رابطة مالكي وعشاق التمبرا (الجزء الخامس)

**zago** · 14-07-2011 04:56 PM

طيب كويس
ظبطيه بقى سندوتشين وازازه حاجه ساقعه
الا هو مفيش واحد تاني قدامك زي استاذ هشام ؟؟ اصل عايز واحد زيه لأختي

**zago** · 14-07-2011 04:59 PM

المشاركة الأصلية كتبت بواسطة nevozaky

استنى هشام لما ييجى علشان انت عارف هيرد هوه عليك .انت عارف بيعزك اوى اد ايه ههههههههههههههه
وانت بتهدى النفوس كده

ده انا غلباااااااااااااااااان

**nevozaky** · 14-07-2011 05:01 PM

المشاركة الأصلية كتبت بواسطة zago

طيب كويس
ظبطيه بقى سندوتشين وازازه حاجه ساقعه

الا هو مفيش واحد تاني قدامك زي استاذ هشام ؟؟ اصل عايز واحد زيه لأختي

تفتكر بذمتك هشام فى منه اتنين .
ما اعتقدش .
يا سيدى ربنا يوعدها بالاحسن كمان .

**zago** · 14-07-2011 05:09 PM

لا والله مفيش ربنا يباركلك فيه

وانا برضو مفيش مني اتنين والدليل ان الدنيا مخربتش اهي ماشيه زي الفل هههههههههه

**nevozaky** · 14-07-2011 05:12 PM

المشاركة الأصلية كتبت بواسطة zago

لا والله مفيش ربنا يباركلك فيه

وانا برضو مفيش مني اتنين والدليل ان الدنيا مخربتش اهي ماشيه زي الفل هههههههههه

ههههههههههههههههههه.
ربنا كريم وعمره ما بيعمل حاجة وحشة ابدا .كفاية واحد .
لا بجد ربنا يكرمك وكتر خيرك على تعبك وذوقك بجد .

**zago** · 14-07-2011 05:17 PM

المشاركة الأصلية كتبت بواسطة nevozaky

ربنا كريم وعمره ما بيعمل حاجة وحشة ابدا .كفاية واحد .
.

[img3]http://www.nileup.com//uploads/images/domain-d5ee662d38.jpg[/img3]

ههههههههههههههههههههه

سلام علشان مروح
اشوفكم باليل ان شاء الله

**heshamzaky** · 14-07-2011 11:25 PM

المشاركة الأصلية كتبت بواسطة zago

ولا يهمك
مبروك مقدما
بس بصراحه عندي سؤال .....
لما يبقى الواحد عنده عربيه وياخد عربيه المدام مش يبقى اسمه استغلال برضو ولا انا بيتهيألي ؟؟؟
ده غير انه واخد العربيه الشبابيه
يعني دلوقتي ماشي يعمل غرز ويأمرك ويفوت بالعجل والحركات دي
ههههههههههه
خلاص بقى معلش
صلوا عالنبي
ههههههههههههههههه

حبيبى يا فاعل الخير و الثواب . هههههههههههههههه
تسلم يا معلم بجد الف شكر يا وسام سحلتك النهاردة يا باشا مردودة لك فى الافراح يا باشا
أنا بقى يا عم مكنتش رايح أتفسح كنت فى العزبة بجيب حاجة للعربية التيبو و شوفت العجب شوفت محل يا وسام من الى على الشمال حلو المخزن بتاعة فى الدور التالث فى نفس العمارة فوق السطوح هههههههه فى الشمس بضاعة و لا تتاخد خردة ممكن تستلقط حاجة ترميها أحسن و الاعجب مربين معيز و فراخ فوق السطوح بيعششو فوق حاجات العربيات ههههههههههههههههههههههههه ههههههههههه

**heshamzaky** · 14-07-2011 11:28 PM

المشاركة الأصلية كتبت بواسطة zago

طيب كويس
ظبطيه بقى سندوتشين وازازه حاجه ساقعه

الا هو مفيش واحد تاني قدامك زي استاذ هشام ؟؟ اصل عايز واحد زيه لأختي

يا باشا شهادة أعتز بيها يا كبير كتر الف خيرك يا باشا
و شربت 2 لتر بيبسى لما رجعت هههههه

المشاركة الأصلية كتبت بواسطة zago

لا والله مفيش ربنا يباركلك فيه

وانا برضو مفيش مني اتنين والدليل ان الدنيا مخربتش اهي ماشيه زي الفل هههههههههه

أنا لو كان فية منك أتنين كانت الحياة تبقى عجب هههههههههههههههههههههههه

**zago** · 14-07-2011 11:29 PM

مساء الخير
احب قبل ما اتكلم ادعي للناس الغايبه وبقالها فتره منفضه ان عربياتهم تشطب بنزين وهم على الدائري

بس يكونوا قريبين من البنزينه

لكن معهومش لا جركن ولا أزازه فاضيه
اما بعد ...

