الموضوع: رابطة مالكي وعشاق التمبرا (الجزء الخامس)

المشاركة الأصلية كتبت بواسطة zago

لا تكرر اسفك ولا حاجه
ردي على كلامك ....
هات عربيه اوبل تسعينات
او هات بي ام تسعينات
او هات هوندا تمانينات
او جيب تمانينات
حتعرف انك غلطان

وسام اقولك حاجة بجد
هات تمبرا حالتها سليمة من الاول مش ملعوب فيها حا تريحك
تمبرا حالتها وحشة من البداية لا يتم شرائها و الا حا تقرفك فى عيشتك فعلا

أنا قولت لك 1000 مرة الى يبوظ شيل و حط بدالة سليم و ريح نفسك حا تستريح بعدها

المشاركة الأصلية كتبت بواسطة heshamzaky

وسام اقولك حاجة بجد
هات تمبرا حالتها سليمة من الاول مش ملعوب فيها حا تريحك
تمبرا حالتها وحشة من البداية لا يتم شرائها و الا حا تقرفك فى عيشتك فعلا

أنا قولت لك 1000 مرة الى يبوظ شيل و حط بدالة سليم و ريح نفسك حا تستريح بعدها

لا لا لا لا
مع احترامي الكامل يؤسفني اقولك ان اللي عربيتهم حالتها سليمه غيروا نص العربيه برضو
فكر كده كام واحد غير مساعدين وبعديها بكام شهر غيرهم تاني
ومقصات نفس الحوار
وكبالن
وطنابير وتيل الفرامل بيتغير عند معظمنا بشكل سريع غير طبيعي
وكام واحد السكترا عنده بايظه
واخبار عداد الحراره والبنزين ايه ؟


عيب منتج صدقني

نا حنام علشان مفروس
واحب اقول لنفسي
نوم الظالم عباده
نامت عليا حيطه

المشاركة الأصلية كتبت بواسطة zago

نا حنام علشان مفروس
واحب اقول لنفسي
نوم الظالم عباده
نامت عليا حيطه

ههههههههههههههههههههههههه هههههههه لآ لآ بعد الشر يا عم
كلمنى و ابقى قولى الدنيا حا تمشى أزاى
و لو عايز موتور يوم الاتنيت يا عم أروح معاك عند زيدان و نركبة و باذن الله حا يطلع كويس
بس أنا بصراحة مرعوب ليحصل حاجة تلومنى أنى قولتك غير علشان كدة سايبك تعمل الى أنت عاوزة
عايز عمرة اعمل عمرة
عاوز الموتور أنزل معاك و ربك حا يسهلها باذن الله

بعد اذنكم يا جماعة عاوز اعرف عنوان كرلوس الكهربائي فين بالتفصيل الممل ويا ريت رقم تليفونه
وهل ينفع اروحله بعد الشغل على الساعة 8 كده
وهل في حد في دايرة عين شمس بيفهم في الباور عشان بيعمل صوت لما الف الدركسيون

يا وسام ما انا قلتلك عربيتك دي 28 وواضح انك بتفتري على العربية جامد عامة اوعى تعمل عمره دي نصيحتي
الموتور بالش هايكمل سنه بعد العمره هات موتور تاني احسن دي نصيحتي ليك وخدها مني انا كان معايا 28 وعمرتها والموتور باظ بعد اقل من سنه ول لا قدر الله موتوري باظ هاجيب موتور حتى لو هادفع ضعف اللي هادفعه في عمره

السلام عليكم
يا جماعة عندي كام استفسار كده بخصوص عربيتي الجديدة تمبرا موديل 1996 ياريت صدركم يسع لاسألتي

1- انا غسلت العرية في البنزينة يوم الجمعة اللي فاتت و العربية دارت بعدها و كانت بتقطع شوية و بعدين بالليل مكنتش عايزة تدور سيبتها شوية و بعد كده دارت و تاني يوم اللي هو امس السبت دارت الصبح عادي و نزلت بيها مشوار حوالي 40كم ماشية زي الفل و بطلت و دارت و بطلت و دارت و بعدين ساعة كدة و دورت مش عايزة تدور و بعد شوية حوالي ساعة دارت زي الفل علماً بان السيارة كربيراتير و اثناء لما مكنتش بتدور الموبينة مكنتش بطلع كهرباء أيه تفسير ده؟
2 - البور عندما اكسر الدركسيون للأخر بيطلع زيت من الخرطوم بيبخ رزاز زيت لدرجة انه غرقني علماً بأن اللي انا شاري منه العربية لسة مغير طلمبة باور و معايا القديمة؟
3- التكييف تاتش و الرموز اللي جنب الزراير اتشفط منها اربع رموز في مكنسة البنزينة ممكن اجيب غيرها و لا اغير الوش كامل و لا ايه؟
4- العربية بتسخن لحد فوق التسعين بشرطتين و بتفضل سابتة على كده و المروحة بتشتغل وقت فصير و تفصل و لكن الحرارة سابتة فوق التسعين بشرطتين فهل في مشكلة في مكينة الحرارة ام هذا الطبيعي بتاع التمبرا

