الموضوع: رابطة مالكي وعشاق التمبرا (الجزء الخامس)

المشاركة الأصلية كتبت بواسطة sadeksmzh

انا عربيتى كاربيرتير عادى وكنت ماشى بيها ومن قبلها اللادا مع ميكانيكى بقالى سنه ونص مغيرتش ولا مره بوجيهات كل ما كانوا تقطع فى المشى او تطفى اثناء المشى اروح ينظف الكاربيرتير ويظبط الهوا وياخد 10جنيه وشكرا

بس الراجل ده راح مكان بعيد مش عارف اروحله بصراحه كان مظبط اللادا ومن بعدها التمبرا راحت لواحد راح قطع السلك الكهربا بتاع الرنسيه ليه قالى ملوش لزمه وبرضه العربيه بتطفى وانا ماشى وقالى قعده الكاربيرتبر الكاوتش مقطوعه ولازم تتغير سبته اول ما قالى تغير لان كانت ماشيه مع اللااجل القديم ورحت للقديم قلتله لازم اغير القاعده الكاوتش قال لا ظبط الهوا وشكرا ومشيت شهرين زى الفل

اول ما الشتا دخل الدواره تغيب الصبح بس متطفيش خالص بعد كده رات لواحد راح قالى البوجيهات غيتها بngk شمعه واحده ولا نتيجه بل كمان بتفصل وانا ماشى رحت لواحد تانى ظبطها وقالى تانى على الكوتشه طولت عليكم ليا سؤالين

الكاوتشه ب55 جنيه وهى مقطوعه اغيرها يمكن لما الهوا بيدخلها بيفصل العربيه اخر واحد قالى ممكن تسيبها وامشى على كلام الميكانيكى الاصللى بتاع العربيه هل بتفرق ؟؟؟؟؟ هو لما بيضغط على العمه العربيه بتطفى ؟؟

الدواره فى الشتا ملهاش حل انها تبقى بالكونتاك بس زى الصيف يعنى اكبر دماغى واكارك بنزين 20مره مثلا انا ركبتى باظت والله؟؟؟؟

ا.هشام اسمى على الفيس sadek aboans

الكاوتشه دي طبعا تبرجل العربية وتخلي السلانسيه مش مظبوط وتخليها تبطل كمان لو غيرتها ان شاء الله الدنيا هاتتظبط لو هي مقطوعه فعلا

المشاركة الأصلية كتبت بواسطة man_faraway

الحمد لله تم اليوم تركيب الكبالن السامكو والاخ اخد مصناعية 50 جنيه وكان فى لما باخد مطب صوت فى العفشة قالى ده صوت كاوتشة الميزان حطلى عليها زيت وقالى كده قشطة بس بعد الصوت لسه موجود حد يعرف كاوتشة الميزان دى بكام وايه قصتها وفى للتمبرا حاجة مخصوصة ولو صور اباه شاكر ياااااااااااااااااااااا كبير ( الاتش طبعا ملك الصور وكبير التمبراوية )

جبت الكوبلن منين يا باشا و أتمني الرد لأني سألت مرتين قبل كده نفس السؤال و مردتش

المشاركة الأصلية كتبت بواسطة aliit

السلام عليكم ، ازايك ياتمبراويه عاملين ايه ، ازايك يااستاذ هشام ، كنت عاوز اسال على حاجه وهيه انه لو غيرت علبه الشكمان اللى ورا وحطيت بدلها علبه تربو هل هيبقى الصوت عالى اوى لان بتاع الشكمانات قالى دى تعتبر العلبه الكبيره الرئيسيه وهتخلى صوت العربيه عالى فهل دا صحيح وياترى علبه التربو بتعمل كام والعلبه الرئيسيه بتعمل كام ؟

المشاركة الأصلية كتبت بواسطة aliit

هوا ازاى اعرف ان الماتور كويس ولا لا يعنى الكابس بتاعه خفيف ولا مظبوط ؟

المشاركة الأصلية كتبت بواسطة aliit

استاذنا عندى فى العربيه وخصوصا لما تكون بارده الموتور بيبقه فيه راجه فهل دى بتبقى من من قواعد الماتور ولا حاجه تانيه وكمان لما بكون ماشى بالعربيه مثلا واجى اطلع مطب مثلا وبعدين اكمل مشى بالعربيه بيبقى فيه صوت الراجه دى ، ياترى تكون من ايه ؟ وشكرا معلشا هدوشك شويه

وعندى فو صوت خروشه كده بسمعه طالع من عند التاكيهات دا من ايه واعمله عند مين ؟

أزيك با باشا عامل اية
بالنسبة لعلبة الشكمان انا بصراحة ما اعرفش العلبة الى بتقول عليها دى بكام
العلبة الى فى حجم العلبة الاصلية ممكن تبقى ب 140 او 150 جنية تقريبا

كبس الموتور الميكانيكى لو كشف على العربية حا يقدر يقولك الموتور بالتقريب حالتة اية
فك خرطوم الفايز الى راكب فى العمة و شوف لو طلع دخنة من الخرطوم يبقى الموتور خفيف شوية لو مفيش يبقى شغال

الصوت الى بتقول علية مش قادر احدد دة من اية بس صعب شوية انك تبقى سامع صوت التاكيهات ازاى حددت ان الصوت منها الا لو حد كان لاعب فيها قبل كدة
التاكيهات بتاعت التمبرا الخراط هوة الى بيظبطها
و ممكن تكون الرجة على السلانسية بسبب ان الكهرباء واطية شوية مش متأكد

المشاركة الأصلية كتبت بواسطة haythoom_7

السلام عليكم
العربية قطعت خالص امبارح ومش عارف اتعامل معاها
البداية كانت يوم الاربعاء وديتها لواحد نضف الكاربراتير ووطالي الدبرياش عشان كان عالي
ومشيت شوية
وبعدين يوم الجمعة قعدت تنتش فقلت ده اكيد بنزين وامبارح قطعت خالص واتصررفت فى 3 لتر بنزين وبرضه مش عاوزة تدور مع ملاحظة ان ضوء البطارية الجافة بقى اسود وجربت بطاريتين ومداتش برضة حتى مش بتلقط نهائي يعنى الماتور مش بيستجيب
رجاء المساعدة العربية جثة هامدة

و

طيب البوجيهات كويسة
و لما بتشيل السلك الى راكب على البوجيهات فية شرارة كهرباء بتطلع و لا لآ