رابطة مالكي وعشاق التمبرا (الجزء الخامس)

**BIG** · 04-10-2011 02:23 AM

لوسمحتم كنت عايز اعرف ازاي اضيف صور مع الكلام وبعدين عايز اعرف ازاي اشارك في الرد علي سبيل المثال بلاقي مكتوب المشاركه الاصليه كتبت بواسطه bigوبعدين رد احد الاعضاء ازاي اعمل كده عند الرد بالمشاركه وربنا يخلي التمبراويه لبعض

**BIG** · 04-10-2011 02:31 AM

محدش يعرف موقع يكون فيه صور حلوه للتمبرا

**JUVENTUS** · 04-10-2011 02:34 AM

المشاركة الأصلية كتبت بواسطة BIG

لوسمحتم كنت عايز اعرف ازاي اضيف صور مع الكلام وبعدين عايز اعرف ازاي اشارك في الرد علي سبيل المثال بلاقي مكتوب المشاركه الاصليه كتبت بواسطه bigوبعدين رد احد الاعضاء ازاي اعمل كده عند الرد بالمشاركه وربنا يخلي التمبراويه لبعض

بالنسبة لرفع الصور شوف اللينك ده انا كن شارح القصة فيه
http://www.nilemotors.net/Nile/3873598716-post2249.html

بالنسبة للرد على مشاركة (ما يسمى بالاقتباس) هتلاقي في اي مشاركة من المشاركات اللي بتتكتب تحت على الشمال كلمة اقتباس دوس عليها و هتطلع صفحة فيها المشاركة دي و انت اكتب تحتها اللي انت عايزه

**mammet80** · 04-10-2011 03:06 AM

السلام عليكم جميعا
انا من ملاك التمبرا والحمدلله العربيه مريحانى جدا هى موديل 94 اخر الايطالى فبريكة دواخل وموتورها ممتاز وماسكه نفسها وسافرت بيها اسكندرية وثابته وواسعه بس هى محتاجهمكنه باور وكاوتش الشنطه والابواب و التكييف محتاج حوالى 800 جنيه اصلاح وومكن سمكره ودوكو مع انها مش ضرورى ..... مشكلتى ان شاء الله هيكون معايه حوالى 25 الف جنيه كمان شهر تقريبا بفكر اغيرها لان مش عارف ممكن اعرف ادبر مبلغ تانى زى ده ولا لا ومحتار بين النترا او سيراتو 2005 او 2007 او بونتو كلاسيك زيرو انا بس خايف ان مع مرور الزمن حالة العربيه تتدهور والله انا محتار جدا بالله عليكم قولولى ايه رأ يكم ......؟

**JUVENTUS** · 04-10-2011 03:17 AM

المشاركة الأصلية كتبت بواسطة mammet80

السلام عليكم جميعا
انا من ملاك التمبرا والحمدلله العربيه مريحانى جدا هى موديل 94 اخر الايطالى فبريكة دواخل وموتورها ممتاز وماسكه نفسها وسافرت بيها اسكندرية وثابته وواسعه بس هى محتاجهمكنه باور وكاوتش الشنطه والابواب و التكييف محتاج حوالى 800 جنيه اصلاح وومكن سمكره ودوكو مع انها مش ضرورى ..... مشكلتى ان شاء الله هيكون معايه حوالى 25 الف جنيه كمان شهر تقريبا بفكر اغيرها لان مش عارف ممكن اعرف ادبر مبلغ تانى زى ده ولا لا ومحتار بين النترا او سيراتو 2005 او 2007 او بونتو كلاسيك زيرو انا بس خايف ان مع مرور الزمن حالة العربيه تتدهور والله انا محتار جدا بالله عليكم قولولى ايه رأ يكم ......؟

انا رأيي طالما العربية مريحة حضرتك و مغطية كل احتياجاتك منها يبقى تغيرها ليه و فعلا اللي معاه تمبرا نضيفة مش بيفرط فيها بسهولة ابدا
و متضمنش كمان العربية المستعملة اللي هتجيبها دي هيبقى نظامها ايه و انت عارف سوق المستعمل في مصر عامل ازاي بالاضافة الى انه زي ما انا فهمت ان حضرتك ممكن تزنق نفسك في الفلوس كمان
الا لو كنت بتغير من باب انك عايز حاجة احدث في الشكل او تكييفها اقوى مثلا ............الخ
و الموضوع راجع ليك في الاخر طبعا
بالنسة للحاجات اللي عايزة تتعمل في العربية
مكنة الباور لو حضرتك تقصد الاسكترا فهي ب 300 جنيه استيراد و لو تقصد الترمبة فهي ب 250
كاوتش الابواب سهل و ممكن تجيبه جديد بالمتر او استيراد طقم ب 100
و التكييف لو شغال بكامل كفاءته بيكون كويس اوي اوي
انا شايفها حاجات مش كبيرة و تتلم باذن الله