حضرات الساده والسيدات
الاخوه والاخوات
الاباء والابناء
واللي يحب النبي يصلى عليه
المهم ...
امبارح وانا رايح اجيب طربه حشيش من الهرم
قصدي ورق العازل بتاع سيدكم وتاج راسكم هشام بيه
والطريق على شارع الهرم كان حلو ورايق وفاضييييييييي لدرجه اني كنت ماشي أول مارشدير
سمعت صوت الموتور كأن بسلامته مافيهوش زيت
طبعا وزي اي واحد عاقل
عليت صوت الكاسيت وقلت طظ
ورجعت البيت والكاسيت زي الفل
اغنيه رامي صبري ...

ومهما ببعد قلبي انا ويااااااااااااك ... حبيبي عليييييييييييك ... يطمني
من اللي فيا عينيا خلاص شايفاااااااااااك .. وحاسس بييييييييييييك ... بتلمسنييييييييي

والنهارده قبل ما اروح الشغل ...
قلت ابص على الزيت
فتحت الكبوت
طلعت مقياس الزيت ....
يا للهول

الزيت عليه مظبوط بس ميه
ميه بجد
مفيش لزوجه نهائي

طبعا زي اي حد عاقل
رجعت كل حاجه مكانها ودورت العربيه وروحت الشغل
وشغلت الكاسيت ....

......

ومهما ببعد قلبي انا ويااااااااااااك ... حبيبي عليييييييييييك ... يطمني
من اللي فيا عينيا خلاص شايفاااااااااااك .. وحاسس بييييييييييييك ... بتلمسنييييييييي

بعد مشوار الشغل اللي هو حوالي 150 كيلو يتخللهم مراعي خضراء وصحاري جرداء
وبعد ما رجعت البيت

قولت اخلي عندي دم واغير زيت

( حد خد باله من الوزن والقافيه بين كلمه بيت وزيت في السطرين اللي فاتوا ؟ )

جنب البيت لمن لا يعلم فتح موزع معتمد لزيت ....

كاسترول

كنت سالت عنده قبل كده انا وخالد برافا بس خالد بيه كان بيسأل على التخليقي محسسني انه راكب عربيه بجد
ما علينا

نزلت للمحل
قولتله اديني 4 كيلو زيت بس نقيهم من وش القفص
ههههههههه

نزلت المحل ركنت قدام الباب ودخلت
هم اتنين شغالين في المحل
الاتنين انضف من بعض بسم الله ما شاء الله ولا كأنك داخل محل في نيويورك المحطه
لا بجد شكلهم نضيف وولاد ناس وحاجه تفرح كده
دخلت قلت السلام عليكم
عايزك تكتبلي ورقه فيها اسم الزيت وبيقعد كام كيلو وسعره واي ملاحظه
الراجل تفضل مشكور وقام وشرحلي قصه حياه كل زيت
بشكل حلو وممتاز
وقاللي انهم بيطبعوا ورقه بالمواصفات
فطبعا قلتله اني عايز اغير زيت للمرسيدس بتاعتي اللي واقفه بره
المهم غيرت الزيت وحطيت كاسترول gtx وده معدني بيقعد 5000 كيلو وب 115 جنيه شامل التغيير طبعا
بجد يا جماعه بسم الله ما شاء الله انا اول مره في حياتي اشوف محل زيت مجهز بالنظافه دي
مش حعرف اوصف لازم تشوفو الراجل غير زيت ازاي
وطبعا قلت للراجل التاني انت تعرف موقع عربيات اسمه نايل موتورز ؟؟؟ قاللي معرفش المواقع الواقعه دي
هههههههههه
بهزر
قال يعرفه
فقلتله ابقى خش سلم على الناس اللي فيه
( بس بأسلوب حلو طبعا )
الصور في المشاركه الجايه

نصيحه
اللي عايز يغير زيت يضرب مشوار للمعادي ويجيبلي بيبسي
مفيش حاجه عندي ببلاش
تجيب البيبسي اقولك المحل فين
متجبش البيبسي حطلعك شق التعبان واسيبك هناك

**heshamzaky** · 14-07-2011 11:35 PM

هههههههههههههههههههه يا عم وسام الله يهديك هههههههههههههههههههههههه
سيد الناس مين بس يا عم الناس حا تضربنى بالبيض و الطماطم حرام عليك هههههههه.
قولى الزيت دة سمعت أنة حلو فعلا المرة الجاية أن شاء الله أجربة و بكام التخليقى الى خالد سأل علية دة