الموضوع: رابطة مالكي وعشاق التمبرا (الجزء الخامس)

المشاركة الأصلية كتبت بواسطة heshamzaky

ههههههههههه حا اقولك لية اليمين دايما هى الى بتعلق يا باشا
بص انت لما وصلت الليدات فى العدادات اخدت لها كهرباء من فين
أغلب الظن محدش بيلحم بقصدير فى البوردة و بيشعر السلك مع الدواية بتاعت اللمبة اليمين لانها اسهل نقطة لتوصيل الكهرباء و بالتالى الفيشة بتتهز بعد شوية من السلك الى متشعر فى اللمبة السفاية الى راكبة فى الدواية فهمت قصدى يا باشا

تمام انا فاهم قصدك عموما انا واخد واصله النور مش من هنا طبعا عشان المكان دا كل شويه يعلق
انا عايز اقول ان اللمبه الاصليه مش الليدات اللى على اليمين بتعلق عند كل الناس عشان عيب فى العدادات طبعا لان مكانها بيسيح وبيبقى معوج فمش بتلمس صح

المشاركة الأصلية كتبت بواسطة heshamzaky

+++++++++1111111111111111
الله ينور عليك كدة صح او اللمبة ذات نفسها مبوشة شوية فى الدواية
دة مش عيب فى العدادات دة بسبب اللعب الكتير الى تيفا بيعملة هههههههههههههههههه

هو شريط الليدات دا لعب فى الضفيره ؟؟؟؟؟؟؟؟؟؟؟؟؟؟
هو كدا بيتسمى لعب !!!!!!!!!!!!!!!!!!!
هو مين هنا مش لاعب ومعدل فى العربيه ومركب شريط ليدات؟

لا دا طبعا عيب عدادات
( نورها وحش جدا حتى لو اللمبات بتاعتها شغاله - اللمبات بتعلق عشان مكانها بيسيح - شكلها وحش جدا- تصميمها اغبى تصميم فى العالم يمكن اغبى من 128 - عشان تفك العدادات لازم تشيل نص التابلوه وتشيل 5 فيش وصباع السرعه - الماتيريال بتاعته زباله)

المشاركة الأصلية كتبت بواسطة heshamzaky

انت جبت منين يا تيفا كلمة ضفيرة طلعها كدة من الكلام المكتوب
تيفا انت بتلعب دايما فى سلوك و كهربة العربية صح و لا غلط
ممكن جدا تكون حاجة لمست كدة و لا كدة هى الى عاملة لك المشكلة
مفيش حد اشتكى من موضوع العدادات غيرك
كلة بيقول اة النور مش زى العربيات الجديدة بس حامة العدادات اية الى وحشة
دى مفروض حاجة مقفولة مش مفتوحة و نعدل فيها و لما نعدل نرجع نشتكى

المشاركة الأصلية كتبت بواسطة heshamzaky

أنا مقولتش انة مش حلو لآ خالص
بقول ان اللعب فى الضفيرة دايما بعد شوية تلاقى حاجة بقت مشعرة و مش متظبطة و دة سبب ان اللمبة ساعات بتتطفى بعد كدة

منا عايز اعرف برده يا جدعان هو حوار تركيب ليدات دا يعتبر لعب فى الضفيره؟؟
انا عمرى ملعبت فى سلوك العربيه ولا جيت جنبها ولا قربت جنب الضفيره
ومعتقدش انى ممكن اعرف العب فى ضفيره العربيه حتى انا مفهمش الخريطه لو شفتها بتاعت السلوك
تغيير اللمبات بليدات دا لعب فى العربيه ؟
تركيب كتاوت دا لعب فى العربيه؟
تركيب لمبه الازاز دا يعتبر لعب فى العربيه؟
"مفيش حد اشتكى من موضوع العدادات غيرك
كلة بيقول اة النور مش زى العربيات الجديدة بس حامة العدادات اية الى وحشة"

احمد يوفنتوس قالى ان اللمبه بتعلق او يمكن بيكون بيشتغلنى
وهو لعب فى العربيه وحط شريط ليدات
وسام بردك النور عنده فيه مشاكل وبرده عيب عدادات
يا استاذ هشام دا عيب صريح وواضح فى التمبرااااااااااااااااااا ااا
والله عيب صناعه
وربنا عيب صناعه
وغلاوه حضرتك عندى عيب صناعه
طب اجيب لحضرتك بيبسى عشان تصدق انه عيب صناعه هههههههههههه

المشاركة الأصلية كتبت بواسطة heshamzaky

هات البيبسى و انا اصدق ههههههههههههه
و انت جاى تجيب معاك 2 لتر مش كانز علشان اشرب براحتى ههههههههههههه ماشى
تيفا راجع على الفيش الى راكبة عندك فى العدادات
قولى اية الى بيهيس معاك تحديدا فى العداد
البنزين و لا الحرارة و لا عداد السرعة

هههههههههه انت تامرنى يا كبير طب وربنا واحشنى وشكلى كدا هعملها واطب على حضرتك على حين غفلتن
كله بقى سليم ماعدا البنزين هيجننى خلاص
بص مش هينفع اشرحلك كدا لازم حضرتك تشوفه
هبقى اعدى عليك ياذن الله
لو حضرتك فاضى ممكن اطب عليك هههههههههه انا سخيف اوى

المشاركة الأصلية كتبت بواسطة eng_tefa

والله يا استاذ هشام انا معجب جدا بالناس دى
فعلا ناس بتفــــــــــهم
انا بخش على منتدى برازيلى ايه دا مش ممكن الناس دى فعلا ليها حق تسبقنا بملايين السنين
كل الناس شغاله وكل الاعضاء فى المنتدى بيبتكروا وبيفكروا وبيعدلوا
انا اتعلمت منهم حاجات كتير حوار الفوانيس الليدات الخلفيه وتغيير لمبات الباب ولسه فى تعديل عايز اعمله واحد عمله مغير مفتاح البنزين بيفتح من جوا العربيه
وفرحانين اوى بالعربيه وبيتباهو باللى عملوه فيها
مش هنا ههههههههههه
هنا الناس بتتباهى انها مكسله تفكر ولا تعمل تعديل صغير
المصريين بيتباهو بكسلهم وانهم مبيحاولوش يفكروا والله واحد صاحبى بيقولى يعم وانا لسه هفكر واغير لمبه الفاونيس انا وديتها لكهربائى عملهالى بقلوس
وكانه بيتباهى انه مبيفكرش وكسول شعب غريب فعلا
وبيبقى فرحااااااااااااااان انه ادى العربيه لواحد صلحهاله
انا ابويا علمنى انى اتباهى بحاجه انا اللى عاملها مش اتباهى انى كسول ومبحاولش افكر

المشكلة مش ف التعديل يا تيفا
كلنا بنعدل وعندنا قابلية التعديل وعدلنا كتير بالفعل
المشكلة ف حالة البيع هتلاقى اللى يقولك " العربية دى مش فبريكة " دي متعدل فيها
مش عارف اية .. دى مش على ابوها .. اتمنى ان ثقافة الشعب المصري ف الفبريكة تتغير
مش كل عربية فبريكة نضيفة وحلوة بالعكس اغلب القديم فبريكة بيكون متبهدل بارومة