أيه أنسب جانط لكيا بيكانتو 2009

**graffittiii** · 24-05-2011 04:36 AM

نصيحة ياباشا أنت راكب عربية خفيفة وهتشباك و (( كوري )) ... السرعات دي مش للبيكانتو خالص ...
حضرتك بتقول مدام العداد 180 يبقي نجيب نمشي علي 160 أنا معاك بس بردو دي مش عربية جولف ..
لو حضرتك بتسافر كتير وبتحب الجري الأحسن هات عربية أكبر وأكثر ثباتا ...لكن مع البيكانتو الأفضل ماتعديش ال 130 لان كمان فراملها مش اللي هتلم العربية معاك علي السرعات دي ..
دي نصيحة من أخ وليست تقييم للبيكانتو ...

**to3ilab** · 25-05-2011 02:28 AM

همممممممممممممممم يعنى رأيكم ان العربية حتى لو اتعدلت مش هاتثبت ؟؟؟

عموماً انا شاكر جداً لنصائحكم الغالية وده إن دل على شئ إنما يدل على مدى الحب والأخوة المتبادلة بيننا

**graffittiii** · 25-05-2011 02:36 AM

المشاركة الأصلية كتبت بواسطة to3ilab

همممممممممممممممم يعنى رأيكم ان العربية حتى لو اتعدلت مش هاتثبت ؟؟؟

عموماً انا شاكر جداً لنصائحكم الغالية وده إن دل على شئ إنما يدل على مدى الحب والأخوة المتبادلة بيننا

هتثبت طبعا يباشا لكن مش عند 170 كم وكمان مش هتثبت بالصورة اللي انت متخيلها ...

**GhostFace** · 25-05-2011 05:24 AM

المشاركة الأصلية كتبت بواسطة to3ilab

همممممممممممممممم يعنى رأيكم ان العربية حتى لو اتعدلت مش هاتثبت ؟؟؟

عموماً انا شاكر جداً لنصائحكم الغالية وده إن دل على شئ إنما يدل على مدى الحب والأخوة المتبادلة بيننا

هى ان شاء الله هتثبت بس مش هى دى المشكلة

المشكلة انك هتعدل حاجة على حساب حاجة تانية

يعنى مثلا لو فكرت تركب جنوط اكبر هتزود الثبات بس هتأثر على العفشة ( مساعدين و بارات دريكسيون و المقصات و جلبها ) بالاضافة الى علبة الدركسيون لان وزن الجنط الرياضى بيبقى اثقل من العادى فبيحمل على جميع اجزاء العفشة
يعنى لو هتعمل صيانة للعفشة كل 50000 الف كيلو هتعملها كل 25-30 حسب ظروف القيادة و الطريق

ممكن حضرتك تعمل بنصيحة الاخ a.saad و تروح ابو رواش و تراجع زوايا و ترصيص و تبص على العفشة كلها

وزى ما قالوا لحضرتك فعلا العربية البيكانتو مش للجرى لان وزنها خفيف و هاتش باك يعنى الايرودينمكس مش حلوة اوى و كمان عرضها صغير نسبيا يعنى اخرها 100-130

لو حضرتك مصمم تغير الجنوط ممكن تجيب نوع من الجنوط اسمه light weight وده موجود منه انواع كتير زى BBS, Enkei بس دول بيبقوا غاليين شوية بس مش بياثروا على العفشة

او تجيب نفس مقاس الكوتش اللى عند حضرتك بس اعرض شوية يعنى مثلا لو الكوتش الحالى

175/45/14

حضرتك ممكن تجيب
175/40/14

وربنا يوفقك ان شاء الله