يا جدعان ياريت حد يحط صور عشان نبقى متابعين معاكم
عرض للطباعة
يا جدعان ياريت حد يحط صور عشان نبقى متابعين معاكم
السلام عليييييييييييكووووووووووو ووو !!! :)))
أسمحولي أشارك !!
طيب شكراً :)))
أنا أصلاً حشتغل في الموضوع ده أهو !! :))
أن شاء الله الموضوع حعمله بطريقة مختلفة شوية !!
بمعنى ،، أني مش حجيب شريحه نحاس كاملة ،،
لا،، أنا حجيب "بكسلوين مخرم" كان أخونا هنا في المنتدى "ميسو أليكس" قالي عليه،، و حقطعه بحيث يتناسب مع الفجوات بتاعت الفانوس بتاعي "شاهين"
خاصةً الأشارة و هكذا !!
شوفو اللينك ده !!
https://fbcdn-sphotos-a.akamaihd.net..._7178832_n.jpg
دي نفس الصورة بالرسومات !!
اللون الأخضر هو لون الكابسلوين !! :)) و النقط دي أما صفراء للأشارة ،، و اما حمراء "اعزكم الله :))) " للفرامل و الضوء العادي ،،
اما الريفيرس ،، صراحةً مش عارف أعملها ليدات ولا لا ؟؟؟
بس ضاربة في دماغي آجي في اللمبة دي ،، و أرشقها ليدات بيضاء سوبر برايت !! :)) "ان شاء الله يعني"
اما عن العكس !!
فواجهتني نفس المشكلة ،ن و مش عايز أقولكم أد ايه أحبطتني ،، لدرجة أني بطلت تفكير في الموضوع بسببها !!
لأني كنت ناوي أجيب الأسبراي الفضي الميتاليك ده و أرشه على البكسلوين نفسه !! و لكن قريت انه مش بيعكس اوي زي الناس مهيا متخيله كده !! ،، بابايا قالي سهلة خاالص ،،
جيب فرخ ورق سيلوفان ،، و لزقه على البكسولين ،، و كده كده و أنت بتعشق الييدات خرمه بدبوس ولا حتى برجل الليد نفسها،، و ان شاء الله حيعكس معااك !!
ان شاء الله حنزل أشتري الأدوات دي بكره ،، بعد ماخد المقاسات بتاعت تجوييف الفانوس نفسه !! بحيث اني أشيل اللمبة ،، و أستغل مساحتها للبكسولين ده !! و أطلع منه الفرعتين بتوع الكهربا أدخلهم على الدويل و خلاص :)))
أسيبكم مع الصورة المرسومة
و أعذروني في ردائة الرسمة
http://img233.imageshack.us/img233/8...4685114526.jpg
ممكن يجي حد يقولي ،، طيب و أيه الفرق
أنا أقولكم ،، الفرق أني مش حعمل الدايرة كاملة لكه على بعض ،، و مش حشتري حاجة ولا حغير حاجة في الفانوس الأصلي بتاعي ،، و يوم لا قدر الله ميلبس فيا حد من ورا ،، مش حزعل على تمن باغة أكريليك ،، ولا عواكس داخلية طلعت عييني على بال معملتها عمولة !!
و مش حعمل تقسيمة نور للدايرة ككل ،، لالا ،، انا كل دويل للمبة ،، حاخده و أوصله على الدخل و الخرج بتاع كل بكسولينه على حدى !! :)
طيب بصو بقي اديكم حل بس تدعولي
ويله كله ثواب
هههههههههههه
عارفين الراجل المور اللي موجود علي باب كل محطه مترو وعلي الرصيف في كل شارع رائيسي
ايوه بتاع الصيني هتلاقو عنده كشاف صغير وراكب جواه عاكس ايوه
اللمبه راكبه ليد وحواليها العاكس اللي انتم عايزينه
يعني بكل سهوله الكشاف بي 50 قرش وكمان ليد 1.5 فولت
http://www.labsafety.com/images/xl/C...w144552_02.jpg
ياريت يا جماعه اللي اشترا الاسبراي ال زي النيكل ده يرشلنا اي حاجه صغيره كده نشوف شكله.....بعد اذنكم يعني
ياباشا 0.8 ايه انا بخرم ب 0.5 او 0.3 كمان 0.8 دا كبير اوى على الشغل دا
والشنيور العادى مش هينفع فى الحاجت دى يا تجيب دريمل وطبعا مش عشان البورد بس بتاع حاجات كتير اوى
او الشنيور بتاع البورد اليدوى ودا بيعمل 15 جنيه فى باب اللوق وطبعا مش عايز اقولك الفرق بين الوقت والمجهود
هيا الباغة الاكريليك بكام للشاهين ؟
وخد بالك وانت بتوصل كعب الدويل من الموجب والسالب اما الليد موجودة عند زيتون فى فيكتوريا نوع كويس وسعره حلو احمر 13 قرش ازرق 18 قرش ابيض 20 قرش بس لو اقل من 100 ممكن يحسبهولك ب 20 او 25 قرش والمقاومة بحوالى 5 قروش او اقل اه وحاجة تانية قاللى عليها ميسو ودعيتله اشترى سن مكواه جوت يابانى ب 5 جنيه وركبه فى المكواه بتاعتك هتبقى حكاية ومتنساش بجنيه راجينة
سبقتك يا باشا بس مفيش ب 50 قرش انا اصلا بشتغل فى حاجات زى دى بس المقاسات الاكبر سالت المستورد على النوع الرخيص ده اقل سعر ليه جنيه فى الجملة وبيكون فيه 3 حجارة ساعة ولمبة ليد انما طبعا كتير قوى جنيه لكل لمبة انا عن نفسى بحاول اوصل ان اللمبة والعاكس والمقاومة ب 25 قرش وعليهم عربية هدية
انا من اسكندرية !
هوا ايه الشنيور ابو 15 جنيه ده ممكن معلومات اكتر عنه