اسف طولت عليكم و لكن انا لسة جديد مع التمبرا بقالها معايا اسبوع بس

المشاركة الأصلية كتبت بواسطة zago

طيب انا عايز اسال سؤال
يا جماعه اللي في الرابطه
اللي عربيته التمبرا سليمه 100 % يقول
اقطع رداعي لو واحد عربيته سلينه 100 % بالرغم من كميه قطع الغيار والمشاوير المكوكيه لعزبه شلبي
وياريت اللي عربيته سليمه ( ده لو فيه يعني ) يقولنا متوسط استهلاكه اليومي كام كيلو متر

العربيه دي خليتنا عارفين الميكانيكيه والكهربائيه وبتوع قطع الغيار بقوا صحابنا
كرولوس وفاروق كلكم عديتوا عليهم تقريبا
واغلبنا خطر في باله يفتح مركز صيانه
وعارفين مسمار مسمار في العريبيه تقريبا
مع ان مفيناش واحد مهندس ميكانيكا !!!!
ده بيدل على ايه ؟

بجد عارف إحساسك ومقدره جدا...
عموما أنا من رأيى ان التمبرا عربيه بتدى أداء عالى قوى ولكن لفتره قصيره وبعدها بتبدأ تغلبنى أو تاخد منها أداء طبيعى لفتره طويله ...

لكن بكل الأحوال مفيش عربيه من التسعينات هتكون سليمه 100% إطلاقا لكن أقدر أقولك ان رغم انى زيك حافظ العربيه بالمسمار لدرجة لو شفت مسمار واقع فى الشارع هاقولك ده بيركب فين وانى بتيجى عليا أيام باشترى قطع غيار بالعبيط وطبعا لايخفى عليك ان عند كل واحد فينا فى شنطة عربيته علبه عدد وجودها أساسى زى البنزين فى التانك، إلا انى نادرا ما بحتاجها، وتحت السرير مش بعيد تلاقى طنابير قديمة وسوست ومساعدين خربانه إلا انى بحب العربيه دى بمعنى الكلمه ... وأدائها بيسعدنى وبحس بالفخر وانا راكبها وبلاقى نفسى فيها ... بحب جنونها وسرعتها وثباتها ... بحب انها سابقه عصرها
باحب احساس الثقه اللى بتديهولى لما الاقى شاب روش راكب لانسر وحالق راسه زى مؤخرته وعامل فيها فان ديزل وييجى واخد غرزه منى وطاير والاقى ابتسامه خبيثه ظهرت على وشى مع غيار عكسى وهدير الموتور بيوعدنى انه هيندم على عملته السوده دى وانا عارف انه فى خلال ثوانى مش هيقدر يقرا ارقام عربيتى اللى ورا ... ممكن أكون بيتهيألى بس بحس ان فيه كمية أحصنه زياده بتتولد عند المنافسه مع عربيه تانيه :d

شوف انا ولله الحمد معنديش مشاكل كبيرة فى عربيتى بفضل الله الموتور جميل التعليق ممتاز التكييف زى الفل سخن وبارد ولا البانيو بتاع بيتنا .. الفرامل قويه وصيانتها بتنحصر فى تغيير التيل كل 6 شهور لانى مفترى شويتين،
يمكن أكتر حاجه قرفانى فيها هيا كمية الأصوات اللى بتطلع من الرف بتاع السماعات فى المطبات بتعمل موسيقى تصويريه فى المطبات بجد :d

أعتقد ان السبب فى معاناتك هو انك اشتريت عربيه حالتها سيئه وبتطالبها بما يفوق طاقتها وكمان بتشترى قطع غيار مضروبه من اللى فى السوق او مستعمله و دى محدش يقدر يقيمها

تحياتى بجد ولو فى اى حاجه أقدر اساعدك بيها هاكون سعيد :)