**mammet80** · 04-10-2011 03:24 AM

طيب انا متشكر جدا لزوقك يعنى مثلا لو عملت كل التظبيطات دى فيها ممكن تكلفنى حوالى 5 الاف جنيه بالسمكره والدوكو وممكن اظبط كل حاجه فيها تمام بس مع مرور الزمن هل مش هتخزانى لانى مشدود اوى للبونتو والناس بتتكلم عنها كويس خصوصا انى ممكن اجيبها زيرو وانا صدقنى لحد دلوقتى العربيه بقالها 6 شهور مجربتش تكييفها وارجوك هو لو اتصلح بيكون كويس ولا عادى ولا ضعيف

**JUVENTUS** · 04-10-2011 03:41 AM

المشاركة الأصلية كتبت بواسطة mammet80

طيب انا متشكر جدا لزوقك يعنى مثلا لو عملت كل التظبيطات دى فيها ممكن تكلفنى حوالى 5 الاف جنيه بالسمكره والدوكو وممكن اظبط كل حاجه فيها تمام بس مع مرور الزمن هل مش هتخزانى لانى مشدود اوى للبونتو والناس بتتكلم عنها كويس خصوصا انى ممكن اجيبها زيرو وانا صدقنى لحد دلوقتى العربيه بقالها 6 شهور مجربتش تكييفها وارجوك هو لو اتصلح بيكون كويس ولا عادى ولا ضعيف

بص هقولك حاجة انا العربية بقالها معايا 4 سنوات و بحكم التعامل معاها الفترة دي اقدر اقولك انها لما تكون متبظبة و تمام التمام هتريحك جدا جدا و لو فيها مشاكل كتير هتبقا زهقان منها جدا جدا برضو فا لو عملتها صح الصح هتبقى مبسوط منها و مش هتخذلك
بالنسبة للتكييف احب اقولك بصراحة ان تكييف الفيات عموما مش بقوة الكوري و الياباني
انا عندي التكييف لما كان شغال و بكباس استيراد مش جديد التبريد بتاعه الصبح جيد لكن مش ممتاز و بالليل مكنتش اقدر احط ايدي قدام الهواية من كتر البرودة
و كمان بحكم ان العربية موديل 94 فالتكييف ممكن يحتاج صيانة كل سنه او سنتين لان طبعا الخراطيم و السربنتيتة .... الخ بتكون قدمت و بتحتاج تتلحم مثلا او كده
ده رأيي في تكييفها بصراحة و لو حطيت كباس زيرو التبريد هيتحسن عن كده و خصوصا فترة الظهيرة
بالنسة للبونتو طبعا عربية حلوة جدا و طبعا عربية زيرو يعهني هتريحك من الصيانات على الاقل 4 او 5 سنوات لكن التمبرا اقوى كموتور و صاج و كمان اكثر ثبات و خصوصا في السفر و طبعا اسعار قطع غيار رخيصة جدا و منتشرة جديد و استيراد

**heshamzaky** · 04-10-2011 01:29 PM

المشاركة الأصلية كتبت بواسطة big

ياجماعه انا كنت ماشي بالعربيه عادي وبعدين ركنت ولما نزلت ادور لاقيت rbm نزل شرطه عن المعدل الطبيعي له علي السلنسيه وكل ما اجي اطلع تبطل زي ماتكون مخنوقه واعد ازود بنزين وانا طالع علشان متبطلش لغايه ماتسلك وساعات لما تعمل البنط ده بتغيب في الدواره فيا ترى العيب ده سببه ايه ونعالجه ازاى وانا عربيتي انجكشن

أحتمال العيب دة يكون بسبب أن الانجيكشن ابتدى يتعب و يبوظ
بس لو أتكرر الموضوع دة معاك كتير يبقى الافضل تغير الانجيكشن

الموضوع: رابطة مالكي وعشاق التمبرا (الجزء الخامس)

LinkBack

أدوات الموضوع

عرض

-

-

-

المواضيع المتشابهه

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثالث)

رابطة مالكي وعشاق التمبرا (الجزء الثاني)

رابطة مالكي وعشاق التمبرا (الجزء الأول)

الكلمات الدلالية لهذا الموضوع

المفضلات

المفضلات

ضوابط المشاركة