاح تلفهم ربع لفه وخلاص على كده

المفتاح بيحطهم بعدلتهم

تحياتي
22-05-2011, 05:46 AM
dr.hazem

شوف ده

YouTube - ‪Spark Plug Replacement‬&rlm;
22-05-2011, 11:38 PM
a_hmed

:16::16::16: بس الموضوع طلع كبير
24-05-2011, 10:00 PM
kolieb

بانسبه للرشاشات يفضل عدم وضع محاليل اتنظيف الا بعد وضع السياره علي جهاز كشف العطال لأن ممكن العيب يكون من أحد الحساسات و ليس من الرشاشات و كذلك يجب تغيير البوجيهات كل 10000 كم و كذلك فلتر البنزين